ߖߐ ߦߋ߫ ߡߊ߲߬ߘߋ߲߬ߞߊ ߓߍ߯ ߡߊ߬ ߊߟߎ߫ ߣߌ߫ ߖߐ߫ ߒߞߏ ߡߐ߮ ߟߎ߬ ߏ߬ ߞߐ߫ ߛߏ߬ߛߏ߫ ߘߐ߬ߝߐ ߓߊߕߐߡߐ߲ ߥߟߊ߬ߘߊ ߓߟߏߟߊߕߎ߲߱ ߛߌ߰ߘߊ (߅߲) (ߛߎߡߊߏߙߏ߫ ߖߎ߯ߙߎߞߊߒߞߋ߫ ߟߊ߫ ߡߊ߲߬ߛߊ߬ߦߊ ߡߊ߲߬ߛߊ߬ߦߊ ߛߊ߲߫ ߃߈: ߁߀߉߀=߁߁߂߈)ߞߙߎ߬ߞߊ߲߬ߝߎߥߊ߫ ߜߊ߬ߙߊ ߢߍ߫ ߁߄߆=߁߀߈ߛߏ߬ߛߏ߫ ߓߟߊ߫ ߖߎ߯ߙߎߞߊߒߞߋ߫ ߛߊ߬ߣߍ߲ ߸ (߁߀߉߀)ߟߊ߫ ߞ. ߜ. ߢߍ߫ (߁߄߆) ߊ ߘߋ߲ߞߍ߫ ߝߟߐ ߛߎߡߊߏߙߏ߫ ߖߎ߯ߙߎߞߊߒߞߋ߫ ߛߌ߰ ߘߴߊ߬ ߣߐ߭ ߘߐ߫ ߸ ߛߎߡߊߏߙߏ߫ ߏ߬ ߟߋ ߞߟߌ߫ ߘߊ߫ ߞߏ߫ ߜߌ߲߬ߜߌ߲߫ ߞߵߏ߬ ߛߊߓߎ ߞߍ߫ ߊ߬ ߟߊ߫ ߛߎߓߊ߯ߦߊ ߣߴߊ߬ ߟߊ߫ ߛߏߡߦߊ ߥߙߊ߬ ߞߏ߬ߖߎ߮ ߘߌ߫ ߸ ߓߍ߯ ߓߍ߲߬ ߘߵߊ߬ ߡߊ߬ ߟߋ߬ ߞߏ߫ ߊ ߜߟߍ߬ߦߊ߬ ߘߴߊ߬ ߝߊ߬ ߣߴߊ߬ ߓߋ߲ߓߊ߫ ߓߍ߯ ߘߌ߫ ߟߋ߬ ߞߏ ߓߍ߯ ߟߊߘߍ߬ߣߍ߲ ߘߐ߫ ߸ ߊߟߋ ߟߋ߬ ߞߊ߬ ߡߐ߱ ߟߎ߬ ߟߊߖߍ߲ߛߍ߲߫ ߖߡߊ߬ߣߊ߬ ߜߘߍ ߟߎ߬ ߢߊߝߍ߬ ߓߊߛߌ߫ ߘߌߡߊ߲ ߠߎ߫ ߖߏ߬ߓߊ ߟߎ߬ ߣߌ߫ ߓߏߟߌ߫ ߓߟߋߓߟߋ߫ ߟߎ߬ ߢߌߣߌ߲ ߠߊ߫ ߸ ߊ ߞߊ߬ ߓߊߛߌ߫ ߢߌߡߊ ߟߎ߬ ߣߌ߫ ߖߏ߬ ߡߊߛߌߟߊ߲ߣߍ߲ ߠߎ߬ ߛߐ߬ߘߐ߲߬ ߏ߬ ߘߐ߫ ߸ ߡߍ߲ ߠߎ߬ ߢߐ߲߰ ߕߎ߲߬ ߕߴߊ߬ ߢߍߓߊ߮ ߟߎ߬ ߓߟߏ߫ ߸ ߏ߬ ߟߋ ߓߍ߯ ߞߵߊ߬ ߕߐ߮ ߓߐ߫ ߛߋߒߞߏߟߦߊ ߘߐ߫ ߊ ߢߊ ߖߍ߬ߘߍߖߍ߬ߘߍ ߡߊ߬ ߸ ߛߎߡߊߏߙߏ߫ ߜߌ߲߬ߜߌ߲߫ ߣߊ߬ ߘߊ߫ ߛߊ߬ (߁߁߂߈) ߞ. ߜ. ߢߍ߫ (߁߀߈)ߠߊ߫ ߛߋߓߊ߯ߦߊ ߘߝߊߣߍ߲߫ ߞߏߟߌߞߏߟߌ ߘߐ߫ (ߡߊ߲߰ ߖߙߊ߬ ߓߏ߲߬ߓߊ ߟߊ߫ ߡߊ߲߬ߛߊ߬ߦߊ ߛߊ߲߬ ߂߃:߁߁߂߈=߁߁߅߁)ߞߙߎ߬ߞߊ߲߬ߝߎߥߊ߫ ߜߊ߬ߙߊ ߢߍ߫ ߁߀߈=߈߅ ߛߎߡߊߏߙߏ߫ ߖߎ߯ߙߎߞߊߒߞߋ߫ ߜߌ߲߬ߜߌ߲߫ ߛߊ߬ߣߍ߲ (߁߁߂߈)ߠߊ߫ ߊ ߘߋ߲ߞߍ߫ ߝߟߐ߫ ߖߛߎ߬ߟߊ߬ߜߍߟߍ߲ ߡߊ߲߰ ߖߙߊ߬ ߛߌ߰ ߘߴߊ߬ ߣߐ߭ ߘߐ߫ ߸ ߏ߬ ߟߋ ߞߟߌ߫ ߘߊ߫ ߞߏ߫ (ߜߌ߲߬ߜߌ߲߫ ߘߋ߲ߞߍ߫ ߜߌ߲߬ߜߌ߲߫) ߓߊߏ߬ ߊ߬ ߝߐ ߡߍ߲ ߞߍ߫ ߟߊ߫ ߸ ߞߏ߫ ߞߊ߬ߘߌ߬ߛߊ߬ ߦߋ߫ ߛߎߓߊ߮ ߟߋ߬ ߘߌ߫ ߸ ߡߊ߲߰ ߖߙߊ߬ ߕߘߍ߬ ߊ߬ ߝߐ߫ ߟߴߏ߬ ߟߎ߬ ߟߋ߬ ߡߊ߬ ߞߏ߫ ߊ߬ߟߎ߬ ߞߐ߯ߣߍ߲߫ ߕߍ߫ ߛߋߒߞߏߟߦߊ ߘߐ߫ ߸ ߓߊߏ߬ ߊߟߎ߬ ߕߍ߫ ߛߋ߫ ߟߊ߫ ߞߏ߫ ߟߊ߫ ߕߋ߬ߟߋ ߘߐ߫ ߝߏ߫ ߛߎ ߸ ߊߟߋ ߘߏ߲߬ ߊ ߕߊ߫ ߜߌ߲߬ߜߌ߲߬ߦߊ ߟߊߓߐ߫ ߟߊ߫ ߓߍ߯ ߢߣߊ߫ ߕߟߋ߬ ߞߎߣߊ ߟߋ߬ ߘߐ߫ ߸ ߖߎ߯ߙߎߞߊߒߞߋ߫ ߞߏ ߓߟߏߞߊ߫ ߘߴߊ߬ߟߋ ߟߋ߬ ߕߋ߬ߟߋ ߘߐ߫ ߸ ߞߴߊ ߝߊ߬ ߕߐ߮ ߟߴߊ߬ ߞߊ߲߬ ߞߵߊ ߞߟߌ߫ ߞߏ߫ (ߡߊ߲߰ ߖߙߊ߬ ߛߎߡߊߏߙߏ߫ ߘߋ߲) ߘߊ߬ߡߊ߲߬ߛߊ߫ ߊߟߎ߫ ߣߊ߬ ߘߊ߫ ߘߋ߲߫ ߞߏ ߓߐ߫ ߊ ߞߊ߲߬ ߟߊ߬ߛߎ߬ߘߎ߲߬ߧߊ߬ߟߌ߫ ߓߟߏ ߡߊ߬ ߞߵߊ ߝߐ߫ ߞߏ߫ (ߡߊ߲߰ ߖߙߊ߬ ߛߎߡߊߏߙߏ߫) ߊ ߝߊ߬ ߕߐ߮ ߞߍߣߍ߲ ߓߍ߯ ߟߴߊ߬ ߖߊ߬ߡߎ ߘߌ߫ ߏ߬ ߘߌ߫ ߘߏߦߌ߲߫ ߸ ߛߎߡߊߏߙߏ߫ ߖߊ߬ߡߎ ߏ߬ ߟߋ ߕߏ߫ ߘߴߊ߬ ߡߊ߬ ߡߎ߬ߕߎ߲߫ ߛߍߣߍ߲߬ ߞߘߊߎ߫ ߝߏ߫ ߞߵߊ ߛߌ߰ ߤߊߟߌ߬ ߓߌ߬ ߟߊ߫ ߡߊ߲߰ ߖߙߊ߬ ߢߌ߲߬ ߠߋ߫ ߞߟߌ߫ ߘߊ߫ ߸ ߞߏ߫ (ߡߊ߲߰ ߖߙߊ߬ ߓߏ߲߬ߓߊ) ߊ ߡߊ߬ߡߊ߬ߙߋ߲ ߡߍ߲ ߕߐ߯ߟߊ߫ ߘߴߊ߬ ߟߊ߬ ߞߵߏ߬ ߞߟߌ߫ ߞߏ߫ (ߡߊ߲߰ ߖߙߊ߬ ߘߐ߬ߡߊ߲߬ߣߍ߲) ߡߊ߲߰ ߖߙߊ߬ ߓߏ߲߬ߓߊ ߞߍ߫߫ ߘߊ߫ ߛߣߍ߬ ߟߊ߬ߦߙߌ߬ߥߟߊ߬ߓߊ߫ ߟߋ߬ ߘߌ߫ ߸ ߊ ߞߍ߫ ߘߊ߫ ߛߍ߬ߣߍ ߛߊ߬ߡߐ߮ ߖߍ߬ߘߍ ߟߋ߬ ߘߌ߫ ߸ ߊ ߘߎ߲߬ߘߎ߬ߡߊ߬ ߝߘߏ ߕߘߍ߬ ߊ ߓߟߏ߫ ߊ ߕߘߍ߬ ߥߊ߫ ߟߴߊ߬ ߓߌߘߌ߲߫ ߠߊ߫ ߡߍ߲ ߘߐ߫ ߛߐ߲߬ ߞߊ߬ ߛߍ߬ߣߍ ߞߍ߫ ߊ ߓߟߏ ߟߊ߫ ߸ ߝߏ߫ ߞߊ߬ ߘߓߊ߬ߞߟߊ߬ߜߐ߯ߦߐ ߞߍ߫ ߊ ߓߟߏ ߟߊ߫ ߸ ߊ ߕߘߍ߬ ߊ ߝߐ߫ ߟߴߏ߬ ߘߐ߫ ߞߍ߬ߣߍ߲ ߞߏ߫ ߛߍ߬ߣߍ ߢߣߊ߬ߛߎߡߊ ߟߴߊ߬ߟߋ߫ ߡߌ߬ߘߊ߬ ߟߊ߫ ߸ ߞߏ߫ ߝߏߦߌ߫ ߘߏ߲߬ ߕߴߏ߬ ߓߐ߫ ߟߴߊ߬ ߟߊ߫ ߝߏ߫ ߊ ߓߊ߯ ߊ ߓߌߘߌ߲߫ ߘߊ߬ߓߊ ߟߊ߫ ߟߋ߬ ߕߘߋ߫ ߸ ߡߊ߲߰ ߖߙߊ߬ ߞߵߊ ߦߌ߬ߘߊ߬ ߟߋ߬ ߸ ߞߏ߫ ߣߌ߫ ߝߊ߰ߡߊ ߡߍ߲ ߦߴߊ߬ ߝߍ߬ ߞߵߊ ߟߊ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߟߊߥߙߊ߫ ߊ ߢߊ߫ ߓߘߍ ߡߊ߬ ߸ ߥߟߊ߫ ߞߵߊ ߟߊ߫ ߖߡߊ߬ߣߊ ߖߊ߬ߥߏ ߟߊߛߓߊ߬ߕߌ߫ ߏ߬ ߞߊ߫ ߞߊ߲߫ ߞߊ߬ ߛߍ߬ߣߍ ߟߋ߬ ߝߟߐ߫ ߘߐߦߙߌߥߊ߫ ߞߌ߬ߛߍ߬ߦߊ ߣߌ߫ ߣߌߜߟߍߦߊ ߘߝߊߣߍ߲ ߠߊ߫ ߸ ߏ߬ ߟߋ ߞߵߊ ߟߐ߬ ߛߣߍ߬ߞߍ߬ߟߊ ߟߎ߫ ߓߋ߭ ߟߊߥߙߊ߬ ߟߊ߫ ߞߎߘߊ߫ ߞߍ߫ ߸ ߊ ߞߊ߬ ߛߍ߬ߣߍ ߟߊߛߓߊ߬ߕߌ߫ ߞߏ ߓߍ߯ ߢߊߢߌߣߌ߲߫ ߸ ߊ ߞߊ߬ ߟߏ߬ߟߏ ߡߊߞߊ߬ߙߊ߲߫ ߏ߬ ߟߋ ߘߐ߫ ߸ ߞߊ߬ ߛߊ߬ߡߊ ߘߏ߲߬ߖߟߎ߬ߡߊ߫ ߢߊ ߓߍ߯ ߟߐ߲߫ ߟߏ߬ߟߏ ߟߎ߬ ߞߎ߲߬ߞߊߓߋ ߡߊ߬ ߛߊ߲ ߘߌ߲߬ߞߌߙߊ ߟߎ߫ ߘߐ߫ ߸ ߊ ߕߘߍ߫ ߞߊ߬ ߕߐ߬ߡߊ߬ߛߙߋ߫ ߜߘߍ߫ ߟߎ߫ ߟߐ߲߫ ߡߍ߲ ߠߎ߬ ߦߋ߫ ߛߊ߬ߡߊ ߖߎߙߊ߲߫ ߞߏ ߣߴߊ߬ ߕߡߊߣߊ߭ ߞߏ ߟߌ߬ߤߟߊ ߟߎ߬ ߦߌ߬ߘߊ߬ ߟߴߊ߬ ߟߊ߫ ߸ ߊ ߕߘߍ߬ ߝߐ߬ߝߐ ߟߊߥߊ߬ߙߊ ߣߴߊ߬ ߡߊߓߍ߲߭ ߣߴߊ߬ ߘߐ߯ߦߊ ߟߐ߲߫ ߠߊ߫ ߝߏ ߟߎ߬ ߢߊ߲߰ ߟߊ߫ ߢߊ ߡߊ߫ ߟߍ߫ ߞߣߐ߫ ߓߌ߲ ߠߎ߬ ߟߊ߫ ߸ ߣߴߊ߬ߟߎ߬ ߞߊ߬ ߢߊ߲߰ ߟߊ ߞߍ߫ ߘߎ߲߬ߘߊ ߟߊ߫ ߸ ߏ߬ ߦߋ߫ ߖߌ ߟߊߘߐ߯ߦߊ ߟߋ߬ ߝߐ߫ ߟߊ߫ ߸ ߓߊ ߝߏ ߢߊ߲߭ ߓߊ߯ ߡߊߖߌ߰ ߢߊ ߊ ߢߊ߫ ߸ ߟߍ߫ ߖߌ ߕߍ߫ ߛߴߊ߬ ߡߊ߫ ߸ ߣߌ߫ ߝߏ ߞߊ߬ ߢߊ߲߭ ߟߊ߫ ߕߍߡߊ߬ ߸ ߏ߬ ߦߋ߫ ߖߌ ߡߊߓߍ߲߭ ߠߋ߬ ߝߐ߫ ߟߊ߫ ߸ ߣߴߊ߬ ߘߏ߲߬ ߞߵߊ ߟߊ߫ ߝߏ߯ ߛߊ߲ ߡߊ߬ ߓߌ߲ ߠߎ߬ ߣߎ߲ߣߍ߲ ߠߊ߫ ߸ ߏ߬ ߦߋ߫ ߖߌ ߥߊ߬ߙߊ ߟߋ߬ ߦߌ߬ߘߊ߬ ߟߊ߫ ߡߊ߲߰ ߖߙߊ߬ ߓߏ߲߬ߓߊ ߕߘߍ߬ ߛߊ߬ߡߊ ߛߎ߬ߘߎ߲߬ߧߊ ߟߐ߲߫ ߠߊ߫ ߞߐ߬ߣߐ ߛߎ߮ ߘߏ߫ ߟߊ߫ ߢߊ߲߬ ߟߊ ߘߊߡߌߣߊ ߡߊ߬ ߞߐ߬ߣߐ ߏ߬ ߕߐ߯ ߞߏ߫ (ߛߏ߬ߢߊ߬ߡߌ߲) ߏ߬ ߦߋ߫ ߞߊ߱ߟߊ߭ ߛߎ߮ ߘߏ߫ ߟߋ߬ ߘߌ߫ ߏ߬ ߘߐ߫ ߸ ߡߊ߲߰ ߖߙߊ߬ ߞߊ߬ ߛߍ߬ߣߍ ߘߐߖߊ߬ ߓߊ߯ߙߊ ߓߍ߯ ߟߴߊ߬ ߢߊߟߐ߲ ߘߊ߬ߟߎ߬ ߛߌߦߊߡߊ߲߫ ߠߋ߬ ߞߊ߲߬ ߡߊ߲߰ ߖߙߊ߬ ߓߏ߲߬ߓߊ ߕߘߍ߬ ߡߊ߲߬ߛߊ߬ ߘߎ߯ߟߊ ߘߌ߫ ߞߎ߲߬ߓߌ߫ ߛߌ߬ߛߋ߬ ߝߊ߲߬ߡߊ߬ߓߊ ߡߍ߲ ߠߎ߬ ߓߟߏ߫ ߸ ߏ߬ ߟߎ߬ ߟߊ߫ ߟߊ߲߬ߘߊ ߟߋ߬ ߕߘߍ߬ ߊߟߎ߫ ߟߊ߫ ߖߡߊ߬ߣߊ߬ ߡߙߊ߬ߣߍ߲ ߠߎ߬ ߡߊ߲߬ߛߊ߬ ߡߌߛߍ߲ ߠߎ߫ ߘߋ߲ ߠߎ߬ ߡߊߞߟߌ ߟߋ߬ ߘߌ߫ ߸ ߞߊ߬ ߥߴߊ߬ߟߎ߬ ߟߊߡߐ߬ ߊ ߝߍ߬ ߞߎߓߋߘߓߊ ߟߊ߫ ߞߎ߲߬ߓߌ߫ ߸ ߞߊ߬ ߥߴߊ߬ߟߎ߬ ߞߊ߬ߙߊ߲߬ ߞߍ߬ߟߍ ߞߍߢߊ ߟߎ߬ ߣߌ߫ ߗߍ߬ߦߊ߬ ߓߊ߯ߙߊ ߛߎ߮ ߓߍ߯ ߟߊ߫ ߦߋ߲߬ ߸ ߊ ߣߌ߫ ߞߵߊߟߎ߫ ߖߏ߯ߘߏ߲߬ ߥߊ߯ߕߌ ߖߏ߯ ߢߌߡߊ ߟߎ߬ ߟߊ߫ ߝߊ߲߬ߡߊ߬ߓߊ ߖߍ߬ߘߍ ߓߟߏ߫ ߸ ߤߊߞߍߕߏ߫ ߊߟߎ߫ ߞߊߣߊ߬ ߘߐߕߌߢߍ߫ ߊߟߎ߫ ߝߊ߬ ߓߘߊ ߡߊ߲߬ߛߊ߬ߘߋ߲߬ߧߊ ߥߙߍ߬ߥߙߍ ߓߟߏ߫ ߊ ߣߌ߫ ߛߊ߫ ߟߊ߬ߡߐ ߕߌ߲߭ ߣߴߊ߬ ߘߋ߬ߙߌ ߘߌ߫ ߘߏ߲߬ ߊߟߎ߫ ߣߌ߫ ߝߊ߲߬ߡߊ߬ߓߊ ߕߍ߫ ߸ ߊ ߣߴߊ߬ߟߎ߬ ߣߌ߫ ߝߊ߲߬ߡߊ߬ߓߊ ߘߋ߲ ߣߴߊ߬ ߘߐ߮ ߟߎ߫ ߕߍ߫ ߸ ߞߏ߫ ߘߋ߬ߙߌ ߏ߬ ߟߋ ߘߴߊ߬ ߞߍ߫ ߣߴߏ߬ ߡߍ߲ ߣߊ߬ ߘߊ߫ ߞߍ߫ ߛߌ߬ߕߊ߫ ߘߌ߫ ߡߊ߲߬ߛߊ߬ߦߊ ߟߴߊ߬ ߝߊ߫ ߣߐ߭ ߘߐ߫ ߸ ߏ߬ ߕߴߊ߬ ߕߟߊ߫ ߦߙߐ߫ ߢߌߣߌ߲߫ ߞߊ߫ ߓߐ߫ ߞߎ߲ߓߌ߫ ߝߊ߲߬ߡߊ ߟߎ߬ ߕߊ߬ ߡߊ߬ߙߊ ߘߐ߫ ߞߊ߬ ߞߍ߫ ߘߍ߲ߖߘߍߟߊ ߘߌ߫ ߸ ߏ߬ ߟߊ߲߬ߘߊ߫ ߞߋߟߋ߲ ߠߋ߬ ߡߊ߬ ߸ ߡߊ߲߰ ߖߙߌ߬ ߓߏ߲߬ߓߊ߬ ߝߣߊ߫ ߞߴߊ ߘߋ߲ߞߍ߫ ߞߋߟߋ߲ ߥߙߏ߬ߓߊ߬ ߟߊߕߊ߯ ߥߊ߬ߘߎ߫ ߛߌ߬ߛߋ߬ ߝߊ߲߯ߡߊ ߟߎ߬ ߡߊ߬ ߟߊ߬ߡߐ ߘߐ߫ ߞߎ߲߬ߓߌ߬ (߁߁߄߀)ߞ.ߜ.ߢߍ߫ (߉߆)ߝߊ߲߭ ߝߍ߬ ߸ ߥߙߏ߬ߓߊ߫ ߞߊ߬ ߛߊ߲߬ (߁߁)ߞߍ߫ ߟߊ߬ߡߐ ߘߐ߫ ߦߋ߲߬ ߸ ߏ߬ ߞߵߊ ߕߘߍ߬ ߡߎ߬ߙߊߓߌߕߎ ߟߎ߬ ߞߊ߬ ߥߊ߬ߘߎ߰ ߘߐߕߏ߰ߝߏ߬ߕߊ߯ߝߊ ߡߍ߲ ߞߍ߫ ߞߵߊ߬ ߝߊ߲߬ߞߊ ߡߊߖߌ߰ ߸ ߊ ߝߊ߲߬ߡߊ ߟߎ߬ ߝߊ߲߬ߞߊ߬ ߡߊߖߌ߰ߣߍ߲ ߏ߬ ߟߊߦߍ߬ߟߍ ߞߟߍ߬ ߞߎ߬ߘߊ߬ ߘߐ߬ߓߍ߲ ߠߊ߫ ߸ ߥߙߏ߬ߓߊ߬ ߘߏ߲߬ ߘߊ߫ ߞߎ߲߬ߓߌ߫ ߡߎ߬ߙߊߓߌߕߎ ߟߎ߬ ߓߐ ߛߊ߲߬ (߅߃)ߟߋ߬ ߡߊ߬ (߁߂߄߀)ߠߊ߬ ߸ ߊߟߎ߬ ߟߊ߫ ߝߊ߲߬ߞߊ߬ ߟߊ߬ߞߎߘߦߊ ߘߐߓߍ߲߭ ߏ߬ ߟߋ ߓߍ߲߬ ߘߊ߫ ߥߙߏ߬ߓߊ߬ ߟߊ߫ ߞߟߍ߬ ߡߊ߬ߞߊߙߊ߲ ߡߊ߬ ߞߎ߲߬ߓߌ߬ ߸ ߥߙߏ߬ߓߊ߬ ߞߊ߬ ߞߍ߬ߟߍ ߢߊߟߐ߲߫ ߏ߬ ߟߋ ߘߐ߫ ߞߊ߬ ߞߍ߫ ߝߊߘߌ߲ ߣߌ߫ ߛߎ߬ߟߊ߫ ߓߟߋߓߟߋ ߣߌ߫ ߣߊ߲߬ߞߌ߲ ߣߌ߫ ߥߊ߬ߣߊ ߘߝߊߣߍ߲ ߘߌ߫ ߸ ߊ ߛߊ߲߬ (߁߁)ߘߝߊ ߞߎ߲߬ߓߌ߬ ߸ ߏ߬ ߟߋ ߘߴߊ߬ ߝߊ߫ ߡߊ߲߰ ߖߙߊ߬ ߓߏ߲߬ߓߊ ߟߊ߫ ߛߊ߬ߦߊ ߘߌ߫ (߁߁߅߁) ߞ. ߜ. ߢߍ߫ (߈߅)ߟߊ߫ ߡߏ߬ߤߊߡߍߘ ߞߋߕߊ߬ ߞߐߣߊߞߙߌ߫