الدفتر الامتحاني تقريباً حيجيكم بهذا الشكل او شكل مشابه اله التعليمات والمعلومات الي لازم تعرفوها عن الدفتر: تكتبون بقلم الجاف (الازرق أو الاسود) فقط 1⃣تكتب الاسم (اسمك الرباعي) 2⃣تكتب الرقم الامتحاني الخاص بيك موجود بالبطاقه الامتحانيه لا تنسون تاخذوها وياكم ما يسمح الكم بالدخول للمركز اذا ما عدكم بطاقتكم الامتحانيه 3⃣تكتب المحافظة انت وين عايش احنا (بغداد) 4⃣تكتب اسم المدرسة الي تداوم بيها (ازدهار العلم الأساسية الاهليه للبنين ) بالنسبة للعبارة ( اللصق الليبل هنا ) معليكم بيها هاي اللجنه همه يجون ويلصقون الليبل عالدفتر وراها وين تروحون؟ تروحون عل مربع الي عل يمين 5⃣تكتبون السنة وتملوها 6⃣بعدين تكتبون الموضوع يعني يا مادة تمتحنون 7⃣بعدين تكتب انت يا دور اول لو ثاني باجر الي يمتحنون انتو دور اول فتكتبون دور اول بالنسبة للبصمة تكون بالابهام مال ايدك اليسرى انتبه مو اليمنى داخل الدفتر حتلكون كل صفحة عليها رقم السؤال فكتبوا كل سؤال بورقته مو تغيرون وبقلم الرصاص انتبهوا داخل الدفتر بقلم رصاص فقططط بالنسبة الى باقي اجزاء الدفتر هاي من شغل اللجنة الامتحانية مالكم علاقة بيها كل التوفيق الكم🌹❤️