*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴الحادي عشر والاخير❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء الحادي عشر #الأخير الدكتورة : اي وشو صار بجلال ؟ رنا : مات .. الدكتورة : وهالة ؟ رنا : هالة انتحرت بعد جلال فوراً الدكتورة : طيب ليش عم تبكي ؟ مو انتي كنتي عم تتمني تحرقيهن متل ما احترقتي ؟ رنا : اي .. او لا .. ما كنت بدي هيك يصير .. اشتقت لجلال كتير ... واشتقت لقمر و الهن كلهن الدكتورة : طيب هلأ ارتاحي انتي و منرجع نكمل حكي المسا اتفقنا ؟ قامت الدكتورة وتركت رنا متمددة على السرير .. سكرت باب الغرفة وراها .. ولقت جلال واقف عم يستناها جلال : شو دكتورة ؟ شبها مرتي ؟ الدكتورة : استاز جلال شوف .. وضع زوجتك كتير سيء نفسياً اكتر من صحياً .. يعني هي الحروق الي ببشرتها من الدرجة التانيه ممكن تتعالج بعمليات تجميليه .. بس المصيبه بالأثر النفسي .. هي عايشه بصدمة نفسيه ومتخيله انك تركتها و تزوجت عليها جلال : طيب خليني فوت انا بعرف اتفاهم معها و اقنعها انو انا جنبها الدكتورة : لا لا .. لو سمحت لا تفوت .. اصلاً رنا معتبرتك حالياً ميت ازا شافتك ممكن تخليها تنتكس .. جلال : كيف يعني ؟ الدكتورة : بالأول بدي اسالك كم سؤال ازا ممكن .. تفضل معي على مكتبي .. رنا حالياً بتكون نامت لان اعطيتها ابرة مهدئ .. تفضل .. فاتو على المكتب و قعد جلال هو ومتوتر : تفضلي ؟ الدكتورة : بدي اسالك عن شوية شغلات .. او تحديداً عن اشخاص .. جلال : اي ؟ الدكتورة : لطفي مين بيكون ؟ فكر جلال شوي : لطفي .. هاد شب من حارتنا شبو ؟ الدكتورة : شو علاقتو باختك ؟ جلال : ما الو اي علاقة باختي بس هو حكي معي مره مشان يتقدم لهالة !! الدكتورة : وانت خبرت رنا وقتها ؟ جلال : اي مره شفناه بالطريق وقلتلها هاد الشب رايد هالة وحكيتلها شوي عنو الدكتورة : ممتاز .. طيب .. وقمر ؟ جلال : مين قمر ؟ ما بعرف حدا بهاد الاسم ! الدكتورة : هلأ هي بنت عمرها 15 سنة .. حسب ما وصفتلي رنا انو بنت حلوة كتير و شعرها طويل والها خدود وردين جلال : لك اي اي .. هي قمر ما غيرها .. بنت بالمدرسة كانت متعلقة كتير برنا لانها بتحب الرسم ورنا كانت تعلمها ترسم ..شو عرفك فيها ؟ الدكتورة : وردية .. بتعرف حدا بهاد الاسم ؟ جلال : اللفاية الي بتجي مره بالاسبوع بتنظف البيت عند امي اسمها وردية بس شو علاقتها بالموضوع ؟ الدكتورة : ممتاز حلو كتير .. هلأ رنا حسب افتراضها انك انت تجوزت قمر وهي قتلت قمر .. و قتلت هالة وقتلت امك و قتلتك .. لانك تخليت عنها بسبب تشوها .. المشكلة عند رنا انو هي معتبرة علاقاتها كلها مبنين حسب جمالها الخارجي ، ولما صار الحريق وشافت وشها على المراية عقلها ما قدر يتقبل الحقيقه وصارت تفترض الأحداث و تخطط للانتقام مباشرة هي معتبرة انك انت تزوجتها لشكلها الخارجي و رح تتخلى عنها بسبب التشوه و حتى اهلها معتبره علاقتهن فيها قائمة على جمالها الخارجي ولما تشوهت بيتخلو عنها وما بيساعدوها مادياً لتعمل العمليات جلال : طيب خليني انا احكي معا و اقنعها انها رح تصير منيحه .. خلينا نعمللها العمليات فوراً .. اهلها باعو ارضهن وانا بعت سيارتي ودهبات امي