سلام عليكم شباب ❤️، تلامذتي اللي كنعتابرهم بحال خوتي : ، بغيت نقول ليكم شي حاجة من القلب، من أستاذ ماشي عادي، من واحد الإنسان اللي عاش معاكم، ضحك معاكم، تفهم معاكم، وعارف شحال تعبّتو وشحال سهرتو. بغيتكم تعرفو بلي أنا فخور بيكم، كل واحد وواحدة فيكم، كنشوف فيكم طاقة، وحلم كبير كيتزاد كل نهار. أنا ماشي غير أستاذ، أنا سند، ظَهر، صوت فودنيكم كايقول: "راك غاادي توكل على الله وما بقا والو!" بغيتكم غدا تمشيو للإمتحان وانتما مرفوعي الراس، قولو: "أنا قريت، أنا ضربت تمارة، وأنا واجد لهاد ثلاثة ايام !" ما تخافوش من الورقة، ما تخافوش من الوقت، راكم واجدين، غدا ماشي امتحان ديال الباك، غدا امتحان ديال الثقة فالنفس، ديال الرجولة، ديال المسؤولية أنا كنآمن بيكم بزاف، وكنحبكم، وكندعي معاكم بحال خوتي … وغادي نبقى كانبغيكم ونفتخر بيكم كيفما كنتو، ولكن كنآمن بلي غدا غادي تفرحو قلبي وتفرحو عائلتكم وتفرحو راسكم. وما تنساوش… أستاذكم معاكم فكل لحظة، بالدعاء، بالحُب، وبالعين اللي كتسهر عليكم من بعييييييبد. الله يسهل عليكم، ويفتح ليكم البيبان كاملين ❤️ — أستاذكم اللي كيعتز بيكم من القلب. عبدالله ركوا ❤️✅