*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴الثامن❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء الثامن + التاسع ام جلال : شو في ... شو صااااااااير ؟ رنا : م م م .. ما .. ما بعررف ما بعرف في صوت من غرفة هالة انا ما بعرف شو في ام جلال : هالة ؟ .. ركضت و فتحت الباب : هاااااااااالة ؟ شبك امي ؟ شبك شووو فيييييييي ؟ قربت لجوا و شفت هالة قاعده بالأرض و متكورة على حالها وعم ترجف وتبكي .. خفت من منظرها وضليت واقفه على جنب ام جلال : رنا جيبي كاسة مي بسرعه رنا : اي .. اي حاضر .. ركضت على المطبخ جبت مي ورجعت .. اخدت حماتي الكاسة ورشت على وش هالة وشربتها .. وهالة عم تحكي حكي مو مفهوم هالة : لا تخلوه يقرب مني ، طلعوه من هون .. طلعوه من هون خلي يبعد عني بكفيييييييييي بكفييييييييي ام جلال : لك مين هون ؟ شو عم تخبصي انتي شو عم تحكي ؟ رنا : مرت عمي بجوز شايفه كابوس! تطلعت فيني هالة وصرخت : اطلعي من هون انتي اطلعي من هون ما بدي ياكي ما بدي شوفك انقلعي رنا : انا شو عملتلك هلأ ! ام جلال : رنا اطلعي من هون .. روحي اتصلي على جلال خليه يجي رنا : جلال ؟ ام جلال : ايه اتصلي عليه يلا .. بسرعه رحت اتصلت عليه ، كنت اكتوب الرقم وخربط فيه وارجع اكتبو .. كل ما شوفو بحس جروحي كلها بتتفتح .. اتصلت وبس سمعت صوتو رجف قلبي .. قلتلو يجي ويشوف هالة شبها .. خلال ثواني كان عم يدق الباب متل المجنون فتحتلو وقبل ما يحكي معي ولا حرف دفشني وفات على غرفة هالة عم يركض ..فتت وراه و وقفت عند الباب اسمعهن .. حملها جلال من الأرض وقعدها على التخت .. شربها المي و مسح على شعرها .. وامها حضنتها و صارت تهديها وتبوسها .. وانا عم اتطلع فيهن صرت ابكي ، ليش انا ما عملولي هيك ؟ ليش ما خاف علي هيك ؟ ليش ما حسسني انو بحبني و واقف معي ؟ كتير علي ؟ جلال : كيف صرتي هالة ؟ هالة : منيحه .. جلال : انا شايفك مو منيحه ابداً .. لازم ناخدك على دكتور يفحصك لنعرف شبك صرخت هالة : لا لا .. لا ما بدي دكتور ما بدي لا جلال : هالة .. شبك شووو في احكييييلي شو مشكلتك ؟ ام جلال : جلال روق على البنت ما تحكي معا هيك .. خلص انت اطلع استناني برا لافهم شبها جلال : لك كيف يعني اطلع .. ما بدي اعرف شو الي وصلها لهون ؟ ام جلال : جلال خلصني اطلاع لبرا مو ناقصتك انا .. جلال : ماشي .. ماشي .. طالع .. طلع جلال وضليت واقفه .. التفتت علي حماتي وقاتلي سكر الباب وروح .. سكرت الباب ولحقت جلال .. كان قاعد بالصالة وحاط ايديه على راسو .. وقفت وسندت حالي على الحيط : كيفها قمر ؟ جلال : منيحه .. رنا : وكيف البيبي ؟ جلال : _ _ _ رنا : ممممممم اعملك شاي ؟ تطلع فيني شوي و رجع نزل راسو رنا : طيب قهوة ؟ جلال : رنا روحي من وشي رنا : الحق علي بدي اخدمك ضلينا لحالنا نص ساعه وما حكى معي ولا حرف .. بس سمعنا صوت باب غرفة هالة انفتح التفتنا بسرعه .. طلعت حماتي وقالتلي فوت ضل جنب هالة لترجع هي لعندها .. كانت حماتي عم تمشي وهي سانده حالها على الحيط و وشها ما عم يتفسر و عيونها منفخين مبين عليها بكيانه .. ما ناقشت بشي و فتت لعند هالة كانت قاعده بزاوية التخت وعم تطلع حواليها وتبكي .. قعدت بعيد عنها و ما استرجيت احكي شي .. تطلعت على