إزاي أحفظ كلمة جديدة وأنا مستوايا B1/ B2؟ طبعًا المعظم إن ماكانش الكل بيحاول يترجم الكلمة بالعربي وبعدين يحطها في جملة من عنده ودي طريقة غلط تمامًا، لأن الترجمة مش هتثبت واحتمال تكون مش متقنة، وأنت ماتعرفش استخدام الكلمة فبالتالي المثال اللي هتكتبه مش هيكون دقيق، فحتى لو حفظت الكلمة مش هتعرف تستخدمها في السياق الصح. طب أعمل ايه؟ هفترض إن قدامي كلمة جديدة وليكن كلمة „Umweltverschmutzung“، أول حاجه هعملها إني أدور على الكلمة دي في قاموس ألماني ألماني زي مثلًا the free dictionary، هلاقي إنه كاتب: - Die Tatsache, dass die Umwelt verschmutzt ist. بس أنا لا فاهم يعني إيه Umwelt، ولا أنا فاهم يعني إيه Verschmutzung .. أنزل شويه تحت هتلاقيه فاصلك الكلمتين عن بعض وشارحهم، فمثلاً كاتب إن: Umwelt ist die Erde, die Luft, das Wasser und die Pflanzen als Lebensraum für die Menschen und Tiere. وكاتب إن Verschmutzung: Die Belastung der Umwelt durch schädliche Stoffe/ etwas, das etwas schmutzig macht ≈ Verunreinigung (وده يعتبر مرادف يعني كلمة جديدة) حد هيقولي بس أنا في الشرح فيه كلمات مش فاهمها، هقولك ببساطة مش مهم، المهم إنك فاهم السياق ومن السياق قدرت تفهم وتتخيل يعني إيه Umweltverschmutzung. حد هيقولي طب أضمن منين إني فهمت المعنى صح! سؤال منطقي، هقولك بعد ما تعمل كل ده وتقرأ الأمثلة والسياق، دور على الكلمة وشوف صورة ليها ال Prozess ده خد وقت أنا متفق معاك، بس مستحيل تنسى الكلمة دي لأنك ربطتها بسياق صحيح وربطتها بصورة توصفها، وصلت؟ *#cop*