*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵المال والبنون* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: الجزء السادس: ابو احمد: شبك واقف هيك, فوت محمد: أي فايت, خير شو القصة ؟ اطلع فيني عمي و غمزني بمعنى ما احكيلو لمحمد شي, انا سكتت و ما حكيت لانو قلت بلكي عمي ما بدو يصل الخبر لمرة عمي و تتدايق ابو احمد: كل خير, مافي شي , سوزان تعبانة شوي , ارتاحي عمي , انشالله تتحسن و بتقوم , انزل وصيلنا على اتنين قهوة محمد: طيب طلع محمد و سكر الباب وراه , قبل ما احكي أي كلمة , اشرلي عمي باصبعتو بانو اسكت , و مشي بهدوء على الباب و فتحو فجاة , كان محمد واقف عم يتسمع , اول ما شاف ابوه تلبك و خجل ابو احمد: اخجل على حالك صرت رجال بطول و عرض و شوارب و عم تتجسس على ابوك و مرتك , لو كنت رجال بمعنى الكلمة ما كنت حجتا مرتك تجي لعندي و تبكي على كتفي , ما كنت انت الاولى لتوقف جنبا بهالمحنة , ولله انا حنون , لمين انتو اولادي من صلبي طالعين هيك , انزل و قلن يطلعولنا اتنين قهوة و انت ما تطلع محمد : حاضر ابي نزل محمد هو و موطي راسو و رجع عمي سكر الباب و رجع قعد قبالي على الكرسي ابو احمد:ما في داعي لتشكريني , نحن نسايب و بين النسايب ما في فرق , امك متل اختي سوزان: انا كنت بدي بيع اسوارة بس محمد ما خلاني ابو احمد: بعرف , خبرني هو و مبسوط , و كانو يلي عملو رجولة , ما حبيت رد عليه بالحكي, قلت بدفع انا حتى خجلو سوزان: الله يخليلنا اياك و يطول بعمرك و يعطيك الصحة ويرزقك ابو احمد: عمي نحن منعطي للغريب , و انتو نسايبنا و واجبنا نوقف جنبكن , ما تاكلي هم انا بدفع عنك و ما تبيعي دهبك , البسيه و تزيني فيه شربت القهوة و نزلت من المكتب , شفت محمد واقف برا و متكتف , اتجاهلتو و بقيت متابعة طريقي, بس رجع المسا , حطتلو العشا و قعدت اكلت معو محمد: شو في بينك و بين ابي؟ سوزان: ولاشي , جيت اتشكرو محمد: على شو ؟ سوزان : لانو دفع فاتورة المشفى اطلعت عليه و انا عم اتفحص اطلعت عليه و انا عم اتفحص علامات الاحراج على وجهو و هو صار ياكل بسرعة سوزان : يلي بيعرف ابوك منيح و بيعرفك, مستحيل يعرف انك انت ابنو محمد: شو قصدك؟ سوزان : وقت جيتو طلبتوني من ابي , ابي طار عقلو و انبسط , كانت فرحتو ما بيعطيا لحدا لانو رح يحط ايدو بايد ابوك , بتذكر الله يرحمو وقت قال(مين ما بيتمنى يناسبو لابو حمد , سمعتو متل المسك , الناس بتحكي فيه و بكرمو و اديش رجال شبعان , و ايدو واصلة للكل , اذا هو هيك كيف بدن يكونو اولادو )اعطاني اياك ابي على سمعة ابوك و على اخلاقو ما على مالك و اخلاقك محمد: شبني انا ليش؟ سوزان: سلامتك , دايما قمت عن الاكل و فتت على الغرفة , بعد شوي اجا و جايبلي دهباتي محمد: خدين سوزان: خلين معك , ما بتخاف بيعن و اعطيين لاهلي ! محمد: اعملي فين يلي بدك اياه ابتسمت و اخدتن و رجعت لبستن و محمد واقف عم يتفرج علي و يبتسم سوزان : شبك , عم تطلع فيني هيك محمد: ما بدك تجي تصالحيني؟ سوزان : انا ما زعلتك بشي محمد: بتحبي امك اكتر مني؟ سوزان: محمد , كبر عقلك ولو , هي امي و انت زوجي و امي بحاجتي هلا و لا سمح الله لو كنت بمحلا , كنت تركت الدنيا كلا و قعدت جنبك اجا قعد جنبي , مسكت ايدو سوزان : انا متفاجئة فيك , هاي اول محنة بمرق فيا و انت ما وقفت جنبي لا ماديا و لا معنويا , عم تتصرف بأنانية , بدل ما تحتويني , امي بين الحياة و الموت و متقاتلين مع اخي و اخوالي(تبكي) , انا تعبانة كتير و ما عم شوفك جنبي حطيت راسي على صدرو و لفني و بكيت كتير و اعتذر مني محمد و تصالحنا , تاني يوم لبست و نزلت على المشفى الصبح , انا و داخلة , شفت خالتي فاتن واقفة بالممر و عم تبكي هي و حامد , هبط قلبي و ركضت لعندن سوزان : شوفي ؟ شو صاير قبل ما ترد خالتي علي بكلمة , شفت الممرضة عم تجر النقالة و طالعة من غرفة امي و مغطي وجها ا بشرشف ابيض سوزان : خالتي , امي ماتت ...حامد .......ردو علي جيت لارفع الشرشف الابيض , مسكلي ايدي حامد سوزان : اترك ايدي اترك باللحظة يلي بتموت امك بتكبر عشر سنين بدفعة وحدة فجاة , و لما بتكون ماتت على ايد اخوك ابن امك و ابوك بتكبر مية سنة , قعدت بارض المشفى ابكي على امي يلي راحت فجاة , قعد جنبي حامد و لفني وبكينا نحن الاتنين سوا سوزان : انت كنت بتعرف انورح تموت حامد: شو كان طالع بايدي , ما بقدر وقف بوجه الموت سوزان: هو السبب , حرمنا امنا تاني يوم بالعزا , كنت قاعدة بتخت امي و ماسكة صورتا ,كان في وجوه كتير ناس بعرفا و ناس لا , سمعنا صوت علقة رجال برا ركضنا انا و خالتي فاتن لبرا البيت , شفنا حامد هاجم على خالي فايز يلي كان جاي على عزا امي بكل عين وقحة , ركضت خالتي فاتن بنص الحارة و قدام كل الرجال يلي كانت جاي تاخد بالخاطر و باعلى صوت فاتن: اطلعوا برا يا وحوش يا مجرمين اطلعو, قتلتو القتيل و جاين تمشو بجنازتو , الله يغضب عليكن , ما بقا بدي شوف واحد فيكن هون مسكتا لخالتي فاتن و صرتا هديا و اسحبا لجوا البيت فاتن (تبكي):اتركيني احكي و فش قهري , الله ياخدن كرمال اكام ليرة موتوا لاختن , الهي بتحطو كل مالكن على صحتكن ....ما عندي غيرا بالدنيا ...و هلا راحت و ما ضل عندي حدا.. لا رجال و لا اخ و لا اخت ..اختي الوحيدة ماتت وقعت خالتي هي و عم تبكي , كانت بتحبا لامي كتير , كانو رفقات و اخوات و خاصة بعد ما تزوجت خالتي فاتن و طلعت ما بتجيب اولاد و اطلقت و رجعت لبيت اهلا مكسورة الخاطر و وقفت امي جنبا كتير و طلعتا من عزلتا, اجا حامد فوتا لجوا و راحو اخوالي فورا , بعد ما خلص عزا امي , فتحت خالتي فاتن عزا تاني ببيتا 3 ايام على اخوالي و نزلت طبعت 3 نعوات باسمائن و لزقتا على باب بيتا جنب ورقة امي , رابع يوم رحت على قبر امي و كنت اخدة معي شتلات لازرعن على قبرا , شفت واحد مقرفص على الارض , كان اخي ناصر , وقفت وراه انا و ساكتة , ما انتبه على وجودي , قربت على قبر امي و تجاهلتو , انتبه علي كان عم يطلع فيني , ناطر ردة فعل مني اتجاهو بس انا عملت حالي ما شايفتو لانو فعلا هو ما عاد يعنيلي شي و ما بقا في قرابة بتجمعنا و لا حتى صلة دم , زرعت الشتلات و سقيتن و وقفت قرات الفاتحة , و فتلت ضهري و مشيت ناصر: سوزان ...سوزان بقيت ماشية و ما رديت عليه , مسكني من ايدي ناصر: شبك عاملة حالك ما سامعتيني سوزان:ااترك ايدي هيك ....