_KANAM MITE inam sung uhi 14 July 1789 a France khopi Paris mipiten *FRANCE REVOLUTION* ahin pat uva France keo seh hilou a Vannoi leiset pumpi kikhel na ana lhut banga hi eiho Kukite adeh khangthah ten inam sung uhi kikhel nalen tah khat ipoh doh lou uleh imakho uhi misoh le kol a ihung tan diu ahi._ *FRANCE REVOLUTION* a Monarchy system ahin suh mang bang uva eiho namsung ajong Monarchy system tabang mipi chunga vaihom thingnoi (in the form of Nam sepai) hichihi isuh manglou uleh imah thah tah bah diu ahi tai. Inam sung uva Thingnoiho vaihopdan ana veo hite: CSO ho, Haosa ho, political leaders ho a control uvin mipi anop nop in akai uvin mipi thaneina jouse aman chom uvin mipi paothei louvin akoi uvin asung a amaho anoptah uvin akichem uvin ahi. Hijeh chun, State Government hihen lang Central Government hijongle koi jatle nam hijong le Kukite thut nuntang’e, Kukite kalolo lo’inge ti aum le Direct a thingnoi lamkaiho akihoupi ule Kukite chu 100% abaisa ahi tai. Hichi dinmun ihi jeh uhin Kuki Value le Kukite right hi aum loutabanga min eigel u’ahi tai. Value neilou, right neilou mihem chu koija, koi kichat kichang ding ham? Hichi jeh achu min ipi kilo jong le kijou nante tia thachai ding eigot u’ahi *HATCHUNG NUNG PAKAI PATHEN* venbit najal bouva ding jou hamham ihi bou uve. tun jong inu khah taove ahin, igeisang naipove. ithi, iman nao hohi mipi ikipat uva Separate Administration imu lou uleh Thingnoi hin SoO extension toh ahin kilheh diu ahi. Mipi thaneina iki vai poh teng uleh SoO aum hohi mipin Protection ibol joh diu ahi. Mipin hetding chu SoO aum hohi Government thangkol’a oh ahi taovin. kineppi loubeh ding ahi bou uve.”koihile thang kol’a oh kiti chu akiha tomchan’a oh chehcheh ahi bou e” Hijeh chun SoO aum honnampi hi nangailut uva, nam natong kahi natiu le mipihi thaneina pe uvin. Achuti loule mipi akichai le nangho jong kichai ding nahi uve. mipi akichai le nangho um dandin kigel hih un. nangho jong nabol khel uhi naki hetdiu tahsan aum in, nam ngailut najal a nabol khel uhi aphat cha’a mipi toh iki hou toh uva inampi uhi itun doh lou uleh phat geisang ding ahi tai. PULE PATEN “koi lam lhang lho lhalou umding ham” ati mabang uva. koi suh khel nei lou umding ham? tuhi kigel doh phat ahi tai. achuti loule Tuisanglen kitang bang mipihi ahung jah doh nini leh nahin tin joulou diu ahi. FRANCE REVOLUTION jong ahin bol tel uvin Dictatorship jeh in ana tang uvin. ahin mipin gal ajou thouthou in ahi. Achaina isei nom uchu India vaipoh na cheng Kukite hi Democratic dan noiya um ihi uvin. eiho sunga Dictatorship in vai eihop khup uvin ahi. Dictatorship in inam sung uva mun ahin nei louding ahi. *Khaiye kanam mite khang in, thou un khah phat ahi tai* _*#zalengamtimes*_