هتكلم عن موضوع مهم جدًا جدًا وهو الغيبه :-الغيبه ثلثي عذاب القبر :-الغيبه هي ذكر أخاك بما يكره :-قال صل الله عليه وسلم " يا معشر من امن بلسانه ولم يدخل الايمان قلبه لا تغتابوا المسلمين ولا تتبعوا عوراتهم فإن من يتبع عورات المسلمين يتبع الله عوراته ومن يتبع الله عوراته يفضحه في بيته" :-قال صل الله عليه وسلم "لما عُرج بي مررت بقوم لهم أظافر من نحاس يخشمون وجوههم وصدورهم فقولت من هؤلاء يا جبريل قال: هؤلاء الذين يأكلون لحوم الناس ويقعون في أعراضهم' الناس اللي بتغتاب هيبجوا يوم القيامه وتكون ضوافرهم من نحاس هتخربش وجهها وصدرها انتوا متخيلين المنظر💔 :-من ستر مسلما ستره الله في الدنيا والاخره :-عن أبي هريرة رضي الله عنه عن النبي صل الله عليه وسلم قال: الغيبه هي ذكر أخاك بما يكره، قيل يا رسول الله إن كان في أخي ما أقول قال: إن كان فيه ما تقول فقد اغتبته وان لم يكن فيه ما تقول فقد بهته :-قال صل الله عليه وسلم "أتدرون من المفلس؟! قالوا المفلس فينا من لا درهم ولا متاع قال صل الله عليه وسلم المفلس من امتي يأتي يوم القيامه بصلاه وصيام وزكاة ويأتي قد شتم هذا وقذف هذا واكل مال هذا وسفك دم هذا وضرب هذا فإن فنيت حسناته قبل أن يقضي ما عليه أخذ من خطاياهم فطرحت عليه ثم طرح في النار" يعني لو حسناتك خلصت قبل كل واحد انتي اغتبتبه او شتمتيه او ضربتيه او او هتاخدي انتي من سيئاته شوفي بقاا انتي اغتبتي كام واحد في القاعده مع صاحبتك أو جارتك أو قريبتك :_"وما يلفظ من قول إلا لديه رقيب عتيد" كل حاجه انتي انتي بتقوليها في ملك مراقبك وبيكتبها يعني بعد كده هتفكري في كل كلمه انتي هتقوليها :-قال صل الله عليه وسلم "اكثر خطايا إبن آدم لسانه :- ويلٌ لكل همزة لُمزه شر وهلاك لكل مغتاب للناس طعان في أعراضهم :-قال تعالى: "لا يغتب بعضكم بعضا ايحب أحدكم أن يأكل لحم أخيه ميتا فكرهتموه واتقوا الله إن الله توابا رحيم" هحكي موقف للصحابه عن الغيبه :-اتنين من الصحابه رايحين درس الرسول صل الله عليه وسلم واحد منهم بيقول للتاني يلا نروح ننادي علي صاحبنا عشان ييجي معانا الدرس التاني رد عليه قاله لا يلا نلحق الدرس وهو كسول وهيأخرنا قام التاني قاله عندك حق لما وصلوا عند الرسول صل الله عليه وسلم قالهم في بين اسنانكم لحم فاستغربوا وقالوا إحنا مكلناش لحم النهارده خالص قالهم اكلتوا لحم أخيكم انتوا متخيلين عشان قالوا ده كسول يبقي كده اغاتبوا واكلوا لحم أخيه ميتا طب واحنا!!! إحنا اللي لما بنقعد مع صحابنا في أقل من ساعة بتجيب في سيرة فلانه عملت وفلانه سوت لازم نفوق بقاا هتفضل كده لحد أمتي هنفضل نجيب في سيرة فلانه عملت دي فلانه سوت دي معرفش عملت اي هي حسناتنا ببلاش بنضيعها على اي حد قيامك وصيامك وصلاتك وذكرك لله سهل تضيعي أجرهم عشان خاطر قعدتي مع صحبتك خمس دقائق سهل كل الحسنات دي تروح لغيرك تيجي يوم القيامه تقولي فين حسناتي انا كنت بقيم الليل انا كنت بقرأ قرآن انا كنت بصوم انا كنت بعمل وبعمل طول ما انا عايشه يقولك كل ده راح على فلانه اللي اغتبتيها وإنتي قاعده مع صاحبتك في أقل من ساعة لسه هتغتابي برضو ولا هتوبي وتبطلي غيبه عارفين الغيبه عامله زي اي؟!! زي مثلا لما تروحي تشحني رصيد وتملي عمو رقمك عشان يشحنلك بس لما تخرجي تتفاجئ إن في رقم مش صح ساعتها هتعملي اي هتزعلي وتعيطي ما بالك بقاا إن حسناتك اللِ تعبتي فيها بتروح للشخص اللِ اغتبتيه ممكن تلاقي في صحيفتك زنا وشرب مخدرات هتقولي إزاي يارب انا عمري ما زنيت انا عمري ما شربت مخدرات ما هو لو الشخص ده حسناتك خلصت قبل ما ياخد حقه إنتِ هتاخدي من سيئاته والمشكلة أنها بتحب صاحبتها عشان بتجيب في سيرة فلانه وتقولها أخيرا هنتجمع عشان ننم علي الناس وتكون فرحانه انها بتغتابهم وتجيب في سيرتهم فوقوا يا بنات بالله بلاش نجيب في سيرة حد خلينا في حالنا احنا مش حمل نشيل ذنوب حد حسناتك مش ببلاش انتي بتتعبي فيها الغيبه تشمل الدكتور اللي إنتي عيبتني عليه أو المدرس لو الولد الفلاني لو البنت الفلانيه الغيبه شئ مش هينه💔 توبي الي الله هيقبلك والله وهيفرح بتوبتك " قل يا عبادي الذين اسرفوا على انفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم' "غافر الذنب وقابل التوب" "هو الذي يقبل التوبه عن عباده ويعفو عن السيئات ويعلم ما تفعلون" هيقبلك بس انتي توبي قوليله انا توبت يارب انا مش عدت هغتاب حد يارب أنا بحبك يارب مين هتاخد قرار ومش عادت هتغتاب تاني اللهم تُب علينا يا كريم يا رحيم يا حليم #لا_للغيبه #حسناتنا_مش_ببلاش