*ڪل واحد فينا بدون استثناء عندو واحد الوجع دافنو ومخبيه فالداخل ديالو ...* *ڪل واحد فينا فكل ليلة كيحاول بكل طاقتو يقاوم واحد الاحساس أقوى منو بزاااف ..* *شحال من واحد فينا مزال عايش على أمل يوصلو واحد لميساج مڪتوب فيه آسف على الغياب ديالي توحشتك بزاااف ... واخا هو عارف بلي مستحيل توقع وخا غير بالصدفة ..* *سالات الهضرة وسالاو الميساجات و السهير والكلام زوين ولكن كتسول راسڪ علاش داك الاحساس بالحزن والكآبة مايساليش معاهم ونتهنى النسيان هي أكتر حاجة كنتمناوها من بعد أي حاجة خايبة عشناها فحياتنا* *بغيتي من نيتك ولكن للأسف استغلو طيبة قلبك قهروه وخلاوك تكره راسك وتكره الحب ولي يجي منو ...* *فڪل ليلة كتحط راسك فوق المخدة كتحس بشيحاجة مهرسة فالداخل ديالڪ.* *ڪتحاول تنساهم وتڪمل حياتڪ بلا بيهم ولكن للأسف أنت مزال واقف فبلاصتڪ و ڪتألم على قبل واحد الإنسان أنت متأكد بلي هو عايش فرحان و بيخير بلا بيڪ.* *فالداخل ديالڪ ڪتبڪي بلا دموع وڪتڪلم بلا صوت* *فقدتي رغبة فكلشي تا حاجة مبقات كتهمك ولا تأتر فيك قلبك مات والمشاعر ديالك دفنتيهم .* *حيتاش فتحتي ليهم قلبك وعاودتي ليهم على اكتر حاجة كتألمك وكضرك فخاطرك وبلا مايترددو تا دقيقة داروها وحرقو اي حاجة زوينة كنتي كتحس بيها من جيهتهم ..* *جرحڪ وخلاڪ تشوف الويل الڪحل بعينيڪ واخا هڪاك حشمتي تدعي عليه* *بشيحاجة خايبة وأنت فكل رڪعة ڪنتي كاطلب من الله داڪ الشخص يكون من نصيبڪ..* *ڪلهم شافو كيفاش طيحتي الكاس من يديك ولكن للأسف تا حد فيهم ما شاف يديك وهي كترعد تا حد ما شاف الحزن الڪبير لي فعينيك تا حد ماسمع داك صوت لي فالداخل ديالك داك صوت لي ڪايخنقڪ ڪل ليلة ڪيقووول عيييت داك الصوت لي ڪيقول شي حد يشد ليا فيديا ويقوليا أنا معاڪ وفجنبڪ ..❤️🙏*