*ARAMBAI TENGGOL HON NGAIDAM ATHUM NAIPOUVE: NSCN-IM* *ET IMPHAL, May 26:* Achesa May nisim 20 ni’a Shirui muol chung’a Arambai Tenggol ho umchan toh kimat in tuni chun NSCN-IM in Arambai Tenggol ho pilhing deuva umdin thuhilna abol uvin ahi. “Manipur a cheng nam jouse dia thunoplou lai ahi jong akihe in, kaphatnao hi kahin tahlang naban uva, naum chan’u hoilou jeh’a thilnom loutah dinmun a idin’u ahitoh kilhon in, hiche kilungnopmo tuona a kon ipotdoh theina diuvin, pilhing tah in thil hi handle bol’u tin, chule ithilbol khel jeh’a thilse tamtah so- hdoh thei ahi hepum in maban’a ‘danger’ hunglhung theiding ho akon kiven ding dan joh ngaituo uvin” tin NSCN-IM lekhathot chun Arambai Tenggol ho hil- chahna anabol in ahi. NSCN-IM thuso in atahlangbe na a chun; tupet’a na gaal nei’u hi kichai thengset nailou ahin, nam dang khat choube ding le kinahbe piding hol hih uvin tin Arambai Tenggol ho thuhilna aneiyuvin ahi. Historical context jaolouva nakitong kibol jouse hi Tangkhul ho dia pom theilou ahidan imusa’u ahitan, hinlah hitobang a nahung chaloh ji phatleu boina sem- nom hon social media a phat lemchang la in nam khat le nam khat atattuo nom jiuvin ahi. GPRN Wung Tang- khul Region (WTR) in Arambai Tenggol a kon ngaid- am thumna (unqualified apology) angeh chu tuchan’a suhbulhit ahinaipon, hiche khat-le-khat kijatuona toh kikal ahin, hitobang a kijatuolou na hi nangho (Aram- bai Tenggol) chung’a bulsum hung kisuding ahi tin NSCN-IM thuso chun atahlang in ahi. -NNews