📌هل يحق للنيابة مراقبة موبايلك؟ إعرف إمتى المراقبة تبقى قانونية وإمتى تقدر تطعن فيها؟ نعم يحق للنيابة العامة مراقبة موبايلك لكن القانون بيحط شروط صارمة جدًا عشان يحمي خصوصيتك وميحصلش تجاوز.⚖️ 📌وفقًا للتعديلات الأخيرة في قانون الإجراءات الجنائية المصري: 🔖لا يجوز مراقبة أو تفتيش أي وسيلة إلكترونية (موبايل – إيميل – حساب فيسبوك... إلخ) إلا بعد إذن قضائي مسبب، ولمدة لا تزيد عن 30 يوم (قابلة للتجديد مرة واحدة). 🔖الإذن لازم يصدر من القاضي الجزئي أو قاضي التحقيق، مش النيابة بس. 📌إيه الفرق بين المراقبة والتفتيش؟ 🔖المراقبة: متابعة الرسائل أو المكالمات اللي هتحصل في المستقبل (زي التنصّت أو تتبع الشات). 🔖التفتيش: هو الاطلاع على المحتوى الموجود بالفعل في الجهاز أو الحساب (زي صورك أو محادثاتك القديمة). ⚠️وكل إجراء فيهم ليه ضوابط قانونية مستقلة، بس في الحالتين: 🏷️ممنوع يتم بدون إذن قضائي واضح ومسبب. 📌الدستور بيقول إيه؟ 🔖 المادة 57 من الدستور المصري: "لحياة المواطنين الخاصة حرمة، وهي مصونة لا تُمس... ولا يجوز تفتيشها أو مراقبتها أو الاطلاع عليها إلا بأمر قضائي مسبب، ولمدة محددة، وفي الأحوال التي يبينها القانون."✋⚖️ 🏷️يعني حتى لو النيابة جمعت دليل ضدك من موبايلك بدون إذن قانوني، تقدر تطعن عليه ويتم استبعاده من المحكمة. 🎯بإختصار: خصوصيتك محمية بالقانون والدستور... بس لازم تكون عارف إمتى المراقبة تبقى مشروعة، وإمتى تكون اعتداء على حقك.⚖️ 🖊️Dr. Ali Ezzat وعلشان تعرفوا أكتر عن نفس الموضوع وربطه بالترجمة القانونية هتلاقوا المعلومة هنا👇 Follow the Dr/Aya Ramadan⚖️ channel on WhatsApp: https://whatsapp.com/channel/0029VbAGMmN6BIEakgUYJV3S