السلام عليكم ورحمة الله وبركاته *انا جايه اتكلم في موضوع مهم بقى منتشر في الفتره دي وخصوصا مع قرب الامتحانات اذا كانت للشهاده الاعداديه او الثانويه وهي تسريب الامتحانات وفي ناس بتحلل الحرام وتقول لك كلهم بيعملوا كده حتى وزيره التربيه والتعليم ناجح بالغش اول نقطه مش عشان الحرام بقى منتشر نسميه حلال ونضحك بيه على نفسنا عشان نعمله وضميرنا مرتاح الحرام هيفضل حرام حتى لو كل الناس بقت بتعمله دين ربنا نازل باحكامه ومعروف الحرام والحلال فما يجيش حد يزين لك الحرام ويقول لك انه حلال ويقنعك انك تعمله ربنا عمره ما هيوفق حد غش عشان ينجح ولا هيبارك له لو دخل كليه كويسه زي طب وهندسة ليه بنشوف دكتور بيموت المرضى ليه بنشوف مهندس مش فاهم في شغله في عمارات بتقع مباني بتقع ما كل ده لانه نجح بالغش فربنا موفقهوش لا في شغله ولا في دراسته اتمنى اي حد يشوف حد بيتكلم عن تسريب الامتحانات في اي جروب يعمله على طول ابلاغ كونوا سفراء للاسلام الاسلام حقيقي محتاج سفراء في ظل الناس بقت بتزين الحرام وتخليه حلال عشان تعرف تعمله بضمير مرتاح ما تضيعش تعبك وتعب اهلك انت مش هتتحمل يوم القيامه انك تقف شايل وزر كل طلاب الثانوية العامة او الشهادة الاعداديه وشايل وزر اهلهم اللي تعبوا معاهم طول السنه وقتها مش هتتحمل ما تفكروش في حاجات مؤقته الدنيا دي زايله فكروا لحاجه بعد كده وهي الجنه حتى لو فضلت تذاكر طول السنه وفي الاخر جبت مجموع وحش او دخلت كليه مش كويسه هتوفق فيها لان ربنا كان قادر يدخلك كليه كويسه او يخليك تجيب مجموع كويس بس دة مش الاحسن ليك اتقوا الله في أهلكم ومذاكرتكم وميغركمش الحرام الحوليكم ربنا هيعاقبهم ومش هيبارك لهم ابدا للأسف هنشوف ناس كتيرة اوي كويسة هتضعف عشان تحقق حلمها وحلم أهلها تحت مسمي هتوب بعدين لكن محدش ضامن انه يعيش لبعدين ولا حتي هيوفق في الكلية الدخلتها سدو اي منفذ يقدر الشيطان يدخلك منه واجتهدوا وحققوا حلمكم باستعانتكم بالله ربنا يوفقنا جميعا ويبارك لنا*🤍 *ايمان علي*