🔴 تنويه مهم: خدعة جديدة من تجّار العمولة… وبتتكرر كل يوم! 🧑‍🦱: "اسمعني يا زلمة، شفت واحد نازل عالجروبات ببيع كيس طحين بـ50 شيكل! وانت بتعرف إنه الطحين اليوم سعره حوالي 1000 شيكل، يعني صفقة العمر!" 🧑‍🦰: "شكلو الزلمة محتاج وبيبيع من أغراض بيته… يمكن مضغوط بسيولة، والله يساعده!" 🧑‍🦱: "آه بالضبط، وهاد اللي هو بده يوصلك إله… بتصير تفكر إنك بتساعده، وهو مسكين بايع أغراضه برخص التراب، بس الحقيقة؟ إنت اللي وقعت ضحية لعبة محكمة!" 🧑‍🦰: "طب وضّحلي، كيف يعني؟ مش هو خسران؟" 🧑‍🦱: "ركز معي… هو فعلاً باعك كيس الطحين بـ50 شيكل، لكن انت بالمقابل أعطيته 5000 شيكل كاش لأنه قال محتاج سيولة ضروري، وأنت فرحان وفاكر حالك ساعدته وطلعت بطل!" 🧑‍🦰: "طيب، ماشي، بس وين الخدعة؟" 🧑‍🦱: "الخدعة إنه هو أصلاً مش محتاج، هو تاجر عمولة متخفي! أخد الـ5000 شيكل اللي أعطيتهم إله، وراح باعهم لتاجر عمولة بنسبة 35%، يعني أول ربح مباشر دخله على جيبته: 1750 شيكل كاش وهي فورية!" 🧑‍🦰: "طيب وسعر الكيس؟" 🧑‍🦱: "كيس الطحين كلفه فعليًا 1000 شيكل، نطرحهم من الـ1750 ربح+ 50 = بيضل معاه 800 شيكل صافيين! يعني باعك الطحين بخسارة شكلية… لكنه فعليًا طلع كسبان من ظهرك!" 🧑‍🦰: "يعني كل القصة عشان يحصل سيولة ويبيعها بعمولة ويربح!؟" 🧑‍🦱: "بالضبط! وهاي الطريقة بيكررها كل يوم… تلاقيه كل شوي بنزل إعلان جديد: مرة طحين، مرة سكر، مرة سيرج، مرة رز… ودايماً نفس النص: (ظروف خاصة، محتاج سيولة، بايع أغراض البيت، مش طمعان بربح)." ⚫ وإنت؟ بتكون جزء من لعبته، بدون ما تحس! اكبس ليك عشان ننشر دائما توعية وقصص حقيقية