السلام عليكم ورحمة الله وبركاته *اذا انت طالب ياريت تقرأ الرسالة للاخير* بهالايام القليلة الجاية كطالب مرحلة انتقالية وقربت امتحاناتك رح تسمع حكي فاضي وعلاك مصدي كثييير كثير ورح يكثرو الفلاسفة والعلماء الي رضعانين العلم من وهن صغار ورح يكثروا مكثفات ونوط ومن هالخرطي والكذبة الاكبر || التوقعات || ليش هي الكذبة الاكبر برايك🙂🙂 لان بي ناس مثل المهبلة تدفع مصاري على هيك شي مع الاسف يعني 🙂💔 يقلك الاستاذ الفلاني توقع المسالة رقم كذا واجت بتكون صدفة من بين ملايين التوقعات { طبعا يكون متوقع ¾ الكتاب واجباري بدها تصدف معو منشان يزنكل } رح تكثر وكثرت هي الظاهرة تاع السماعات والتنقيل وهالحكي وبي منو كثير ورح يكثر الحكي عن التسريب وادخال الاسئلة ومن هالحكي وطبعا كلو بحقو وكطالب عايف حالك منتوف كل السنه تدفع لمعاهد واستاذية تجي اخر شي تتكل ع علاك فاضي حقو 100$ او 150$ وهاي كثير ناس دفعتها. رح تسمع مقولة بالعامية [ العليج عند الغارة ما ينفع ] طبعا بي ناس ما تعرفو يعني اذا هالحكي توجهلك الك كطالب يعتبر الدراسة باخر كم يوم ما تنفع وهذا كلام فارغ. رح تسمع جملة عامية ثانيه ( كل السنه تحوم تو تا بلشت باخر نهارين ) ومقولة " بلش يصلي لان عندو امتحانات " رح انصحك نصيحه أخوية وحط اخوية بين قوسين يعني مو جايبها من حدا او سمعانها من شخص او استاذ اني عم انصحك كطالب بدك تنجح وبدك ترفع راس اهلك وتنبسط بنجاحك وتحمد ربك عدراستك وتحصل تعبك ان شاء الله حط ثلاث سنادات باذانك بحيث تسمع وقت ياذن ووقت ينادونك عالاكل كلشي حكي مالو داعي لا تسمعو خليه يفوت من الاذن هي يطلع من هذيج ابعد عن حركات الاساتذة الي بدها تحلبك باخر كم يوم ( طبعا الحكي للي دارس وبدو يتفجهن ويقول اني مسوي مكثفة وهالحكي ، اما اذا عندك نقص معلومات استغل هالكم يوم وجيب استاذ وبلش) ابعد عن شي اسمه توقعات وتسريب وتنقيل وهالخرطي لان مارح توقع الا براسك اذا لا سمح الله انمسكت رح تنحرم سنتين تكون شيبت واخر همك الدراسة. الفلاسفة الي حكيتلك عنهم ابعد عنهم ويفضل تضل قاعد بغرفتك ضل عندك ٤٣ يوم مارح احسبهم بالساعات لان رح تخاف احسبهم بالايام تحسهم بحر قسم وقتك النوم من اليوم وطالع ٦ ساعات بزيادة خلي وقت الدراسة مو تحت ال١٣ ساعه ١١ منيحات كثر ادعيه والهاتف اذا مسكتو امسكو ظمن استراحتك بس واذا بدك تستخدمو منشان دراسة تحط طيران ويفضل تشيل الخط تشوف عرس مسيرة مظاهرة خناقة لعبة سهرة انسى انت طالب تحمل هال ٤٣ يوم الي ظلو اسجن حالك بعدها انت حر سوي الي بدكياه بس هالكم يوم استغلهم احسن ما يجي يوم تقولي يريتني درست. كل التوفيق حبايب القلب💙