*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴التاسع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة_بقلم_مال_الشام الجزء التاسع رنا : هالة ؟ ... لطفي ؟ وقفت مرت عمي هي ومصدومة .. وفاتت هالة بسرعه لجوا هي وعم تبكي وتصرخ : قلتلكن ما بدي اتجوز .. ما بدي اتجوز خلص اتركوني بحالي ما بدي اتجوز ام جلال : شو .. شو في ابني ؟ شو الي صار ؟ لطفي : خالتي هي بنتك عندك .. انا ما لمستها ولا قربت عليها ... انا ما بدي ياها ام جلال : الله لا يوفقك مرجعلي بنتي بليلة عرسها و بتقلي خديها .. مجنون انت شو الشغله على كيفك !!!!!! لطفي : انا الي الله لا يوفقني ولا انتو الي رميتو علي بنتكن ..هي مو بني ادمة .. ما بدي ياها خلوها عندكن ما بدي ياها فتل ضهرو ومشي و حماتي عم تعيط عليه وتترجاه يرجع .. رجعت هي وعم تضرب حالها وتبكي : انخرب بيتي ، شو بدي قول لجلال .. ما رح يسدئني انخرب بيتي انخرب بييييييييتي .. رح يقتل اختو .. رح ننفضح .. شو هالمصيبه .. شو هالمصيبه منظرة هالة وهي راجعه مكسورة و لابسه عبايه سودا علف براسي .ٍ. اكيد هي هلأ عم تعيش الي انا عشتو بالضبط .. اكيد فهمت الشعور الي مريت فيه .. بس انا ابطلت السحر ليش هيك صار معها ! .. وانا عم فكر ما شفت الا حماتي وقعت على الأرض وما عاد نطقت بشي .. حاولت صحيها و رش على وشها مي ما صحيت .. اتصلت بجلال و قلتلو يجي بسرعه .. اجا واسعف امو وما قلتلو انو هالة جوا .. اجت قمر لعندي وقعدنا نحنا بالبيت و سكرنا الباب علينا.. فتت اطمن على هالة .. لقيتها واقفه قراد التخت وعم تطلع فيه .. رنا : هالة ؟ التفتت علي .. بعدين حطت ايدها على التخت : شوفي .. الفرشة دافيه كأنو كان حدا نايم فيها مع انو انا ما نت فيها صح ؟ تعي شوفي رنا : شو قصدك ؟ هالة : هاد هو ... هو عم يستناني بالتخت ما رح يتركني بحالي خلص .. رح يضل يلاحقني .. لازم انتحر و اخلص منو .. حطت ايديها على راسها وصارت تبكي : بدي ارتاح خلص بدي ارتاح ما عاد متحمله .. لحقتني قمر .. تركتهن التنتين سوا وطلعت على غرفتي حاولت نام .. ضليت اتقلب بالتخت شوي حس بالندم .. وشوي حس بالفرح لان انتقمت منهن .. شوي ازعل عليها كيف رجعت مكسورة وكيف حالتها .. وشوي اتزكر كيف جوزت جوزي وانا مريضه و مقهورة وما سألت عني .. وش الصبح لقيت جلال عم يصحيني .. رنا : جلال ؟ هاد انت شو في ؟ جلال : امي ... بالعناية المشدده .. اجتها جلطة رنا : شووووووو جلال : اي ... امي بين الموت والحياة هي تاني جلطة بتجيها .. ايدي مربطة يا رنا .. لوقت ما استوعبت انو جلال عم يبكي قدامي متل ولد صغير ... ما لقيتو الا عم يضمني و يبكي على كتفي .. جلال : ما في شي عم يصير بحياتي صح ، كل ما حاول عيش متل كل هالناس بتطلعلي مصيبه .. اول شي انتي و بعدين هالة وهلأ امي ... وما بعرف شو لسه مخبالي حطيت ايدي على شعرو ومسحت عليه : لا تخاف مرت عمي رح تقوم بالسلامة ، هي قوية وما بينخاف عليها سدئني ... و اختك منيحه .. وانا .. انا نسيتني من زمان جلال : بدي قلك سر.... انا بحبك كتير....بحبك و بحب ريحتك وصوتك.... لك انتي حبي الاول....ما الي غيرك وما حدا بحس فيني الا انتي... بس انتي بتحبيني شي؟ ... رنا : بتحبني الي ؟ .. انا ؟ جلال : اي .. اي انا حبيتك عنجد من قلبي حبيتك .. بس رفعت راسو من على كتفي و تطلعت بعيونو :بتحبني وانت نسيان اني مشوهة .. هلأ هيك لما تطلع بوشي بعدك بتحبني ؟ ضل يتطلع فيني وانا عم اتأمل عيونو الي متل الجمر الدمع عم يلمع فيهن .. رنا : شو رد ؟ هيك بتحبني و لا بتحب رنا الحلوة الي احترقت وماتت بهداك الحريق ؟ مسح دموعو بايدو و وقف : مو وقت هاد الحكي ، انا لازم ارجع لعند امي ديري بالك على البيت وعلى قمر وازا بدكن شي احكو معي فوراً رنا : ماشي .. قمر بعيوني يا جلال .. تكرم .. بس راح قمت انا لشوف هالة وقمر شو صار معهن .. فتحت باب غرفة هالة شوي شوي .. ولقيتهن التنتين نايمات .. رنا : يا حبيبي لو يعرف جلال انو هالة هون .. كان بيجن رسمي .. لنشوف شو رح يعمل بهل مصيبه .. طلعت بهدوء و اتصلت بام سلطان تلات مرات ما ردت .. رابع مره ردت علي وصوتها صاحية من النوم هلأ .. رنا : شو سنه لتردي ؟ شو صار بالدوا دبرتيه ؟ ام سلطان : انو دوا ؟ رنا : لك ركزي معي .. الدوا الي وصيتك عليه ! ام سلطان : اه اه اي الدوا .. اي جبتو جبتو رنا : من وين جبتيه ؟ تثاوبت وردت علي : ما بعرف وحده جابتلي ياه رنا : اي يعني مضمون بينزل الولد ؟ ام سلطان : اي فوراً بينزل مجرب قالولي .. رنا : طيب .. وردية قالتلك انو فكت السحر ؟ ام سلطان : انو سحر ؟ رنا : لك الي قلتلك عنو .. لما دفعتيلها ما قلتيلها تفك السحر ؟ ام سلطان : لك اي قلتلها رنا بتقلك فكي السحر رنا : وشو قــالتلك ؟ ام سلطان : قالتلي يفكو رقبتها ، يعني يفكو رقبتك انتي حطيت ايدي على رقبتي وبلعت ريقي : انا ؟ ام سلطان : اي .. قال هي ما بتعطي اوامر هي بتترجى اصدقائها وهن من كرمهن بينفذو طلباتها بس مو دايماً بيسمعو الكلمة رنا : اصدقائها مين ؟ ام سلطان : يبعتلك حمى على هالصباح .. لا بتأذونا ولا منأذيكون .. كش برا وبعيد .. ولي رنا : _ _ _ ام سلطان : اعطي الدوا لامك توصلك ياه؟ رنا : لااااااا اوعي اوعي .. انا قلتلك ما بدي امي تعرف اي شي بصير بيناتنا ام سلطان : طيب طيب .. فكرتك خبرتيها .. شو اعمل هلأ انا ؟ رنا : شو تعملي ؟...طيب .. جيبيلي الدوا لعندي .. رح نقلك عنوان بيت حماي لان انا بنوب ما فيني اطلع ولا بأي شكل .. ام سلطان : ماشي هاتي العنوان خلصيني .. ر ح افطر و اجي اعطيكي ياهون لاخلص من هالموضوع رنا : ماشي .. سجلي عندك ... _ ___ _ على الظهريات اجت ام لطفي .. طلبت مني الدهبات الي لبسوهن لهالة و طلبت مني ما نحكي لحدا شو صار بين هالة و لطفي رنا : ليش شو الي صار ؟ ام لطفي : هالة ما خبرتكن ؟ رنا : لا لسه ما حكتلنا شي .. حماتي بالمستشفى و حتى جلال لسه ما خبرتو ان شاء الله بس يعرف ما يخرب الدنيا ام لطفي : ابني بس صفي هو وهالة لحالهن صار يشوفها متل الوحش وخاف منها كتير ، من اول ما فاتو لحالهن طلع لعندي هي وعم يتعرق ويرجف .. وحاولت هديه و افهم شو صاير و رجف فات اكتر من مره لعند هالة بس كان يطلع خايف كتير ويقول انو كل ما يحاول يقرب منها بحس حدا عم يخنقو .. يمكن حدا عامل عمل لأبني .. ما قدرت اقنعو يخلي هالة عنا كان بدو ياها تطلع من البيت بأي طريقه ، وانا ما بدي ابني ينفضح والناس تحكي عليه حكي مو صحيح بدي عالجو على الساكت ! والبنت رجعتلكن متل ما هي رجعولنا الدهبات رنا : ايوه يعني العلة من لطفي ؟ لم لطفي بعصبية : ابني ما فيه شي حدا حسدو يعلي عليه .. و بنت حماكي وشها ن حس علينا من يوم ما خطبها وهو مو متهني و حياتو مقلوبة .. جابتلنا النحس واجت .. رنا : اي بس يا ام لطفي انتي خايفه حدا يحكي برجولة ابنك .. وشرف هالة رح يصير بالارض .. كأنك مو حاسبه حساب هاد الشي ؟ ام لطفي : مشان هيك خلينا ساكتين ما لازم حدا يعرف بالي صار .. انا تصرفت بالموضوع وغطيت عليه ضل انتو تتصرفو ببنتكن وما تحكو شي رنا : هاد الحكي احكيه لاخوها لانو بس يعرف ما رح يسكتلكن ويمكن يقتل اختو لهيك انتي ارجعي واحكيلو الي حكيتيلي ياه .. ام لطفي : طيب .. جيبيلي الدهبات هلأ رنا : اي بجيبهن ليش ما بجيبهن .. فتت على غرفة هالة وقلتلها تعطيني الدهبات .. شلحتهن فوراً و زتتهن على الأرض .. اخدتهن واعطيتن لام لطفي و راحت .. كانت قمر عم تحوص بالبيت وايدي على بطنها و تعبانه رنا : شبك انتي التانيه حولتيني وانتي رايحه جايه قمر : تعبانه يا رنا تعبانه كتير رنا : طيب تسطحي بترتاحي قمر : امي قالتلي امشي .. قال المشي منيح للحامل رنا : يوووه انتي وامك .. امشي .. ضلك امشي بلكي بتخلفي وانتي ماشيه قمر : هو يجي ابني وبعدا ما بهمني شي .. رنا : ابنك ؟ولد ؟ قمر : اي هيك حاسه انو ولد ... حلمت فيه مرتين .. شفتو مره وهو صغير و مره وهو شب .. كان بيشبه جلال كأنو نسخه منو ضليت صافنه فيها والدم عم يغلي بعروقي .. عم اتطلع ببطنها و حاسه حالي رح انفجر .. قمر : رنا .. يا رنا رنا : اي .. اي شبك شو قلتي ؟ قمر : الباب عم يدق افتح انا ؟ رنا : انا بفتح خليكي لشوف مين .. قمت وفتحت الباب لقيت ام سلطان .. اعطتني الدوا و راحت بسرعه فتت لجوا وانا عم اتطلع فيهن .. قمر : شو مين ؟ رنا: هي .. انسي مو مهم ... فتت على المطبخ و شربت مي .. حطيت الدوا على المجلى وتطلعت فيه .. كانو مغلفين بورقة بيضا ومو مكتوب عليهن اسم الدوا او اي شي .. فاتت قمر لعندي : شبك في شي ؟ رنا : بعدك موجوعه ؟ قمر : اي والله ما عم يروح الوجع اخدت حبه .. والتفتت عليها .. : خدي اشربي هي قمر : شو هي ؟ رنا : ليكي انتي جابوكي لانك صغيرة ومابتعرفي شي، وانا معتبرتك متل اختي وعم ساعدك بكل شي....هلأ خدي هي الحبوب و خبيهن معك... اشربي وحده الصبح و وحده بالليل... و اوعي ها... اوعي جوزك يشوفهن قمر : ليش هيك عم تحكي ؟ وليش بدي خبي الدوا عن جلال انا موجوعه كتير وما فيها شي ازا اخدت الدوا رنا : طيب خلص خلص متل ما بدك .. لكن خدي هلأ اشربي حبتين مع بعض قمر : اعطيني مي مسكت كاسة المي و تطلعت على الدوا بايد قمر .. قمر : اعطيني رنا : طيب .. خدي .. _ _ ___ الساعه 7 المسا .... رن هاتف البيت .. قمت رديت وكان جلال المتصل .. رنا : الو .. جلال ما عم اسمعك منيح شو عم تحكي ؟ جلال : امي .. امي ماتت ... امي ماتت سكر الخط ... حطيت السماعه من ايدي وقعدت مكاني .. حسيت الدنيه فتلت فيني .. معقول !! ماااااااااتتت !!!!!!!!!!!!!!!! ماتت !!! كيف !! مو معقول لأ .. انا ! .. انا موتا !!!! قمر : رنا .. رفعت راسي فيها وانا لسه مو مستوعبه .. قمر : رنا انا تعبانه كتير .. ما عاد قادره اتحمل .. رجعت نزلت راسي للارض وما رديت .. قمر : رنا .. حاسه حالي رح موت .. ببوس ايدك .. ما عاد متحمله رنا : _ _ _ قمر : رنا .. قعدت على الأرض وصارت تزحف لعندي .. ما شفتها الا ماسكه برجلي و عم تبكي وتصرررخ : رناااااااااااااا مشاااااااااان الله ... رنا ما عاد متحملللللللللللللله حطيت ايدي على تمي وشهقت .. اتطلعت فيها هي وممده بالأرض وعم تبكي وتصررررخ بصوت عالي ... و عم تنزف دم بغزارة #يـــتبع