Ayatollah Jawadi Amoli aur Ayatollah al-Uzma Sistani ki Tareekhi Mulaqat Najaf Ashraf, Iraq Ayatollah al-Uzma Jawadi Amoli ne halya dino mein Najaf Ashraf ke azeem marja’ taqleed Ayatollah al-Uzma Sayyid Ali al-Husayni Sistani (daamat barakaatuh) se khaas mulaqat ki. Ye mulaqat ek roohani, ilmi aur ikhlaas se bharpur mahaul mein anjaam paayi. Tafseer-e-Tasnīm ka Hadiya: Is moqa par Ayatollah Jawadi Amoli ne apni mashhoor Qur’ani tafseer "Tasnīm" ke mukammal 80 jildon ka set Ayatollah Sistani ki khidmat mein hadiya kiya, aur uski aakhri (80wi) jild zati tor par unko pesh ki. Ayatollah Sistani ki Qadardani: Ayatollah Sistani ne garmjoshi se unka istqbaal kiya aur farmaya: > "Aap ne chaalis saal Qur’an ke saath guzare. Ye tafseer Shi'a maktab ke liye fakhr ka sabab hai." Unho ne ye bhi farmaya: > "Ahl-e-Bayt (a.s) ki riwayat ko hamesha Qur’an ki roshni mein parakhna chahiye. Jab tak wo Qur’an se mutabiqat na rakhain, unpar amal mumkin nahi." Hawza Qum aur Najaf ka Ittehad: Unho ne taakeed ki: > "Hamari nazar mein Hawza-e-Ilmiya Qum aur Najaf mein koi farq nahi. Sab ka maqsad deen ki khidmat hai, aur hum apni tamam taqat is raah mein laga denge." Ayatollah Jawadi Amoli ka Kharaj-e-Tehseen: Jawabi kalmaat mein Ayatollah Jawadi Amoli ne farmaya: > "Aap jaisi azeem shakhsiyat ka wujood Islami muashray aur hawzat ke liye aik azeem ni’mat hai. Aap Shi’a qaum aur Iraqi awaam ke liye aik mehrban baap ki tarah hain." Unho ne Daesh ke khilaaf Ayatollah Sistani ke fatway aur rehnumai ko tareekhi aur na-qabil-e-faramosh qarar diya aur kaha: > "Marja’iyyat ne Iraq ke nizam, wahdat aur aman ko bachane mein jo kirdar ada kiya, wo Ummat-e-Muslima ki tareekh ka roshan bab hai." Mulaqat ka Ikhtitam: Aakhri lamhaat mein dono buzurgon ne Ummat-e-Muslima, hawzat ke ta’awun aur Qur’an o Ahl-e-Bayt (a.s) ki taleemaat ke farog’ par zor diya.