*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵المال والبنون* *❴🔢❵الـــبـــــــــــ❴الثالث❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: الجزء التالت: فاتن: اخوكي الواطي يلي ما بيتسمى , اذا بصير شي لامك , ما رح سامحو , الله لايوفقو سوزان : ناصر!شو عامل؟ حامد: طلع موقع امك و خالتك على اوراق تنازل عن حصصن بالورتة ما متل ما قال رافع دعوى على اخوالو , و اكيد قابض عنن سوزان: الندل , انا الحق علي ا,لله لا يعطيني شطارة, انا يلي نكشت الموضوع, انا يلي قلتلا تلاحق القصة , بس ما كنت متوقعتو يكون عامل هيك .. طلع الدكتور من غرفة امي و ركضنا لعندو و سالناه عن وضع امي الدكتور: حاليا الحجة بغيبوبة , ما منعرف ايمت بتصحى , لهيك ما فينا نقيم الضرر يلي صار معا لحتى تفيق انشالله , ادعولا حامد: دكتور لايمت يعني ممكن اطول هالغيبوبة الدكتور : ما منعرف , يمكن ساعتين , يمكن شهر , و يمكن اكتر بس كل ما طولت ما لصالح الست الوالدة سوزان: دكتور ممكن نفوت نشوفا؟ اذا بتريد الدكتور : أي بس رجاءا شخص واحد بس يفوت فاتن : بتسمع دكتور اذا حكيناها الدكتور : ممكن , انت ابنا ؟ حامد: ايه الدكتور: لحقني اذا بتريد حامد: يلا هلأ دكنور راح الدكتور و قبل ما نحكي بمين بدو يفوت لعندا , كانت خالتي فاتن مقررة انو هي يلي بدا تفوت , اطلعنا فيا فاتن: ما تطلعو فيني هيك , انا اختا , انا بدي فوت بالاول حامد: ما حكينا شي سوزان: محمد روح انت على البيت , هلا بيجو البنات محمد: طيب ما على قلبا شر , معافاية انشالله لبست خالتي و فاتت لعندا وانا وقفت برا, نزل حامد ورا الدكتور, رجع بعد نص ساعة لون وجهو متغير, قلقت اكتر سوزان : شبك شو قلك الدكتور؟ حامد: ولاشي ...سالني كام سؤال عن امك اذا عندا سكري او ضغط سوزان : ايه حامد: انا رايح شوي و برجع نزل حامد و انا وقفت على الشباك عم اتفرج على حديقة المشفى , شفت حامد فايت على الحديقة , قعد على الكرسي ,ما كنت شايفة وجهو , كان عاطيني ضهرو , ضل قاعد شوي بعدين طلع لعنا , نحن و قاعدين و عم نشرب قهوة ,اجا اخي ناصر , شافو حامد من بعيد , حط الفنجان على الكرسي , و هجم عليه و مسكو من بلوزتو و لزقو بالحيط حامد: يا واطي باي عين جاي لهون , بعد ما جلطتا لامك ناصر: بعد هيك دفشو بعيد عنو و التمت الناس تتفرج علينا سوزان: انقلع من هون , الله يلعنك ناصر: هاي امي كمان حامد: هلا تذكرت انو هاي امك ,ولا اذا بصرلا شي لامك , لاقطعك و زت لحمك للكلاب , انقلع من هون , يا نصاب يا سراق يا حرامي ...(يصرخ)يا ناس يا عالم واحد بيسرق امو... بلا شرف رجع هجم ناصر على حامد و حطلو ايدو على تمو حتى يكتم صوتو ناصر: اخرس ...لميت الناس علينا قملو حامد ايدو عنو ودفشو و رجع يصرخ بصوت عالي حامد: الله يلعنك ..جلطتا لامك من ورا طمعك ..يا خاروف يا تشتوش هجمو على بعض و بلشو يضربو بعض , و انا صرت صرخ و ابكي و ادفشو لناصر بعيد عن عن حامد ونادي خالتي فاتن نحن يلي كنا نجتمع على طاولة وحدة و ناكل من نفس الصحن و عم يمشي بعروقنا نفس الدم و بتجمعنا نفس الكنية , وقفت الناس تتفرج علينا نحن الاخوات و نحن عم نتقاتل مع بعض و امي جوا بغيبوبة ما معروف وضعا , كانت ابشع صورة بالبوم صورنا خلدت بذاكرتي لارجع شوفا مرة تانية بعد سنين .»»> الجزء الرابع: طلعت خالتي من عند امي تفصل بيناتنا , بعدين سحبتو لناصر من بلوزتو و بزقت عليه فاتن : انقلع من هون يا مغضوب , اختي غضبت عليك قبل ما تنجلط...و اوعى تفكر ترجع لهون ...انسى انو عندك ام ...