NT ||Jingkah Thuso Lhadou 8,2025 *ARAMBAI TE ARMY CHIEF KIMAT JEH A MEILHEI TE GAM BOINA SANGLHEH* Janni nilhah a terrorist Arambai Tengol GHQ. Army Chief Kanan @Anand Singh Security Force hon ana mat jeh un Arambai Tengol hon Manipur a President Rule umlam hepha lou hel in kiphinna nasatah ana nei uvin, boina sangtah ana sodoh tan ahi. Boina hung kipat namun hi Kwakeithel a konna hung kipan ahin, Arambai tehin a lamkai pao gangtah in lhadoh uhen tia kiphinna munchom chom, AT unit um najouse, Youth of Manipur leh Meira Paibi honjong pan alah jeng u ahin, Meilhei Lengpa, MP Leisemba Sanajaoba injong jannilhah chun Manipur Governor ana kimupi ngal in ahi. AT ho kiphinna akhohset toh lhon in Sepai hon thal ana lha naovah numei pasal akisukha aumdan video hung viral hoa kon hetthei in aum in, thagum le hunam a kiphinna chun thisan lon naleh thina man na nasatah sohthei dinmun ahi phat in, AT mi tampi hochun Tedim Ground a Security Force ho maichang ah, Keiho Jong neiman un, Ka lamkai hou lhadoh un ti ana sam uvin ahi. Boina akhohset nalou ding chule control bol thei nading tin Goverment in Valley district jouse internet ni 5 sung kha din order aso in, hiche lethuh nan Arambai Tengol hon Nikho 10 shutdown aphong un, mipi koima hung potlou din temna aneiyun, chule Imphal East, Imphal West, Kakching chule Thoubal district hoa District Magistrate hon Orders Under section 163 BNSS 2023 aphong in, hichu mi 5 kalval kilhon theilou ding, boina thei thil, mol, chem, meithal choiho matthei na etc. choi umlou ding tiho boina asobe lou nading in order ana sodoh taovin ahi. Nitinthusoh