Mapinduzi ya Nelson Mandela hayakuwa ya risasi wala mashambulizi ya ghafla, Yalikuwa ni mapinduzi ya ujasiri wa kimya, wa subira ya miaka 27 gerezani, wa kusamehe waliomtesa, na wa kubadili taifa bila kugawa damu. Ni mapinduzi yaliyotuonyesha kuwa silaha kubwa zaidi ya mpambanaji ni dhamira ya moyo, msimamo wa kweli, na imani kwamba hata mawe yanaweza kulia kwa haki ikikandamizwa sana. Dunia inajifunza kila siku kutoka kwake. Kwamba haki inaweza kuchelewa, lakini haipotei. Kwamba ukombozi wa kweli huanza kwa mtu mmoja kusema “hapana” kwa ukandamizaji, na “ndiyo” kwa matumaini. Kwamba hata kama historia inakuweka gerezani, unaweza kuandika ukurasa mpya kupitia ujasiri wa kuvuka giza la mateso hadi nuru ya ushindi.