💕 نصايح مهمه من القلب للقلب عن راحتك النفسية ✅ لاتربطي سعادتك بجوزك يعني ما تستنيش منه طول الوقت يقولك كلام حلو او يخرجك او يهتم بيكي عشان تحسي انك مبسوطه اعملي حاجات بتحبيها وبتفرحك لوحدك زي تشربي قهوتك الصبح وانتي بتسمعي قرآن او تقري كتاب بتحبيه .... ✅ *خليكي عارفه إنك مسؤوله عن مزاجك* لو صحيتي مضايقه او مكتئبه مش لازم تحمليه هو السبب اسألي نفسك انتي محتاجه ايه نوم اكتر؟ وقت لنفسك؟ تقربي من ربنا ؟ انتي مفتاح سعادتك في إيدك إنتي مش في إيده هو ✅ *ما تعتبريش بروده في موقف إنه عدم حب* مثال: لو قولتي ليه انك متضايقه وهو مردش عليك او مهتمش.. ما تحكميش بسرعه إنه ما بيحبكيش هو ممكن يكون بيديكي مساحه تهدي او مش عارف يقول ايه الرجاله ساعات بتتصرف بطريقه مختلفه عننا لأنهم بيفكروا في الحلول العمليه اكتر من الكلام ✅ *كوني مرنه عاطفيا* يعني لو حصل موقف زعلك ما تتعصبيش وتزعقي اهدي شويه وراجعي نفسك وبعد كده اتكلمي الاستقلال العاطفي مش معناه قسوه بس معناه إنك تعرفي تتحكمي في رد فعلك ✅ *ما تعلقيش مزاجك على اهتمامه* لو نسي يقولك صباح الخير ما تخليش دا يدمر يومك لو ما علقش على لبسك ما تتنكديش 💖انتي جميله وانتي حلوه من جواكي وانت عارفه وكل ما تكوني واثقه في نفسك هتشوفي اهتمامه جاي لوحده عشان كده لازم تهتمي بنفسك وتدي نفسك وقت كافي 💬 *مواقف بتحصل كتير:* 👇🏻👇🏻👇🏻 🌸 انتي: "أنا حاسه اني وحيده ومفيش اهتمام" هو: "أنا مشغول في الشغل ومش قادر أركز" الرد الصحيح: "أنا مقدره تعبك وهاخد وقت أعمل فيه حاجه تفرحني لحد ما نرجع نروق سوا" 🌸 هو نسي عيد جوازكم بدل ما تعيطي وتقولي نسي ومبيحبكيش اعملي كيكه بسيطه وقوليله "هنحتفل حتى لو انت نسيت المهم إننا مع بعض"...