i'khtilãf i'khtilaaf i'khtilãf | Qisṭ ⓴ ✍ 'Abde Muṣṭafã Ṣãbir ismã'yīlī 📝Muḥammad Jamãluddîn 'ᴷʰᵃⁿ `Apne Ḥaal Par Ronã Aayã:` Ham Ne Abhī Bayãn Kiyã Ki Hamãre Akãbireen Ke Darmiyãn Kayī i'khtilaaf Ke Bã-Wajood Bã-Hamī Maḥabbat Wa 'Aqeedat Kã Kyã 'Aalam Thã, Lekin Kyã Aaj Kahīn Us Kī Misaal Dikhãyī Detī Hai? *Jawãb Yahī Hai Ki Bahut Kam! Taqreeban Nã Ke Barãbar.* https://whatsapp.com/channel/0029Va4xNTcBlHpj2ZXcdA3J `Abhī To Alamiyah Yeh Hai Ki;` ❶ Agar Kisī Se i'khtilaaf Hai To Us Kã Bad Mazhabon Kī Ṭaraḥ Radd Kiyã Jaatã Hai. ❷ Ayse Ayse Alfaaz iste'amãl Kiye Jaate Hain Ki Jise Ham Yahãn Likhnã Bhī Munaasib Nahīn Samajhte. ❸ Anaaniyat Aur Hat Dharmī To Poochhiye Mat! Kuchh Logon Ke Andar Koot Koot Kar Bharī Huyī Hai. ❹ Mu'khãlif Ne Agar Do Karvī Baaten Kah Dīn To Ham Bhī Apne Nafs Ko Takleef Nahīn Denã Chaahte Balki Us Se Bhī Zyãdah Karwãhat Ugal Dete Hain. ❺ Boycot Kã Naam To Hameshã Munh Men Rahtã Hai, Zaroorat Ho Yã Na Ho Lekin Yeh Boycot Kã Lafz Zaroor iste'amãl Kiyã Jaatã Hai. ❻ Mu'khãlif Ko Zaleel Wa 'Khwãr Karne Kī Ham Koyī Kasar Nahīn Chhornã Chaahte Aur Agar 'Ghalaṭī Se Chhoot Jaaye To Phir Us Ko Sood Samet Adã Karte Hain. ❼ i'khtilaaf To Thã Furoo'yī Masãyil Kã Magar Yeh Kyã? Mu'khãlif Kī Sunniyat Aur Eemãn Par Hī Suwãliyah Nishãn Lagãne Kī Koshish Kī Jaa Rahī Hai. ❽ Agar Ek Mas-ale Par Kisī Kã Kisī Se i'khtilaaf Hai To Woh Donon Ek Stage Par Jama'a Ho Hī Nahīn Sakte! Agar Donon Ko Jama'a Karne Kī Koshish Kī Jaaye To Yeh Ek Miyaan Men Do Talwaar Daalne Ke Barãbar Hai. ❾ Agar i'khtilaaf Do Barī Hastiyon Ke Darmiyãn Hai To Un Ke 'Khulafã Wa Mureedeen Bhī is Men Bhar Poor Ḥiṣṣah Lete Hain. ❿ Kisī Ke Bhī 'Khilaaf Baat Ho Jaaye Lekin Hamãre Shai'kh, Hamãre Peer Aur Ḥazrat Ke Mauqif Se Mu'khãlifat Nahīn Honī Chãhiye. ⓫ is Ṭaraḥ Ke i'khtilaafī Masãyil Par 'Awaamī Taqreer Hotī Hai Jis Se Logon Ko 'Ghalaṭ Pai'ghãm Miltã Hai Aur Ba'ad Men Larãyī Jhagre Kī Naubat Aa Jaatī Hai. ⓬ Jin Ke Mã-Bain i'khtilaaf Hai Woh To Hai Hī Lekin Un Ke 'Khulafã, Muḥibbeen Wa Mureedeen Sar-Ḥad Par Bambãrī Karne Kã Kaam Kar Rahe Hain. Jee Hãn! Ek Bam Dhamãkah idhar Se Hotã Hai Phir Doosrã Udhar Se. ⓭ Kayī Log in Sab Se Pareshãn Hokar Mazhab Se Hī Bezaar Ho Gaye Hain. ⓮ Ek Cheez To Ham Batãnã Bhool Gaye! “Zabar Dastī” Ya'anī Ham Jabran Chaahte Hain Ki Jo Hamãrã Mauqif Hai Wahī Mu'khãlif Bhī i'khtiyãr Kare. ⓯ ittiḥaad Kī Zaroorat Ko Tasleem Karte Hain Lekin Kaam Larwaane Waalã Ho Rahã Hai. ⓰ Ek Doosre Ke Peechhe Namãz Parhnã To Bahut Door Kī Baat Hai! Ham Ek Doosre Kī Shakl Bhī Dekhnã Pasand Nahīn Karte. Yeh To Chand Baaten Hain Warnah Jo Kuchh Ho Rahã Hai Woh is Se Kahīn Zyãdah Hai. is Kã Poorã Faayidah Bad Mazhabon Ke Khaate Men Jama'a Ho Rahã Hai. Allãh Ta-'aalã Hamen 'Aqle Saleem Aur Zabaan Sheerīn 'Aṭã Farmãye; Allaah Rabbul 'izzat Tamãm Musalmãnon Ko Saleeqaye Kalaam Aur Aadãbe 'Ulamãye Kiraam Kī Daulat Se Maalã Maal Farmãye, Aameen ▬▬▬▬▬▬▬▬▬▬▬▬ یہ تحریر `اُرۡدُوۡUrdū उर्दू` مِیں ↶ https://whatsapp.com/channel/0029Va4xNTcBlHpj2ZXcdA3J/1116 येह तह़रीर `हिंदी Hindī ہِنۡدِیۡ` में ↷ https://whatsapp.com/channel/0029Va4xNTcBlHpj2ZXcdA3J/1115