_*📌Kiya 'Arafah ka Roza Sirf Ghair Hajiyaun ke Liye Hai Ya Hajiyaun ke Liye Bhi?*_ _*Sawal:- Kiya Haji Bhi Hajj Mein Arafa ka Roza Rakhengey?*_ _*jawaab:- ji Bilkul Nahin.*_ _*Haaji ke Liye Arafah ka Roza Rakhna Munasib Nahin, kyunkey ALLAH ke Nabi ﷺ Aur Sahaba Aisa Nahin kartey They.*_ _*Umme Fazal Bint-e- Harith Raziyallahu 'Anha kehti Hain Logon Mein ikhtilaaf Hogaya Arafah ke Din Rozey ke Baarey Mein ke ALLAH ke Nabi ﷺ Rozey se Hain Ya Nahin Hain, Aaj Arafah ka Din Hai*_ _*Kuch Log Kehney Lagey ALLAH ke Nabi ﷺ Rozey se Hain kuch Ney kaha Rozey se Nahin Hai. Faisla kaisey Hoga?*_ _*Umme Fazal Raziyallahu 'Anha kehti Hain Logon Mein ikhtilaaf Hogaya To My Ney Ek Piyaley Mein Doodh ALLAH ke Nabi ﷺ ko Bhej Diya Peeney ke Liye. ALLAH ke Rasool ﷺ Wahan Arafah ke Din Maujood Hain Aur Aap Apni untni(Camel) Per They Yaney Sub Dekhney Waley Hain ke Nabi ﷺ kiya kartey Hain peetey Hain Ya Nahin peetey,*_ _*Doodh Kyun Bhejey, paani Kyun Nahi Bhejey, is Liye ke islami Aadaab Aur ikhlaaq Mein se Hai jab kabhi Yeh Teen Cheezein Pesh ki jaein to inkaar Nahin karna Chahiye,*_ _*Woh Teen Cheezein kiya Hain?*_ _*1️⃣. Doodh, 2️⃣. 'itr, 3️⃣. Takya.*_ _*To Doodh isi Liye Bheja ke Agar Roza Nahin Hai To pee Lengey, inkaar Nahin karengey, To Farmaati Hain ke Aap ﷺ Ney Peeliya. is ka Matlab Aap Rozey se Nahin They.*_ _✦Yeh Hadith Bukhari Mein Hai, Sahih Bukhari kitaab us Saum Hadith No: 1988 Aur Sahih Muslim kitaab us siyaam Hadith No: 1123._ _*📍ibn-ul- Qayyim Rahimahullah farmatey Hain: Ahl-e-Arafah ko kyun Roza Nahi Rakhna Chahiye?*_ _*Kehtey Hain ke Arafah ka Din Hajiyaun ke Liye jo Arafat Mein Hotey Hain, unke Liye Eid ka Din Hai."*_ _isi Liye jo Log Arafah Mein Hain, unke Liye Yeh Din Roza Rakhna Pasandeedah Nahin, hai Munasib Nahin Hain Nahin Rakhna Chahiye._ _*✨"Jo log Arafah Mein Hain, unke Liye Roza Nahi Hai, Lekin jo Arafah Mein Nahi Hain, Unkey Liye Roza Hai Aur iski itni Badi Fazeelat Hai ke Agar koi Nahi Rakhega To Mehroom Rahega."*_ _Abu Nujaih Kehtey Hain:_ _*"Hazrat Abdullah ibn Umar se poocha Gaya, Arafah Mein Arafah ka Roza Rakhna Chahiye ke Nahin? To kehtey Hain ke My Ney ALLAH ke Nabi ﷺ ke Saath Hajj kiya To Aapney Hajj Mein Arafah ka Roza Nahin Rakha. Aur Abu Bakr Raziyallahu 'Anhu ke Saath Bhi Hajj kiya, Lekin Unhoney Bhi Roza Nahin Rakha. Hazrat Umar ke Saath Bhi My Ney Hajj kiya, Unhoney Bhi Arafah ka Roza Nahin Rakha. Aur Hazrat Uthman ke Saath Bhi Hajj kiya, Unhoney Bhi Arafah Mein Roza nahi Rakha."*_ _✦ Is Hadith ko imam Ahmad, Tirmidhi, Ibn Hibban ney Riwayat kiya Aur iski Sanad Sahih Hai._ _isi Liye imam Tirmidhi kehtey Hain ke ulama Ney Yeh Baat kahi Hai ke Arafah ka Roza Mustahabb Hai Yaney Pasandeedah Amal Hai Siwaey un Logon ke Liye jo Arafah Mein Hon. Unkey Liye Yeh Cheez Pasandeedah Nahi Hai. Unko Arafah ka Roza Nahin Rakhna chahiye._ _*"Haji ko Arafah ka Roza Nahi Rakhna chahiye, is Liye ke unke Liye Yeh Eid ka Din Hai."*_ _👆🏽Yeh Nuakat Sheikh Abu Zaid Zameer Hafizahullah ke Dars se Liye Gai Hain jis ki Link Neechey Di Gai Hai_ 📚 *ذوالحجہ کے فضائل واحکام* *🎙️شیخ ابو زید ضمیر حفظہ اللہ* https://youtu.be/itw16trR3M0?feature=shared