*اجي نهدرو شوية على جامعة ، دبا نت و لا نتي ان شاء الله غادي تشد باك ديالك ، و غادي تكون حائر معرفتي اش تختار و ش شي مدرسة عليا ،تكوين مهني ، ولا في اخير جامعة ، في حالة لجبتي نقطة زوينة من احسن ليك دير شي مدرسة عليا و تهني راسك، اما لختريتي جامعة اجي نقولك اش كين فيها من خلال تجربة ديالي و داك شي لعشت فيها ، انا نهدر بصفة عامة و خصوصا على تخصص ديالي اللغة الفرنسية، جامعة بحر كبير و خاصك تكون سبع و حربي باش تكمل فيها ، اولا في مرة لولة غادي دجيك زوينة و غادي تدخل معول تشد إجازة في بي 14 او اكتر،حيت باقي عندك داك جهد تاع باك، و غادي تبقى تحضر المحاضرات و تشد صف اول ، غير غادي دوز امتحانات تع semestre 1 غادي خرجو نقاط غادي تصدم ، وخا نت خدمتي مزيان ، تقدر تلقى 7 في موديل و لا 10 و تقدر تلقى absent وخا نت دوزتي امتحان ،داك شي عادي غادي تولفو من بعد , تقدر في امتحان غادي تلقى شي حاجة عمرك قريتيها ، حيت نت خاصك تكون بحتي عليها و قريتيها بحدك ...من بعد غادي تولف و تعرف القوالب تاع جامعة و غادي تمشي تخدم و تقرا في نفس الوقت ، وغادي تحضر مرة مرة الدروس ...مهم جامعة تتعلمك تبحت و تقلب على المعلومة و ضرب تمارة باش تدجيبها ،تتكون راسك،بي راسك ....مهم نصحة ليك خلي جامعة اخير اختياراتك حيت خصك صبر و نفس طويل باش تكمل فها*