“Bilim Maarif” atelyesinin açılışı gerçəkləşib Türkiyə Maarif Vəqfi və Türkiyə Texnologiya Komandası Fondunun (T3 Fondu) ortaq əməkdaşlığı ilə Gənclik kampusumuzda yaradılmış “Bilim Maarif” atelyesinin açılış proqramı keçirilib. Açılış mərasimində Türkiyənin Azərbaycandakı səfiri Prof.Dr. Birol Akgün və Türkiyə Texnologiya Komandası Fondunun (T3 Fondu) direktorlar şurasının sədri Elvan Kuzucu iştirak ediblər. Türkiyə Maarif Vəqfi və T3 Fondu tərəfindən dəstəklənən bu təşəbbüs Azərbaycanın təhsil sistemində innovasiyaların tətbiqinə xidmət edəcək.