واختي .. توفر معنا مبلغ عمليات التجميل و اتفقنا مع احسن مركز بالبلد بس خلينا نخرجها من هون رفعت ايدها بعصيبه : لا لا مستحيل .. انت بهي الطريقه رح تحل التشوه الخارجي الي عم تعاني منو زوجتك بس رح تترك تشوه داخلي مخيف داخلها .. لازم نثبتلها انو الكل رح يتقبلوها بحالتها هي .. وبعدين بعد ما تتعايش مع نفسها بتعملولها العمليات .. بس هلأ لأ جلال : دكتورة .. انا مو فاهم شي .. انتي الي عم تحكيلي ياه هلأ انو مرتي جنت ! وتشوه خارجي وداخلي وما بعرف شو لسه عم تخبصي . انا مو فهمان الي بدي افهمو انو مرتي رح ترجعلي و لا لأ ! الدكتورة : ممكن تهدي اعصابك اعطتو كاسة مي : اشرب جلال : طيب .. احكي ؟ الدكتورة : الحريق انطفى ببيتك ... بس بعدو شاعل بقلب رنا و بدنا نطفيه شوي شوي وبحذر .. اي غلط ممكن يخلي الحريق يمتد .. بدنا نطول بالنا .. #بعد_مرور_خمس_شهور_من_العلاج جلال: دكتورة انتي متاكده انو فيني فوت ؟ اكيد ما رح يصرلها شي؟ الدكتورة : ما تقلق ابداً .. انا حاولت صحح مسار تفكيرها .. قدرت امشي معها بالأحداث بشكل عكسي واثبتلها انو الأحداث الي براسها وهمية..صار وقت تشوفك لتثق بكلامي و بلش سيطر على افكارها وحطهن بالقالب الإنساني السليم اخد نفس وهو عم يتطلع عليها .. : طيب .. مشا باتجاها .. كانت قاعده بحديقة مستشفى الأمراض النفسيه وقف وراها..التفتت هي عليه جلال : مرحبا ؟ وقفت واتطلعت فيه هي وفاتحه تمها .. مسح عرقو واتطلع على الدكتورة وراه ليتطمن انها موجوده في حال صارت اي مشكلة .. قربت رنا لعند جلال كأنها شايفه شي غريب .. حطت ايدها على وشو .. ولمست عيونو .. انفو .. شفافو .. جلال : شو ؟ رنا : انت حقيقي ؟ حضنها بهدوء و شوي شوي .. شدها لصدرو و شمها بقوة : اشتئتلك كتير رنا : جلال انت عايش ؟ جلال : يا عيون جلال معقول روح واتر كك ؟ حاولت تتخلص منو بس ما تركها .. شدها اكتر بقوة ليهديها .. جلال : ما تخافي .. انا جنبك رفعت راسها وتطلعت فيه : شوف وشي كيف صار .. تطلع فيني انا مو حلوة .. انا كتير بخوف حط ايدو على شفافها : مين قال هالحكي ؟ بالعكس انتي كيف ما كنتي حلوة رنا : مو خايف من شكلي ؟ جلال : في حدا بخاف من ملاك ؟ انتي ملاكي .. وكيف ما كنتي بحبك حط ايدو على خدها .. غمضت عيونها وحست بدفا جلال : امي و هالة عم يسألو عنك .. كتير اشتاقولك فتحت عيونها وصارت تتنفس بسرعه : انتو .. انتو بدكن تقتلوني لانو قتلتكن صح ؟ جاي تنتقم مني مو هيك ؟ جلال : لا رنا انا بحبــ ـ ـ رجعت لورا وبعدت عنو بخوف : جاي تاخدني من هون مشان تقتلوني بس انا رح روح لعند وردية وخليها تعمللكن سحر كلكن .. بدي موتكن كلكن .. ما رح خليكن تقتلوني صارت تصرخ وتركض لبعيد .. تطلع جلال على الدكتورة لقاها جايها باتجاهو .. قعد بالأرض وحط ايديه على راسو الدكتورة : على فكرة ردة فعلها احسن مما كنت متوقعه جلال : فعلاً ردة فعلها رائعه ... رنا جنت ... مو بوعيها ابداً .. حاسس حالي خسرتها الدكتورة : جلال انت حاسس حالك خسرتها لانها جنت ولا انو التشوه خوفك ؟ جلال : كيف ؟ رفعت حواجبها بسخرية : شايفتك تدمرت من اول لقاء عن قرب .. يمكن كل شي حكتو هالة هو خيال .. بس كان ممكن يكون واقع بشكل من الأشكال .. وقف ونفض تيابو : انا بحبها،وهاد الحكي مو صحيح ما رح اتخلى عنها الدكتورة : تمام،بعدك باول الطريق .. مع الأيام رح نشوف يعد شهرين التقت بالكل .. هالة و ام جلال و قمر و اهلها و جلال و ورديه.. وبلشت تستوعب انو الكل عايش و محدا خايف من شكلها ، بعدين صارت هي تطلب تشوف جلال وتلتقي فيه .. كانو يقعدو ساعات بالحديقه ويتمشو .. رنا تضل ساكته و جلال يحكي عن ذكرياتهم و بداية علاقتهم و شهر العسل متل ما طلبت منو الدكتورة رنا : جلال جلال : اي ؟ رنا : نعست جلال : هههههه شو خطرلك هلأ ؟ رنا : ما بعرف مشينا كتير ونعست .. بدي نام .. فوراً خطر لبال جلال الأدوية الي بتاخدن رنا واكيد هن السبب انها نعست فجأة .. قرب منها وحملها بين ايديه .. استسلمتلو وحطت راسها على صدرو بتعب : لا تصحيني ماشي ؟ جلال : حاضر.. طلع فيها على غرفتها بالمستشفى .. وفات حطها على تختها ابتسم هو وعم يلمس خدها : انتي مو بشعه ... اجمل منك عيوني ما شافت .. لانو اخترتك بقلبي رنا .. ما اخترتك لانك حلوة يا مجنونه ! بعد سنة وشهرين من العلاج تخرجت رنا من المستشفى مع شرط المتابعه وبلشو بالعلاج التجميلي ... بعد ما خلصو عمليات التجميل لجسمها و وجها، كانت عم تجهز حالها بالمستشفى وناطرة جلال يجي ياخدها .. فتحت الشباك وتطلعت بالشمس بدون ما تحس عليه فات على الغرفة و حضنها .. فجأة رنا : انت جيت ؟ جلال :بشو عم تفكري ؟ رنا : خايفه شوي .. جلال : من شو ؟ رنا : ارجع اتشوه ! فتلها لعندو وحط ايديه على خدها : لما تكوني من جوا روحك صافيه وحلوة ما في شي بقدر يشوهك حبيبتي رنا .. التشوه الحقيقي مو هون ! رجع اشر على راسها وبعدين على قلبها : التشوه هون .. و هون بالقلب و العقل و انتي قلبك وعقلك مافيهن شي ماشي؟ تنهدت و هزت براسها: ماشي رجعت رنا على شغلها بالمدرسه كانت قاعده بغرفة المعلمين،اجت قمر عم تركض لعندها ونفسها يتسارع قمر : أنسة ... أنسة الحقي الحقي وقفت رنا بخوف : شو في حدا صرلو شي ؟ قمر : لا بس شادية واقفه مع استاز جلال الهن ساعه عم يحكو قلت بجي بفسدلك .. قصدي بخبرك رنا : ساعه ؟ قمر : ايه والله يا انسة .. رنا : ماشي .. بسيطه يا جلال .. تركت القلم من ايدها و طلعت هي ومعصبه وصلت لعندهن و جلال لما شافها عرف انو وقع بمصيبه جلال : حبيبتي ؟ كيفك ما شفتك اليوم رنا : كيفني اه ؟ .. شو عم تعمل هون ؟ حطت شاديه ايدها على تمها وضح كت جلال : خلص منحكي بالبيت شبك ! رنا : مشي قدامي جلال : لك رنا ! سحبتو من ايدو و مسكت فيه بقوة جلال بانزعاج : ما بصير تحطيني بهيك موقف ! رنا : لك كنت بدي قلك شي ضروري تركتو رنا ورجع تشوي لورا .. رفعت عيونها للسما هي وعم تلعب باصابعها : كنت بدي احكيلك انو اليوم المسا عاملتلك مفاجئة ، بس شكلك مو رايق خلص بلاها .. خليني روح كمل شغلي مشت خطوتين .. مسكها من ايدها وسحبها لورا : لا بالعكس رايق كتير بس اعطيني تلميحات شو المفاجئة ؟ قربت من ادنو وهمستلو، بعدين سألتو : شو رأيك ؟ صفن فيها شوي و حك راسو .. بعدين قرب منها وباسها .. شهقت رنا بخجل : ما اغلظك حبكت معك هون بالباحة ! جلال : حبيبتي اعتبريها دفعه على الحساب .. #تــمــت #ⴅმძ3һค