*Lamka, May 10, 2025* Tuni sunnung dak 3:00 pm in Zomi Council office, New Lamka ah single body Paite Tribe Council ( PTC) vaipawte toh kithuahkhawmna hun leh Zomi Council Working Committee dia PTC nominee mi 5 leh Zomi Court judge dia nominee mi 1 leh Ex- officio Vice Chairman loplutna hun ki zang hi. Members paikhawmte pulakna hun kinei a, ZC Chairman a pan hun paisa a kalsuan na te leh maban a ngimna kineite genkhiakna om hi. Hiai hun member thakte vualzawl thumsakna Pastor Rawna Kopsiam in nei hi. Vice President PTC in thugenna nei a, a thugenna ah PTC kum 7 vel ana buai mah leh, tuni hun a khat a hong omtheih na pen Pathian thilhih theihna hong kitaklang ahihdan gen hi. Maban hun ah, tribe tuamtuam hong ki gawm thei nailou te leng lungkiat huai lou, Pathian in hon gawm ngei a lamet thu gen hi. Hiai hun ah PTC lamkai 11 leh Siamsinpawlpi lamkai 3 ki hel ua, ZC lamkai 13 tel thei uhi. Kikhop khit in kipahpihna annkuang umkhawmna nei uhi. *Media & Publicity* *Zomi Council* https://whatsapp.com/channel/0029Vap2TRF7j6g8ymGmZJ36