اختي مشلوحة جوا بسببك يا ندل نزل ناصر من المشفى و تركنا عم نرجف من سمة البدن , على الساعة 9 المسا فاتن: روحو انتو , انا ببقى هون سوزان: لا خالتي , انا ببقى بنام عندا فاتن: خالتي انا ما وراي شي , لا رجال و لا اولاد, اما انت عندك اولاد بحاجتك , روحي نامي ببيتك و ارجعي بكرا بس تبعتي اولادك على المدرسة وانت حامد كمان وصلا لسوزان على بيتا و روح على بيتك حامد: طيب , بكرا الصبح منرجع انشالله فاتن: الله معكن نزلنا على المشفى و رجعنا على بيوتنا ,عشيت اولادي و نيمتن و رحت لنام محمد:ما قلتلك اخوكي ناصر عم يطبخ .. سوزان: محمد الله يخليك ما بقا تجبلي سيرتو و لا بدي اسمع اسمو , الله يلعن ابو المصاري , اذا بدا تعمل الواحد بلا اخلاق , هلا تقوم امي من الغيبوبة و ما بدنا شي و كل يلي اخدو بكرا بيدفعو على صحتو محمد: اخوالك اكيد سمعو بجلطة امك , ما حدا اجا منن سوزان: لا ما حدا , و لا بدنا اياهن يجو محمد:شو بهمن , اكلو يلي اكلوه سوزان :محمد تصبح على خير محمد : و انت من اهلو ما قدرت نام هديك الليلة ابدا , تاني يوم فقت و بعتت اولادي على المدرسة و طلعت على المشفى و اخدت فطور معي لخالتي سوزان : بيسمحولي فوت شوف امي فاتن : ايه , فوتي فتت على غرفة العناية المركزة, ,شفتا موصلة باجهزة كتير بانفا و على تما , اول ما شفتا , انهارت اعصابي , كان وجها اصفر كتير على غير عادتا ,ما قدرت اتحمل شوفا هيك , طلعت فورا انا و عم ابكي , لفتني خالتي فاتن فاتن: بكرا بترجع متل اول انشالله سوزان: انشالله يا رب نحن و عم نفطر , لمحنا رجال واقف بعيد عم يطلع علينا, غصيت باللقمة ,كان خالي فؤاد واقف عم يطلع علينا علامات الخجل واضحة على وجهو فاتن: هيدا شو جابو , العمى على الوقاحة قامت خالتي و مشيت لعندو و هي عم تزورو فاتن: شو جابك؟ فؤاد: كيفاا امينة؟ فاتن: الله لا يسامحكن بس , ريتكن انتو محلا , روح من هون و ما بقا تجي , خلص عملتو يلي بدكن اياه , و ندرا علي انا فاتن بنت صفية لاطبع اوراق نعوة باسمائكن و الزقا على باب بيتي و لافتح عزا 3 ايام عليكن انتو التلاتة لانو متو بحياتنا كانت خالتي فاتن واقفة عم تحكي و صوتا عم يرجف و شادة على اعصابا سوزان: روح من هون خالي اذا بتريد , الوضع متوتر و ما بيحمل اكتر من هيك نزل راسو و راح بدون ما يحكي ولا كلمة ,رجعنا قعدنا سوزان : عنجد بدك تفتحي عزا ؟ فاتن: و حياتك على الغالي , اول ما تقوم امك لاطبع اوراق نعوة لهل التلاتة و افتح عزا وما رح اسكتلن , رح افتح حرب علين سوزان: طولي بالك فاتن: بحياتنا ما شفنا حنية منن , ربيو على انو هن الرجال و كلمتن هي يلي لازم تمشي , ابي دللن كتير و كبرلن راسن على حسابنا و وقت وقع مين قام فيه ..مين....غير نحن البنات ...نحن خدمناه و بقينا عند رجليه و ما رضينا نجبلو ممرضة او خدامة سوزان: الله ما بضيعلكن اجر و ثواب فاتن: معلش , هيدا واجبنا , بحياتنا ما اشتكينا بس يا ربي طالبنا بحقنا بس ,ليش نسوانن و اولادن يتمتعو بمال ابي و نحن لا سوزان: الحق على ناصر ما بس علين فاتن: ناصر طالع الن , مخول, اكل حق امو و حقكن , هاي الورتة كمان الك حق فيا انت و حامد و كانت امك رح توزعا بالتساوي عليكن بس ناصر ما عجبتو التقسيمة سوزان: شو عرفكن بانو ناصر هيك عامل ؟ فاتن: رحت انا و حامد عند المحامي بعد ما خبرتنا امك بحكيك بيومين و خبرنا انو الاوراق هي تنازل عن حصصنا بالورتة سوزان: ما فيكن يعني ترجعو ترفعو ... فاتن: لا ...يلي راح راح ....و منرفع قضيتنا لله هو يلي بدو ياخدلنا حقنا من هالتلاتة, اهم شي امك تصحى و ترجع متل اول سوزان: يارب ...