*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴العاشر❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة_بقلم_مال_الشام الجزء العاشر رنا : قمر شو صارلك ؟ .. قمر ؟ نزلت على الارض و صرت هديها وهي تصرخ .. طلعت هالة على الصوت وشافة قمر عم تنزف بالأرض هالة : شو صرلها ؟؟؟؟؟؟؟ رنا : ما بعرف .. انا ما بعرف شبها ما دخلني هالة : اتصلي بوحده من اخواتي يجو يشوفوها بسرعه رنا : اتصلي انتي .. ماسكتني ما عم تتركني قوم اتصلت هالة على خواتها المتزوجات وما ردو .. بلش صوت قمر يخف شوي شوي .. وبلشت ايديها الي ماسكيتني فيهن يرتخو رنا : قمر ؟ ولي .. رح تغيب عن الوعي .. هالة الحقيها هالة : قمر تطلعي فيني .. تطلعي فيني لا تغمضي عيونك قمر : هالة ابني مات .. كنت حاسه فيه وبنبضو .. بس هلأ مات ، ابني مات دبلت بين ايدي شوي شوي ... غابت عن الوعي وما عاد ردت علينا .. جمعنا الجيران على اصواتنا .. اجو وساعدونا واسعفو قمر .. بالمستشفى اتصلت بجلال و قلتلو الي صار مع قمر ، كان موجود بنفس المشفى وفوراً اجا لعنا ليشوف شو فيه .. كنا ناطرين كلنا بالممر و جلال حاطط راسو على الحيط .. كأنو جثة عم تتحرك ملامحو و نبرة صوتو .. حتى انفاسو بطيئة و غير منتظمة .. طلعت الدكتورة والممرضات بعد ساعه ونص (( وين زوجها ؟ )) جلال : انا .. شو صار ؟ الدكتورة : البقية بحياتك .. انقبض قلبي وحسيت وجع بصدري .. اتطلعت فيها وانا خايفه : مات الجن ين ؟ الدكتورة : خسرنا الأم و الجنين .. شدو حيلكن وقعت هالة بالأرض و صارت تصرخ و جلال حط ايدو على تمو وصار يبكي .. وانا قمت ومشيت ورا الدكتورة بدون وعي وانا عم اسالها : شو ؟ قمر ماتت ؟ لا ما بصير بس الولد لازم .. وين قمر ؟ .. قمر ماتت !! فتح جلال عزا و كنت انا متل الي مضروبة على راسي مو مستوعبة شي ، و بالعزا بلشو النسوان يحكو على هالة لان مبين عليها مو طبيعيه وعم تتلفت حواليها متل الي خايفه من شي .. مرقو تلات ايام العزا وبلش البيت يفضى من العالم و انا هلأ مو مسدئة انو حماتي و قمر ماتت .. كنت قاعده مع النسوان لما حسيت انو هالة من زمان مو مبينه ، قمت على غرفتها لشوف وينها .. فتحت الباب عليها ولقيتها واقفه على الشباك وعم تطلع لبرا .. رنا : هالة تعي اقعدي مع العالم عم يسالو عنك هالة : مين الي جابو لهون ؟ رنا : مين هو ؟ هالة : هو .. اشرت باصبعها على التخت بدون ما تلتفت علي ورجعت قالتلي : هو رنا : ازا بدك ترتاحي خلص خليكي هالة : امي ماتت بسببي رنا : مو بسببك انتي ما دخلك هالة : و قمر قتلت حالها وابنها رنا : مــ ا .. ما .. هي .. اكيد ماخده الدوا بالغلط هالة : كيف بالغلط ، من وين جابتو .. بالمشفى قالو هاد الدوا ما بيتاخد لشي إلا للإجهاض .. هي قتلت ابنها ما كان بدها يا هيجي على هي الحياة لانو قمر نظيفه كتير وما قدرت تكون وسخه متلنا .. وخافت على ابنها .. كانت تحكي بنبرة غريبه وبطريقه بتخوف .. رجعت