#سيناريو_رقم_4 🪢حطيت هاتفي بالتلاجة ... بس كان عندي عذر : 🔸 كنت قاعد شي الساعة 12 الضهر ومالل وشوي افتح ببجي وشوي انستا وشوي سناب شات فجأة حسيت هاتفي صار متل النار يعني ع شوي رح يدوب ... . 🔸شغلت مخي شوي ويا ريتني ما شغلتو وخطرتلي أعظم فكرة بالعالم ويلي هيي انو حط الهاتف بالتلاجة مشان يبورد وفعلا قمت فتحت هالتلاجة وطفيت الهاتف وحطيتو وفيها وما سألت عن شي أبدا ... 🔸 والله بعد شي نص ساعة وأكتر اجيت بدي اتصل ع رفيقي وهون أتذكرت أنو أنا عندي هاتف وحاطو بالتلاجة والله قمت ركض ع البراد فتحت هالتلاجة وإذ بلاقي الهاتف متل التلج انبسطت بالبداية وفكرت حالي عامل الإنجاز العظيم ... 🔸 اجيت عم شغّل الهاتف ما اشتغل رحت فوراً حطيتو ع الشحن كمان ما اشتغل .... دعيت شوي انو يفتح كمان ما استفدت شي .... 🔸 اخدت الهاتف ورحت مباشرة ع محل الصيانة وشرحتلو القصة ... نظرلي نظرة غريبة أنو انت ليش مخبص هالتخبيص كلو وفحصلي الهاتف وبعد ما خلص قلي بدون أي مجاملة .... العوض بسلامتك الله يرحمو .... وهون كان فيني ببكي ب 3 لغات بس مسكت حالي 😢 ⁉️ قلتلو شرحلي شو السبب شو يلي انضرب فيه : 🔸 قلي : الجهاز كان متل النار وفجأة تعرض لبرودة شديدة وهاد الشي تسبب بتشققات باللحام وتلف باللوحة الأم بالإضافة إلى انو المعالج تعرض ل صدمة حرارية يعني بالمختصر عطاك عمرو ... 🔰 يعني منتلعم من هاد الشي : 🔸 لو شو ما كانت الظروف وقد ما كانت حرارة الهاتف أوعا ثم أوعا انك تحطو بالتلاجة ... '' ألف كلمة الجهاز متل النار ولا كلمة الله يرحمو '' 🔰 طيب بحال ارتفعت حرارة الهاتف شو فينا منعمل : 🔸 شيل ال Cover تبع الجهاز . 🔸 حطو شوي ع البلاط ار السيراميك . 🔸 ريحو شوي وتركو بدون ما تستخدمو . ⚠️ لا تستخدم الهاتف وهوي ع الشحن سواء كهربا نظامية أو بوربانك ... ولا تحطو بالتلاجة مشان لا تودع المونديال ... #كروب_تكنولوجيا_المعلومات