الخزانة لاتاكد انو الكيس الي حطيتو بعدو مو مبين .. بس حسيت انو الريحة البشعه مبينه .. شوي شوي حاولت افتح طرف الشباك ليتبدل الهوا .. واول ما مديت ايدي على الشباك ارتعبت هالة وصارت تبكي اكتر .. رنا : لا تخافي بس بدي افتحلك الشباك مشان تتهوى الغرفة .. هزت براسها انو ماشي و رجعت قعدت ساكته .. قمت وصرت حوص بالغرفة .. وهالة تمددت و كانو عيونها يغمضو وترجع تفتحهن فجأة وتصير تبكي .. بلشت اصوات حماتي و جلال ترتفع واسمعهن منيح . .. ركضت لعند باب الغرفة ليكون كل شي واضح وافهم شو القصة .. جلال : انتي وبنتك شايفيني قدامكن غبي ما بفهم ؟ انا هلأ بدي فوت وقطعها مية قطعه واعرف بنتك مع مين غلطانة ... هاد الحكي ما بيمشي علي روحو اضحكو فيه على واحد جاهل ومو متعلم .. قال جن قال .. لك شو شايفيتني حمار ؟ والله لارجع ربيها من اول و جديد... بدها تحط راسي بالارض بين الناس أم جلال : اخرس....يا خسارة تربايتي و تعبي فيك... اختك عم تموت قدام عيونا و انت كل همك و تفكيرك الناس شو رح يحكو عنك... ان شاء الله يحترقو الناس كلهن... انا ما بهمني غير بنتي... افهم بقى اختك بمصيبة و ازا ما وقفت معها رح اغضب عليك دنيا و آخرة وما رح سامحك يا جلال سمعت صوت شي انكسر و جلال عم يعيط : انتي مقتنعه بهاد التخبيص ؟ مقتنعه بهاد الحكي ؟ بنتك عم تضحك علينا وعم تعمل كم حركة مشان تخبي فضيحتها وتقول انو هي ما غلطت بشي ام جلال : اختك مو عرفانه ازا هي غلطت او لأ .. ومو عرفانه شو الي صاير فيها .. يا ابني هي اختك ترباية ايدك مستحيل ت كون غلطانه او عامله شي ففكر شوي .. هالة ما بتغيب عن عيني ولو ثواني ... كانت عم تحكي هي ومرعوبة .. وعم تقول انو بتحس في حدا بنام معها بفراشها وهي تعبانه كتير وخايفه .. جلال: امي بدك تجننيني ؟ بدك تجننييييييييني ؟ ام جلال : لك شو اعمل بحالي انا .. جبتك لتوقف معي قمت وقفت ضدي شو بدي احمل لاحمل شو بدي احمل !!!!! فتحت باب الغرفة وبدي اطلع ، فوراً حست علي هالة وندهتلي .. هالة : رنا....انا خايفه كتير مشان الله نامي عندي بالغرفة....ليكي انتو مو فهمانين الي عم يصير... لا تخافي مني والله انا ما رح آذي حدا سدئيني انا مو مجنونه هو بيجي لهون كل ليلة انا متأكدة... ضلك معي و رح تشوفي بعينك!! بلعت ريقي ... حسيت ايدي تجمدو من الخوف .. معقول هالحكي ! معقول هاد كلو بسبب السحر !! تطلعت على الخزانة وكنت بدي مد ايدي و اخود الكيس ، بس خفت هالة تكون وعيانه و اوقع بمصيبة .. رنا : طيب راجعتلك .. ثواني بس .. طلعت بسرعه من الغرفة وتدخلت بالحديث بين جلال وحماتي رنا : جلال وطي صوتك هالة صاحية .. رفع ايدو بوشي : انتي لا تسمعيني صوتك .. وما تدخلي بالموضوع .. وما في داعي تسمعي شي اصلاً .. وازا بعرف انك حاكيه لاهلك او لحدا غريب بدي قص لسانك رنا : شبك انا شو حكيت معك جلال : ما حكيتي .. روحي من وشي هلأ ام جلال : جلال اختك ما عم تكذب جلال : انتي مو قلتيلي من يومين انو ام لطفي خطبتها لابنها ؟ ام جلال : اي ؟ جلال : بكرا الصبح بتتصلي عليهن و بتقليلها يجو يكتبو الكتاب وياخدوها ام جلال : شوووووو !!!!!!!!! جلال : مو انتي عم تقولي انك واثقه انو بنتك شريفه ؟ .. ماشي .. هي مظلومة و انا ظالم ونيتي عاطله .. خليها تسترجي تقول ما بدها تتجوز .. وقتها رح اطلع بروحها .. طلع جلال من البي ت ، و فوراً حماتي ركضت لعند هالة .. وانا قعدت افكار تاخدني وتجيبني ، كانت ليلة طويلة كتير ... الصبح كان جلال عنا وما راح على دوامو وضل فوق راس حماتي لاتصلت على ام لطفي وخبرتها يجو المسا ليحكو بالنقد و بالتفاصيل .. وهالة ما كانت عرفانه شي .. اجت قمر و بلشت تشتغل وتحوص بالبيت .. فتت وراها على المطبخ وحسيت عليها انها تعبانه .. رنا : شبك قمر مريضه شي ؟ حطت ايدها على بطنها : ما بعرف حاسه بوجع رنا : اي قلتي لجلال ؟ قمر : لا شو بدي احكيلو ما بعرف .. بس دايماً بتوجع هيك رنا : ما شفتي دكتورة مشان حملك ؟ قمر : لا بستحي .. ما بدي روح على دكتورة رنا : بتستحي ! قمر : اي ، خلص مو ضروري .. امي بتقول كل الحوامل بيتعبو رنا : لا مو عادي .. خلص انا رح روح على الدكتورة واسالها عن وضعك وجيبلك دوا قمر : ليش بصير ؟ رنا : اي طبعاً بصير ، ما بتفرق ازا انتي رحتي او انا .. المهم حدا يشرحلها الوضع وخلص قمر : اي ماشي رح احكي لجلال رنا : بالله ؟ شايفه الوضع مناسب تحكي لجلال ؟ قمر : اي بس انا مو فهمانه شي يعني هالة شو عاملة والله ما عم افهم رنا : اي وانا مو فهمانة خلص ما دخلنا نحنا ، ازا في عرس منمشي فيه .. تطلعت على بطن قمر وكملت : وازا في جنازة منمشي فيها .. قمر : جنازة .. ولي .. بعيد الشر طلعت من المطبخ بسرعه وانا لسه عم اتطلع عليها ، حطيت ايدي على بطني وتخيلت لو انا الي حامل وفي ببطني طفل صغير .. المسا بعد ما هلكنا ونحنا نعزل البيت وصلو اهل العريس .. استقبل جلال الرجال و اتقبلت حماتي و بنات حماي النسوان .. وانا ضليت بغرفتي لان مابدي حدا يشوفني وقمر كانت مع هالة بغرفتها مشان ما تخيلها تطلع لبرا وتعرف شي ... ضلو ساعتين اتفقو على كل شي و تحججت حماتي بأنو الشب بيعرف هالة من زمان وبيعرف شكلها فــ مافي داعي تدخل لعندو هلأ وبيشوفها على كتب الكتاب .. ومشيت القصه مع انو الكل كانو حاسين في شي مو مزبوط والجو متوتر .. بعد ما طلعو الضيوف اخد جلال مرتو وراحو على بيتهن .. ورحت انا استفهم من حماتي ش والي صار وصارت تخبرني عن التفاصيل الي اتفقو عليها .. رنا : طيب هلأ انا فهمت كل شي ، بس ما فهمت كيف بدك تجوزي هالة وهي بهاد الوضع ! ام جلال : عم تسأليني انا ؟ والله ما بعرف .. هلأ بدي فوت خبرها الله يستر من ردة فعلها .. رنا : طيب الجماعه ما حسو بشي ؟ يعني في حدا بحدد العرس بعد اسبوعين من الخطبه ! .. انو ايمت بدكن تجهزو و شو سبب الموافقه المفاجئة العالم شو بدها تحكي ! ام جلال : ما بعرف ما بعرف حلي عني يا رنا الي فيني مكفيني خلص بكفي رنا : ايوه .. ايه تصطفلووووووووو قامت حماتي لعند هالة ..قمت فتحت البراد واخدت تفاحه : فخار يكسر بعضو ___ _ _ كانت اليوم شوفة هالة وكتب كتابها على لطفي ، تركتهن عم يمسحولها دموعها و يمكيجوها و طلعت لعند ام سلطان .. ام سلطان : رنا ؟ هاد انتي ؟ رنا : فوتيني بدي احكي بالشارع ؟ ام سلطان : طيب..تفضلي .. رنا : خدي هدول المصاري بتوصليهن لوردية وبتقليلها تفك السحر ما عاد بدي ياه ام سلطان : اه ؟ سحر شو ؟ رنا : لك ما فيني قلك خلص انتي قصص أروع ماقيل: بس اعطيها هدول واحكيلها هاد المبلغ الي كنا متفقين عليه وانا ما فيني روح ابداً لان بيت حماي مقلوب قلب ام سلطان : ولي هدول المصاري كلهن من وين جبتين ؟ رنا : بعتي كل شي دهب معي .. المهم بدي منك خدمه ام سلطان : خدمه ؟ رنا : كل شي بحسابو ما تخافي .. ام سلطان : خير ؟ رنا : انا حامل .. ام سلطان : نعم ؟ انتي ؟ رنا : لك ايه انا .. يعني جوزي بحبني كتير و الحمدلله علاقتنا ما تأثرت بسبب هالحروق البسيطة .. المهم هلأ الحمل صار بالغلط .. وبدي نزل الجنين احسن ما يجي مشوه ام سلطان : هلأ رنا انتي متاكده انك حامل ؟ متاكده يعني ؟ رنا : يييييي علينا .. تكشفي علي اختي ؟ ام سلطان : طيب طيب خلص .. شو بدك مني هلأ ؟ رنا : بدي تدبريلي دوا مشان نزل الولد .. ام سلطان : يخرب بيتك من حالك !!! من وين بدي دبرلك هيك حبوب !!!! فتحت الشنتاية وطلعت منها مصاري : لك خدي خدي هدول كلون .. بتدبر معك القصه .. مو حرام جيب ولد مشوه ! اعتبريه عمل انساني ! مسكت المصاري وصارت تعدهن : ايوه .. اي صح هاد عمل انساني .. ليش لأ .. طلعت من عندها ورحت لعند امي ، ضليت عند اهلي لوقت متأخر و نمت عندهن وما حدا سأل عني .. وتاني نهار اصبح رجعت كان الجو كتير متوتر وحماتي رابطه راسها و ممدده .. فتت لعند هالة و كان في علامات ضرب على وشها .. ما لقيت حل الا روح لعند قمر افهم منها شو القصه .. وقالتلي انو هالة ما بدها تتجوز و جلال ضربها بعد ما طلع العريس من عندها .. وبدو يجبرها على الجوازة .. رنا : يوه معقول ضربها !! قمر : اي متت رعبة بس شفتو هو ويضربها رنا : مممم قمر : رنا شو صار معك بالدوا ؟ والله عم موت من وجعي وخايفه احكي لجلال يقوم يعصب علي..معقول ابني عم يصرلو شي يعني ؟ رنا : لا انتي ما تجيبي سي رة لجلال هاليومين بجيبلك الدوا طولي بالك علي .. قمر : ماشي .. اعملك شاي ؟ رنا : شاي ؟ لا ريحي حالك بدي ارجع شوف الوضع هنيك كيف صار .. سلميلي على جوزي ... قصدي جوزك هههه تاني نهار حكيت مع ام سلطان وحكتلي انها اخدت المصاري لوردية وحاسبتها .. وانو رح تأمنلي الدوا بــاقرب وقت .. خلال اسبوعين كنا متل الضايعين عم نركض ركض لنلحق نجهز هالة و امها عم تقنعها انو بس تتجوز بتخلص من الشغلات الي بتصير معها .. واجا العرس وهالة طلعت عروس محنطة .. لا ضحكة ولا جمال ولا شي .. جامده كتير و الي بشوفها بفكر ميت الها حدا .. انا ما حضرت العرس ضليت بالبيت وسامعه صوت الأغاني و الاحتفال واصله لعندي .. وجلال مو معطي فرحتو لحدا لان اطمن انو اختو مو غلطانه مع حدا و لا كان اكيد حكت ... استغليت فرصة انو البيت فاضي و رحت اخدت الكيس و طلعت حفرت جنب البيت وحطيت السحر فيه و دفنتو .. ورجعت فتت غسلت ايدي وضليت خايفه يروح يصرلي شي .. بس رجعت حماتي طلعت اركض لشوف شو الاخبار .. بس ما حكتلي شي هي وعم تبكي وتقول ( يا حبيبتي يا بنتي ما عرفتي تفرحي ولا تتهني .. يا عيوني يا بنتي ما تهنيتي بعرسك ) ضليت ساكته وعم قول بقلبي ( متلي تماماً .. وانا ما لحقت اتهنى .. وما بكيتي علي بس هلأ عم تبكي على بنتك ما هيك ! .. ) تركتها عم تبكي وتنوح وفتت على غرفتي وحطيت راسي ونمت .. وبعد ساعتين صحيت على صوت باب البيت عم يدق .. و حماتي كانت صاحية وقاعده عم تبكي بالصالة ,, قامت تركض لتفتح الباب وانا لحقتها ..