لورا وسكرت باب الغرفة ورجعت قعدت مع العالم ، بالليل ما ضل حدا بالبيت .. فات جلال و متل العاده نام على تخت امو وما حكى مع حدا اي حرف .. تاني نهار الصبح بكير قبل ما يجي اي بني ادم ، سحبت حالي و طلعت اخدت سيارة و طلبت منو ياخدني على مكان ال ساحرة مشان اترجاها تفك السحر عن هالة وبعدين اهرب من البيت تبعهن لان ما عاد قادره ضل فيه بنوب بعد ساعتين وصلت واعطيتو حسابو .. نزلت ومشيت مشي نص ساعه لوصلت على البيت الي رحنا عليه بالمرتين الماضيات .. كنت مستدله عليه منيح وحافظتو .. دفشت الباب الخشب مشان فوت بس كان مسكر .. دقيت عليه بقوة .. بعد ثواني فتحلي الباب ولد صغير تيابو مبهدلة ومبين عليه الفقر رنا : بدي شوف أمنا ورديه الولد : مين انتي ؟ رنا : انا ..انا .. انت ما بتعرفني انا بدي امنا وردية .. الولد : هاد بيتي انا .. وردية مو هون.. لا عاد ترجعي لهون احسنلك رجعت لورا بخوف : كيف ؟ الولد : ماما .. ماما تعي شوفي رنا اجت و بدها ستي ورديه فات يركض لجوا .. وانا من الرعبة ما تحملت ضل واقفه .. خفت كتير و رجعت من محل ما جيت و وقفت اول سيارة مرقت قدامي بالشارع انا وعم ارجف و قلتلو يرجعني على البيت .. ضليت كل الطريق قاعده ابكي ، بس وصلت فتت لغرفتي لجوا و طلعت اغراضي وبلشت ضبهن .. جلال : رنا .. كملت بدون ما التفت عليه : شو في ؟ جلال : بدي اسالك عن هالة ، ليش جوزها ما اجا اخدها لهلا ؟ وما اجا على العزا ؟ شو صاير ؟ رنا : ما بعرف روح اسال اختك انا ما بعرف شي جلال: شو يعني ؟ .. وانتي شو عم تعملي ؟ حملت الكيس بايدي و وقفت : متل مو شايف ضابه اغراضي و رايحه على بيت اهلي جلال : ليش شو في ؟ رنا : خلص ما بقى قادره ضل هون ولا لحظة .. جلال : هلأ بدك تمشي ؟ بعز حاجتي الك ؟ رنا : بشو محتاجني ؟ ما في شي اعملك ياه .. خليني اطلع من هون وارتاح مرقت من جنبو بسرعه .. هالة : رنا ؟ وين رايحه ؟ رنا : انا راجعه على بيت اهلي .. قربت لعندها وتطلعت فيها شوي بعدين مسكت ايدها وهمستلها : ليكي انا رح ابعتلك حدا يساعدك .. انتي مسحورة وكل شي عم يصير فيكي بسبب سحر معمول الك ، ورح دور على اي حدا بيقدر يساعدك ويخلصك ماشي ؟ هالة : ما في حدا بقدر يخلصني رنا : الا ما يكون في حدا بقدر يفك سحر رح دور ولاقي حدا بيقدر يخلصك جلال : سحر شو ؟ .. عن شو عم تحكي ؟ التفتت عليه : ليك .. ام لطفي رح تجي لعندك و تقلك كل شي ... لطفي رجع اختك لعندنا وقال ما عاد بدو ياها بس هي مــا عمــلــ ــ جلال : يا واطيه ... فضحتينا يا .... مسك هالة من شعرها و سحبها بقوة .. مسكتها و حاولت شدها لعندي انا وعم اصرخ : لك جلال خليني كمل بس حكيي .. المشكلة مو من اختك .. ام لطفي رح تحكي كل شي .. اختك ما عملت شي العيب فيه مو فيها والله هيك امو قالت جلال : مع مين غلطانه احكي .. احكي مع مين خبصتي ... لمين بعتي حالك وليه رنا : جلال وطي صوتك العالم برا رح تفضح حالك وتفضح اختك خلص