لين الكلام نِعمة.. الإنسان اللي ربنا إداله مهارة إنه يعرف يقول كلام حلو، ويدلع اللي قدامه ويراضيه لما يزعله، ويحبب الناس في نفسهم كده من حلاوة لسانه ده نِعمة كبيرة.. اللسان الحلو المُجامل الذوق اللي بينقط سكر ده بيهون على الواحد مشاكله ويخلّي الحياة تحلو.. (وَهُدُوا إِلَى الطَّيِّبِ مِنَ الْقَوْلِ) سورة_الحج الشخص اللي ربنا رزقه النِعمه دي بيقدر يوصل للي قدامه بسهولة، وبساطة، وعُمق مهما غيره قال نفس الكلمه، كلامه هو بيوصل لإنه خارج من قلبه فعلًا.. الأسلوب أهم من المظهر ، ومن المكانة الثقافيه أو العلمية.. الملافظ سعد، وإختيار الكلمة المناسبة فضيلة.. لما سُئِل العباس عم رسول الله صلى الله عليه: أنت أكبر أم رسول الله، أجاب العباس : "هو أكبر مني، و أنا ولدت قبله" رُقي وحسن أدب في إختيار اللفظ لإحترام مقام رسول الله صلى الله عليه وسلم.. "وَقُولُوا لِلنَّاسِ حُسْنًا وَأَقِيمُوا الصَّلَاةَ وَآتُوا الزَّكَاةَ " سورة_البقرة ربنا قدّم القول الحسن على ذكر فرض الصلاة والزكاة.. المؤمن هيِّن لين ذوّاق راقٍ يحترم الناس ويقدر ظروفهم ويحرص على أن لا تخدش نفوسهم ولا تتأذى مشاعرهم . من لانت كلمته وجبت محبّته🤍. د/نهي زهرة