اوعى تطلع بوجهي مرة تانية و اوعى تفكر ترجع تزور امك مرة تانية ,بكفي قتلتا على الحياة , كمان بدك تموت و تعذبا هي و بقبرا ناصر: حرام عليكن , ولله الندم عم ياكلني , الله ياخدني , يا ريت انا يلي متت مو هي سوزان:طلع ضميرك صاحي , الله يمد بعمرك اكتر و اكتر حتى تبقى طول عمرك عايش بهالعذاب و تموت ابشع الموتات , و انشالله اولادك بدوقوك من نفس الكاس يلي دوقتو اياه لامك, لك وقت الواحد بيتوجع بقول اخ , انسانا لانو نحن نسيناك و ورقتك يبست و سقطت من دفتر العيلة تركتو بحسرتو و مشيت انا و عم ابكي على الساكت و عم ادعي لربي ما بقا ارجع شوف وجهو بحياتي , فرطت العيلة متل عقد اللولو و راحت يلي كانت جامعتنا سوا , رجعت على بيت خالتي فاتن يلي كانت عم تبكي على اخواتا الاربعة يلي ماتو دفعة وحدة و انا كنت عم ابكي معا على امي و اخي كمان. _____________بعد عشر سنين _________________ سوزان : ديقلي خلقي هالمفعوص , هيدا كيف بستخدوموه , لهلا ما عم اعرفلو حطيت اصبعتي على الشاشة و بلشت فقس , ما كنت عارفة حالي شو عم اشتغل بس اشتريتو لاتصل ببناتي سارة: هههههه امي اكام مرة بدي علمك عليه , ولله امهات رفقاتي كلن بعرفو يشتغلو عليه سوزان: طيب امك حمارة سارة : ههههههههه امي ما قصدت هيك ولله سوزان: عم تضحكي علي ,قومي على دروسك , بدي مجموع عالي و فرع مرتب بالجامعة سارة : انشالله انشالله سالي: هلو كيفكن , امي جاية من الجامعة فارطة من الجوع , شو طابختيلنا ؟ سوزان: مقلوبة سالي: قلبتيا الا لسا ؟ سوزان: لا لسا , قايمة , وينا سحر ؟ سالي: سحر ..بعدا بالجامعة .... مأنتمة مع ابن عمي فادي هالفترة سوزان: شو يعني ؟ سالي: يعني صايرة صحبة معو , ما الاتنين بدرسو هندسة لهيك بضلو مع بعض سوزان: و ليش اختك ما متأمئمة مع بنات ؟ سالي: هههههههه امي اسما مأنتمة سوزان: المهم شو ما كان اسما سالي: عندا رفقات بنات بس صايرة هالفترة هي و فادي ما عم يتركو بعض سوزان: لتجي حسابا فتت حطيت الغدا و نطرت لاجت سحر و تغدت , فاتحتا بالموضوع سحر: امي رفقات بس , ما في شي بيناتنا, يعني لو في كنت حكتلك ما نحن اتفقنا نكون رفقات , ما ام و بنتا سوزان: أي هيك على اساس ,بس خففي قعداتك معو , الناس الا بالظاهر و بكرا ببلشو يطلعو حكي عليكن , و البنت ما الا سمعتا سحر : سالي يلي قلتلك , و ما قالتك مع مين عم تمشي هي ؟ سوزان: مع مين؟ سحر:..... سوزان :شبك سكتي , احكي سحر: خليا هي تخبرك طلعت من غرفة سحر و رحت على غرفة القعدة ,كانت سالي قاعدة ع تتفرج على التلفزيون , قعدت قبالا سوزان: مين مرافقة انت كمان ؟ سالي: مين؟ سوزان : انا عم اسالك سالي: ما حدا , كل رفقاتي بنات سوزان: لكن شو هيدا يلي قالتو اختك سحر سالي: ما تصدقيا , عم طلع حكي من عندا قامت سالي فورا لعند سحر و انا لحقتا لافهم القصة سالي: شو قايلة لامك ؟ سحر: ما قلت شي سوزان : احكي , ما تخافي, مين مرافقة اختك سالي سحر: ما حدا امي, انا طلعت هالحكي من عندي لانو هي كمان قالتلك عني و عن فادي و ما في شي بيناتنا سوزان : طيب سالي: ها اجا البابا رحت لاستقبل محمد , فات هو و مدايق سوزان : حطلك تاكل الا على مهل؟ محمد : لا ما الي نفس سوزان: شبك ما على بعضك محمد: ولاشي فات على غرفة النوم و انا لحقتو , غير تيابو هو و ساكت سوزان: محمد شوفي شغلتلي بالي ولله , احكي , صاير شي معكن بالشغل محمد:احمد بدو يفض الشراكة سوزان : اوف ليش , شو طلع بعقلو , مو انتو طول عمركن بتشتغلو مع بعض , هلا بعد ما مات ابوك بسنة قرر يعمل هيك و اسمكن بالسوق ؟