*العلاقات الغير شرعية بين الولد والبنت:*💗🌱 ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ - العلاقات دي، اللي من ورا أهاليهم، ولا فيها كتب كتاب، ولا زواج، كلها حرام حرام حرام، ومفيش ولا ذرة شك في ده، سواء كان كلام، أو خروجات، أو صور، أو تلامس، أو نظرات، أو أي نوع من العلاقة حتى لو ما حصلش زنا. ربنا قال إيه؟ ربنا قال: > "وَلَا تَقْرَبُوا الزِّنَىٰ ۖ إِنَّهُ كَانَ فَاحِشَةً وَسَاءَ سَبِيلًا" [الإسراء: 32] *يعني مش بس متزنوش، ده ما تقربش حتى، ما تمشيش في طريقه، ما تبدأش حتى برسالة، ولا بنظرة، ولا بكلمة فيها غزل، لإن كل ده خطوات للشيطان!* `ده مش رأيي، ده كلام ربنا!` النبي ﷺ قال: > "العين تزني وزناها النظر، والأذن تزني وزناها السمع، واليد تزني وزناها البطش، والرجل تزني وزناها المشي، والقلب يهوى ويتمنى، ويصدق ذلك الفرج أو يكذبه.(رواه مسلم) *يعني كل الحواس دي لو استخدمتها في علاقة محرمة، فأنت داخل في طريق الزنا، حتى لو ما حصلش فعل الزنا نفسه.* ~<> <<💛>> <>~ *ربنا غضبان عليهم* العلاقات دي ربنا بيمقتها، وبيبغضها، وبيكره أصحابها، لإنها تعدي على حد من حدود ربنا، وربنا قال: > "تِلْكَ حُدُودُ اللَّهِ فَلَا تَعْتَدُوهَا ۚ وَمَن يَتَعَدَّ حُدُودَ اللَّهِ فَأُوْلَٰئِكَ هُمُ الظَّالِمُونَ" *أنتي فاكرة لما تبعتي لولد أو تكلمي أو تطمني عليه أو تحكي له أسرارك إن ده حب؟ ده مش حب، ده ذل، وقله حياء، وسوء خُلق، وإهانه لنفسك قبل ما تكوني أهانتي دينك!* ~<> <<💛>> <>~ *عذاب الله شديد جدًا* ربنا سبحانه وتعالى قال: > "إِنَّ ٱلَّذِينَ يُحِبُّونَ أَن تَشِيعَ ٱلْفَٰحِشَةُ فِي ٱلَّذِينَ ءَامَنُوا۟ لَهُمْ عَذَابٌ أَلِيمٌۭ فِي ٱلدُّنْيَا وَٱلْأَخِرَةِ" *يعني اللي يروّج للفاحشه أو يساعد فيها أو يشارك فيها، ليه عذاب مؤلم في الدنيا والآخره! فمبالك باللي عايش فيها أصلا وبيسهر لياليه عليها؟!* ~<> <<💛>> <>~ *الشيطان بيضحك عليك* - كل ولد بيضحك على بنت ويقولها "أنا بحبك وعاوز أتجوزك"، وهو بيضحك عليها عشان ياخد منها كل حاجه وبعدين يسيبها، هو بيضحك عليها وبيخليها تقع فـ الزنا، ولو مش الفعل فهو في خطوات الزنا. وده كله مكتوب عليها ومكتوب عليه، وربنا هيحاسبهم حساب تقيل جدًا. > كل لحظه خلوه بين ولد وبنت بدون محرم، الشيطان بيكون التالت بينهم، زي ما قال النبي ﷺ: "ما خلا رجل بامرأة إلا كان الشيطان ثالثهما" (رواه الترمذي) ~<> <<💛>> <>~ *عاقبة العلاقات دي:* زنا القلب والنظر سواد القلب حجب عن الصلاة هلاك في الدنيا: قلق، اكتئاب، خيانات، أمراض، فضائح هلاك في القبر: عذاب وظلمه ووحده هلاك في الآخرة: نار جهنم والعياذ بالله النبي ﷺ شاف في رحلة المعراج الزناه والزواني بيتعذبوا، عرايا جوه تنانير نار، والنار تطلع من تحت وتطلعهم فوق ويصرخوا ويتهانوا، ده مش كلام أفلام، دي رؤيا نبيك الصادق الأمين! ~<> <<💛>> <>~ *كلام للبنات خصوصًا:* - إياكي تفكري إنك لما تكلمي ولد أو تبعتي له أو تحبي حد من غير طريق ربنا إنك كده بتحبي بجد! - الحب الحقيقي هو اللي يبدأ بالحلال ويكمل بالحلال! - أما اللي بيقولك "إحنا لسه صغيرين نتعرف على بعض"، فده بيرميكي في النار، وبيبعدك عن ربنا، وكل لحظه معاه فيها معصيه لله. ~<> <<💛>> <>~ `الحل؟` - اقفلي الباب ده فورًا وبلا تردد امسحي كل المحادثات والصور - اقفلي طريق الرجوع مهما كان - ابكي وارجعي لربنا - استعيني بالله واشتغلي على قلبك ودينك قال تعالى: > "إِلَّا مَن تَابَ وَآمَنَ وَعَمِلَ عَمَلًۭا صَـٰلِحًۭا فَأُوْلَـٰٓئِكَ يُبَدِّلُ ٱللَّهُ سَيِّـَٔاتِهِمْ حَسَنَـٰتٍۢ ۗ وَكَانَ ٱللَّهُ غَفُورًۭا رَّحِيمًۭا" *يعني لو توبتي بصدق، ربنا هيبدل الذنوب اللي عملتيها كلها لحسنات! ده فضل ربنا.*❤️‍🩹🫴🏻