*Doctorpa Kampau ziak a Pathian in Ka Thumna ngaikhia a, khatna la ka hi* Central School (JNV) a sem a kihih chiang in training di a tamthei mah2 a, kum teng in training di khat le nih a omkha sim sek a, 2003 a JNV ka join apan tuni tan in (online simlouh in) physical tak a training ka kuan khiak 53 (NCC leh Scouts tel in) vei bang ana pha hi. Himahleh tutung a ka kuan khiak in chituam na mah2 khat a om a, huai ahihleh Siamsinte han thawn na ding in hiai ah tamlou ka hon taklang hi. Nissim 7/6/2025 in Aizawl lam manawh in Bolero ah ka hong tuang ua, ka ki tonpih ten zahtak siamtak in U Paul chin hon sam ua, a numei pen a mel ka muh chiang in zanlam a whatsapp a ka muh pen toh ki bang kasa a, aman le hon houpih touzel ahihna ah, thei chianglou hinapi, kua a chih ka dong hetkei a Khuanggin tan thu tuam2 ka ki hou tou uhi. Khuanggin a Green Hills hotel a ann nek in ka dong khethak mai a, a kampau le omdanten felna khat nei ahih man in, kua hiam ahi chih ka gintak ana dik a, amah tuh kua dang hilou in Unaunu Grace Khamgounem tutung a All India a dia ST a NORCET - Nursing Officer exam a khatna la (India pumpi a dia 179 na), tua a deihna mun a telsak ua AIIMS, Guwahati tel in, huai a documents submit di leh joining di sufel dia kuan ana hi hi. Ka hon theih chiangtak in ka houpihna topics kon heikual a, huaite lak a hon challege mah2 tuh hiai ahi. *Nem, Laisiam na mah2 chiale, bang chidan a India a ST teng2 lak a khatna lazou na hiam*?? chia ka dotleh, hon donna tuh hiai ahi. Ka neu apan in medical lam ka lung a lut a, huai ziakmah in Nurse kon ziltou hi. Mi dam theilou (sung hatlou nei) kahihman in, nurse kon zoh inle Doctor ah ka ki ensak zel hi. Doctor in medical termste a hon gen chiang in, ken kana thei a, kana sutzop/meaning khong kon gen chiang in, ka doctor in, Nang nurse mo hon chi a, ken hi ka chih aleh, nurse a tam2 toh bang a na tup honchi a, kenle NORCET exam sawm ka hi ka chihleh, hon enthak a, min ching haksa sa uh ahi. Lamka a nurse zou na hi a, na ching zou dia hia hon chi vial....!!! Huai heh lo mahmah ing a, challenge a la in, nak zawsem a prepare ing a pang ka hi. Huai ka doctorpan negative comment hon piak ziak tak a thathak la a Pathian kia Thumna toh pang a hiaitan tung ka hi honchih kia hilou in *Lohching dia Dawnna tuh Pathian a ahi chih ka mu a, huai lohchinna ingahtheihna dia mihing te kuhkal ngai ahi,* chi in hon dawng laizang a... Oho... Chi in ngaihtuahna saupi hon sukha hi. Tuni in Siamsinten ngaihtuah thak mah le uchin, Grace Nem apan sindi thupitak om hilou hiam. Amah a hahkat kia hilou a, Pathian a kimuh chianna nei a ki pumpiak tak a pang ahi. Min hon gintak keileh hahpan di. Negative commentste positive a laksawmdi, i lohchin ma failure accept di, give up ngeilouh a, hahpan di ahi. Siam iki saksim lehle lai ka siam a, a hunta chih om saklouh a, lohching ngei2 dia panlak ngai ahi. Thusia in thupha hitaleh positive mindset in thil lale, koilam hiam a ei a dia blessing in disguise hi ding ahi. Siamsinten pan naksem in honla un Pathian muang kawm in hong pang un. Thukumtu; S Paul