*النهاردة يوم اسمه يوم القَرّ ، وده تاني أعظم يوم عند ربنا في السنة*! • طيب إيه هو يوم القَرّ ده ومعناه ؟ هو اليوم اللي بعد يوم العيد (١١ ذي الحجة)، واللي الحُجّاج بيستقروا فيه في مِنى بعد يومين من أعظم أيام الحج : يوم النحر ويوم عرفة .. وعشان كده اسمه "القَرّ" يعني الاستقرار. النبي ﷺ قال: "أفضل الأيام عند الله يوم النحر، ثم يوم القَرّ" يعني النهاردة يوم عظيييم أوي عند ربنا...! 💡 طب نعمل إيه؟ نكثر من التكبير: "الله أكبر الله أكبر لا إله إلا الله، الله أكبر الله أكبر ولله الحمد" ، ومن الذكر عمومًا .. كمان نكثر من النوافل ، ونحافظ على وردنا من القرآن نحافظ قطعًا على الفروض والواجبات مش نضيعها ونقول ده عيد بقه وكدة .. نفرح أكيد بالعيد بس بدون معاصي وارتكاب محرمات في يوم من أعظم أيام الله .. وماتنسوش الدعاء لإخواتنا في غزة والمسلمين في كل مكان #رسايل