سكوووت سكووووووووت تركهاااااااااااااا دفشني وضل عم يضربها متل المجنون ، جلال ما عاد بوعيو ابداً كأنو مخدر وعم يتصرف بدون احساس .. وهالة عم تنضرب وما عم تنطق ولا حرف طلعت على الصالة و قلتلهن يلحقو هالة من بين ايدين جلال .. ما خلصوها منو الا بطلوع الروح .. فوتناها على غرفتها .. قفلت الباب من جوا و نفسي مقطوع رنا : لك ليش ما صرختي .. ليش ما حكيت ي .. دافعي عن حالك فهميه شو الي عم يصير معك .. قامت فتحت خزانتها و مدت ايدها تحت التياب و طلعت سكينة .. رنا : شو هاد ؟ هالة : انا تعبت .. بدي ارتاح .. رنا : هالة اتركيا من ايدك .. ليكي بدي قلك شي .. انا .. انا السبب .. انا الي عملتلك السحر انتي ما فيكي شي .. بس منفك السحر و بترجعي طبيعيه وما عاد يصرلك شي هالة : كذابة ، رح يضلو معي كل عمري .. ما رح يتركني بحالي الا وقت موت وقتها بخلص منو وبرتاح حطيت ايدي على المفتاح و صرت افتحو وايدي ترجف وابكي واترجاها : ببوس ايدك بكفي خلص بكفي خلللللللللللللص انا ما عاد بدي انتقم ما عاد بدي انتقم حاج حــــاااااااااااج موت حااااااااااااااااج فتحت الباب و وقعت على ركبتي وصرخت : جلاااااااااااااااااااااااالللللللللللل لوقت ما اجا جلال لقدرت التفت وراي ، كنت شايفه شوفها قتلت حالها بس كانت بعدا واقفه و ماسكه السكين بايديها التنتين .. جلال : هالة اعطيني هي الي بايدك .. شو عم تعملي ؟ هالة : مو انت بدك تقتلني ؟ .. انا ما رح خليك توسخ ايدك .. لزقت ضهري بالحي طوانا عم اكول بحالي من الخوف و التعب ما عاد متحمله الشي الي عم يصير جلال : اي بس انا ما ضللي غيرك .. قرب لعندها ومد ايدو : اعطيني ياها .. هالة : اخي .. انا كتير تعبانه .. ما عاد فيني اتحمل .. اتطلعت على تختها واشرتلو : هو كل يوم عم يجي .. وما رح يتركني بحالي جلال : طيب خلص .. انا رح احميكي منو مــين ما كان .. هاتي السكينة وقف قدامها مباشرة .. وحط ايدو على ايدها : اتركيها هالة : بعد عني .. خلوني ارتاح وريحكون مني .. بدي الحق امي .. ما بدي عيش بدونها .. هي ماتت بسببي وبسبب همي جلال :طيب و بتتركيني لحالي ؟ سحبت هالة ايديها و صار جلال يثبتهن ويقلها تتتروك السكينة .. وهي تصرخ وتقلو يبعد عنها .. جلال : هالة اتركيا من ايدك .. اتركيا هالة : شو بدك فيني ... شووووووو بدك مني بعد عني ما عاد بدي عيش .. ما بدي عيش ولا لحظة جلال : هــالــ ـ ـ ... وقفت حركتهن التنين ... وصالة تطلعت بجلال وحطت ايدها على تمها هالة : جلال !! استندت على الحيط و وقفت مسحت دموعي : جلال ؟ .. سحبت هالة ايديها وهن مغطاين بالدم .. : انا شو عملت ! .. شو عملت ! قربت لعندهن و وقفت قدام جلال .. تطلعت فيه والسكينة مغروزة ببطنو و دمو عم يصفى بالأرض .. تطلعت بعيونو و كان عم يتطلع فيني .. ابتسملي وحط ايدو على بطنو و وقع جسمو علي .. تلقيتو و حطيت ايدي على ضهرو وشميت ريحتو وهمستلو بادنو : حبيبي .. جلال ؟ #يتبع