قومي ارجعي على بيتك اتحممي و غيري تيابك و ارتاحي و ارجعي الضهر , انا برجع عند اولادي لاطبخلن و غدين فاتن: أي ولله بدي حمام راحت خالتي و بقيت انا عند امي, اجا حامد و مرتو قعدوا ساعة ,بعدين راح حامد يوصل مرتو على البيت و يرجع , رجعت استاذنت الممرضة لارجع فوت عند امي , فتت لعندا و قربت الكرسي و قعدت قبالا و مسكت القران و فتحت اقرؤ, وصلت على اية (المال و البنون زينة الحياة الدنيا و الباقيات الصالحات خير عند ربك ثوابا و خير املا ) سكرتو شوي و صفنت بوجه امي, و تذكرت وقت ولدت اول بنت الي سالي , كيف بينت على وجها الزعل و ببنتي التانية ما بقا قدرت تضبط اعصابا اكتر و قلتلي (بنت تانية ولي على حظك), اما التالتة ما حضرت ولادتي لانو كانت خايفة جيب التالتة ,ما بعرف ليش كانت بتكره جيب بنات , يمكن ورثت هالعقدة من اما و كانت رح تورثني اياها ,ما حدا عمل هالعقدة الا المرة نفسا يلي صارت عدوة نفسا و عدوة جنسا و نسيت انو هي من نفس الجنس, لو ما كانت موجودة القدرة الالهية بموضوع تحديد الجنس , لكان الكل جاب صبي و لكان انقرض جنس حوا و انقرض الجنس البشري من زمان , بس الله رحمتو وحكمتو واسعةكل شي, قربت كرسيي ومسكت ايدا سوزان: امي ...قومي ..اشتقتلك ....معك حق تتفاجئي بالشي يلي عملو ناصر , بس نحن اولاد رحمك كمان و بحاجتك , انا لسا بحاجتك , ناصر انسان اناني ,من هو و صغير اناني و متسلط ,بس هلا ندمان كتير على الشي يلي عملو , اكيد عمو ضحك عليه بكلمتين و قلو يعمل هيك , كل الامور رح ترجع متل اول و احسن ..مال الدنيا بالدنيا ...ما حدا رح ياخد معو شي و يلي عملوه اخوالي رح يتحاسبو عليه و رح يجي اليوم يلي رح تشفقي فيه علين من عقاب ربن و يطلبو السماح منك ...امي انا معك و مستحيل اتركك و ما زعلانة منك على الكلام يلي قلتيلي اياه اخر مرة , ما بعرف يمكن معك حق نكره البنات لانو ضعاف و حظن قليل بس ..... انا و عم حكيا دخلت الممرضة عندي و قالتلي اطلع لانو في حدا عم يسال علي , تركت ايدا و طلعت ,شفت عمي و مرة عمي , سلمت علين و سالوني عن حالة امي و خبرتن انو ما أي ردة فعل منا لهلا , هن و قاعدين دخلت ممرضة الممرضة : بس حابة الفتلك نظرك انو انتو بمشفى خاص , انتو حاجزين غرفة و على كل ليلة 4الاف , بتحبو تنقلوا لمشفى حكومي او انتو قادرين تغطو التكلفة ؟ سوزان : لا ما رح ننقلا لمشفى حكومي , رح تبقى هون و انا هلا بنزل عند المحاسب و منشوف كيف بتم الدفع الممرضة: ماشي, معافاية انشالله طلعت الممرضة و انا صفنت بالارض , عم فكر من وين بدنا ندفع, رجعت التفتت على عمي و مرة عمي سوزان: رح جيب قهوة ابو احمد: تعي عمي ما تغلبي حالك , نحن ما مطولين شربنا قهوة و راحو , نزلت عند المحاسب المحاسب: لتطلعو بتحاسبو , او اذا بتحبي اعملكن فاتورة كل اخر ااسبوع , يعني اذا اقامتكن رح طول عنا سوزان: أي يا ريت , افضل رجعت خالتي على المشفى و انا رحت على بيتي انا و عم فكر بالدفع , بعد ما غديت اولادي و شفت دروسن , رجع زوجي و انا رجعت لبست و رحت على المشفى , شفت اخي حامد هنيك , نادتلو لاحكي معو بعيد عن خالتي و خبرتو عن حكي الممرضة سوزان: منتقاسم التكلفة , اسبوع منك , اسبوع مني حامد: لا , هيداك الندل هو يلي لازم يدفع , ما هو السبب بكل شي سوزان: لا ما رح نطلب منو ولا ليرة , ما بدنا منو شي , و ما بدنا نشوفو , بدك تشاركني بالدفع الا بدفع لحالي؟ حامد: طيب ليش ما مننقلا لمشفى حكومي؟ سوزان :مستحيل , ما تفكر , هون نظافة و اهتمام اكتر حامد: من وين بدك تدفعي انت ؟ سوزان: معي حامد: و زوجك رح يقبل؟ سوزان : هدول مصرياتي, هو ما دخلو فين كل شي بهالدنيا سلف و دين , يلي بتاخدو بهالايد بترجعو بالايد التانية , و هلا دورنا نرد لامي شو اعطتنا , رجعت على بيتي المسا و فاتحت محمد بالموضوع سوزان : لهيك بدي بيع اسوارتي؟