*📍 د زرنج شاروال له خوا د برېښنا (۸۰) پایو پرانیسته* زرنج – د ۱۴۰۴ کال د غبرګولي په ۲۸مه نېټه، د زرنج شاروال مولوي صلاح‌الدین ممتاز د استخباراتو ریاست مخ ته د ښار د منځ جدول په اوږدو کې د برېښنا ۸۰ نوو پایو پروژه پرانیسته او ګټې اخیستنې ته وسپارله. د دې پروژې ټول مالي لګښت یو نیم میلیون افغانی ټاکل شوی، چې د زرنج شاروالۍ د داخلي بودیجې څخه تمویل شوی دی. دا پروژه د ښار د روښانتیا د پیاوړتیا په موخه تطبیق شوې، څو د شپې مهال ښار ته ښکلا او د ترافیکو د خوندیتوب زمینه برابره کړي. مولوي ممتاز د پرانیستې پر مهال وویل چې زرنج شاروالۍ ژمنه ده چې د ښار د روښانتیا، پاکوالي او انکشافي پرمختګ لپاره خپلې هڅې لا پسې چټکې کړي. نوموړي زیاته کړه چې د خلکو هراړخیزه همکاري د ښاري خدمتونو د ښه والي لپاره اړینه ده. یاده پروژه به د زرنج ښار د چاپېریال ښکلا، ښاري نظم، او د شپې مهال امنیت ته مثبت بدلون ورکړي. بااحترام مطبوعات شاروالی شهر زرنج برای معلومات بیشتر لینک کانال را با دوستان خویش شریک سازید https://whatsapp.com/channel/0029VayF9VZ1SWswhvjlJY1o پیج فیسبوک شاروالی شهر زرنج https://www.facebook.com/share/1YbAoHWNcK/?mibextid=wwXIfr پیج انستاگرام شاروالی شهر زرنج https://www.instagram.com/sharwailzaranj?igsh=MWV4djkyNjdtdGMwag==