*إن الله إذا أراد بعبده خيرًا هداه وقومه وأصلحه :))* *كنت بسمع قصة جميلة أوي من الشيخ سمير مصطفى، قصة بِشر بن الحارث الحافي .. بِشر ده كان رجل غني جدًا ودايمًا كان بيّته مفتوح طول الليل والنهار غُنى ورقص! وهو كان سيّد قومه يعني كبير عيلة ..* *فـ في مرة كان قاعد في البيت يطبل ويرقص، قام واحد من العُباد معدي خبط على الباب ، فتحت الجارية!* *- قال: صاحب البيّت سيّد أو عبد؟* *= قالت الجارية: بل سيّد، بل هو سيّد قومه* *- فقال لها الرجل: نعم، لو كان عبدًا لعلِم لله حق عبُوديّته* ومشي الرجل ..قام سمعها بِشر! *تقف هنا مستغرب! تقدر تقول سمعها إزاي ؟* *يعني جوه فيها طبل ورقص وغناء، سمع إزاي!!!* *= كل الحكاية إن الله لطيف، أراد له التوبة، لكن عشان نقنع نفسنا إن في أغاني بالصوت ده وعالية وناس وليلة ودُنيا جوه، وهيسمع؟* *لأ، لكن الله لطيف بعباده ، إذا أراد بعبده خيرًا هداه ولو بكلمة :))* *المهم إن بِشر قام فَزعًا ووقع الكلام في قلبه، (الكلام الصادق كدا، يقع في القلب) وطلع يجررري وقال للجارية مين اللي كان هنا؟ فقالت كذا وكذا، قال لها طب مشي من فين؟ قالت له من هنا!* *جررررري بِشر وراه حافي، مستناش لما يلبس الجزمة.. لأجرري وراه لحد لما شافه وعرف إن هو ده، ووقفه!* *- وقال له: إنت كنت بتقول للجارية ايه في البيت ده؟* *= قال: قلت كذا وكذا، وقلت لها هو سيّد ولا عبد، قالت سيّد* *قلت لها لو كان عبد لعلم لله حق عبوديّته* *راح بشر نازل وحط وجه في التراب وقال بل عبد، بل عبد وتاب..* *حتى أنه سموه الحافي لأنه كان يُكثر من المشي حافيًا..* *سألوه بتمشي حافي ليه؟* *فكان يقول حالة تُبت إلى الله فيها فأُحبُها :💗))*