خمس لغات حب تفتح مفاتيح قلب جوزك يا ست البيت الحب مش دايمًا بكلمة بحبك أوقات جوزك محتاج يحسها مش يسمعها تعالي نتعلم مع بعض لغته الخاصة ونوصله لقلبه بأقصر طريق 💕 اللمسة الحنونة لو جوزك من النوع اللي بيحب القرب الجسدي حضن بسيط لمسة على كتفه أو تمسكي إيده وقت الكلام كل دي رسائل حب بيوصلها له قلبك قبل لسانك 💕 الهدايا الرمزية مش شرط هدية كبيرة أو مكلفة وردة على السرير فنجان قهوة معمول بحب أو حتى رسالة بخط إيدك فيها دعاء ليه كلها بتقول أنا فاكرة ومقدرة وجودك 💕 الكلمات المحببة جوزك ممكن يكون محتاج يسمع تقديرك مش بس حبك قولي له أنا مطمنة طول ما إنت جنبي وجودك بيهون عليا كل حاجة تعبك في الشغل مش بيعدي عليا من غير ما أدعيلك 💕 الأفعال في رجالة بتحس بالحب من خلال المواقف مش الكلام سنديه في تعبه حضري له لبسه بطريقة بيرتاح فيها قدمي له أكله اللي بيحبه من غير ما يطلب رتبي أولوياته لو مشغول وخليه يحس إنك ضهره 💕 وقت خاص بينكم في زحمة الحياة محتاجين وقت هادي تقعدوا فيه مع بعض من غير موبايل ولا تلفزيون اختاري وقت مناسب قدمي له مشروبه المفضل وافتحي معاه حوار بسيط عن يومه عن ذكريات حلوة عن أحلامكم الجاية اللحظات الصغيرة دي بتبني علاقة قوية احتفظي بالمفاتيح دي واستخدميها بحب كل يوم وهتشوفي الحب بيرجع أضعاف😍