۸صبح، کابل: د چاپېریال ساتنې د نړیوالې ورځې په مناسبت د ملګرو ملتونو د بشري چارو د همغږۍ دفتر (اوچا) وايي چې اقلیمي ناورینونو په افغانستان کې بشري اړتیاوې زیاتې کړې دي. اوچا پنجشنبه د غبرګولی پر ۱۵مه په یوه راپور کې زیاته کړې چې افغانستان لاهم له منځنۍ کچې کمو ورښتونو سره مخ دی. د دغه سازمان په وینا، په ډېری سیندیزونو حوزو کې د واورو د اوبو کچه هم له معول حالته ټيټه ده او د کمېدو په حال کې ده چې د اوبو د کمښت ناورین لاپسې زیاتوي. د راپور له مخې، د نباتاتو پر ودې منفي اغېزې له فاریاب ولایته د بادغیس، هرات او جوزجان اړوندو سیمو ته پراخې شوې دي. اوچا ویلي چې د ۲۰۲۵ کال د اپریل تر پایه د شمالي سیمې په فاریاب او جوزجان ولایتونو کې د تر ټولو ډېرو زیانونه راپور ورکړل شوی دی. د ملګرو ملتونو د استوګنې پروګرام هم، په افغانستان کې د اقلیمي ناورین په تړاو خبرداری ورکړی دی. #٨صبح_ورځپاڼه