افغانستان آلدینگی حکومتی حربیلری‌نینگ بیر قطارعایله‌لری ایتیشلریچه طالبلر تامانیدن عمومی کېچیروو اعلان بۉلگن بۉلسه هم آلدینگی حربیلرگه تېگیشلی بۉلگنلری اوچون بو گروه تامانیدن نظارت آستیگه آلینیب تېکشیریلیب تهدید اېتیله‌دیلر. اولرنینگ آرتیقلشلریچه طالبلر قیته – قیته اولرنینگ اویلریگه کېلیب حربیلر یقینلرینی افشا قیلیشلرینی ایسته‌یدیلر. افشا قیلیشدن واز کېچگنلری و همکارلیک قیلمه‌گنلریده طالبلر تامانیدن آزار و اذیت اېتیلیب اوشله‌نیشگه دوچ کېلگنلر. بوعایله لرنینگ ایتیشلریچه تیریک قالیشلری اوچون نېچه قتله یشه‌ش جایلرینی اۉزگریشگه مجبور بۉلگنلر؛ کۉچیش و جایله‌نیش حاضرگی اقتصادی شرایطده حیات‌لری‌نینگ جدّی قیینچیلیکلریگه اۉزگرگن. ۸صبح روزنام‌ سی بیلن صحبت قیلگن بوعایله‌لرنینگ بعضیلری تأکید قیلیشلریچه طالبلر تشقی کۉرینیشده عمومی کېچیروودن گپلشه‌دیلر لېکن عمل‌ده بو قیلگن وعده‌لریگه توخته‌مه‌گنلر. بو عایله‌لر خلق‌ارا تشکیلاتلر و انسان حقلری تۉغریسیده فعالیت قیله‌دیگن نهادلردن وضعیتلریگه تېرگه‌لیشنی ایستب طالبلر وعده‌لریگه عمل قیلیشلری اوچون باسیم کېلتیریشلرینی اۉرغو له‌گنلر.اولرنینگ ایشانچلریگه کۉره، بو وضعیت دوام تاپگنده‌گینه نه فقط کۉپ وطنداشلر جانی‌خطرگه اوچره‌یدی بلکه باله‌لری‌نینگ هم کېله‌جکلری قۉرقوو،تهدید وناتینچلیک بیلن شکلله‌نیشی ممکن. بوعایله‌لرنینگ ایتیشلریچه کېچه‌لر جوده تشویشلربیلن یاته‌دیلر و کونلر ی هم اویلریگه هجوم بۉلیب اوشله‌نیشلری خیالی بیلن اۉته‌دی. اولرنینگ ایتیشلریچه بو وضعیت نه فقط عادی اېمس بلکه انسانی هم اېمس‌دیر. کۉپراق اۉقینگ... https://8am.media/uz/revenge-return-of-taliban-from-families-and-children/