في وقت بتحس فيه إن كل حاجة حواليك بتضغط، وإنك بتدوّر على طوق نجاة… افكّر نفسك: اللي خلقك ما سبكش، ومش هيسيبك. ﴿ وَاللَّهُ يُحِبُّ الصَّابِرِينَ ﴾ عارف معناها؟ يعني كل مرة قلت فيها "هكمل" رغم التعب… كنت محبوب من ربك. كل دمعة نزلت وإنت ساكت، وكل كتمان وجع علشان ما تشتكيش… ربك شايفه وعارفه، وهيعوّضك عنه خير. ويمكن الحاجات اللي بتحصل مش ماشية زي ما كنت عايز، بس ماشية زي ما ربك شايفه الأصلح ليك. طوّل بالك شوية… الدعوات القديمة لسه ماشية في سكتها، والرزق اللي بتدعي بيه هييجي في وقته، والفرح اللي قلبك بيحلم بيه، ربك محوّشهولك بحنان ولطف. وكل ما تتعب، ارجع قول من قلبك: "حسبي الله لا إله إلا هو، عليه توكلت وهو رب العرش العظيم." دي مش بس كلمة، دي استسلام هادئ بين إيدين ربّ كريم، بيحضنك بلطفه ويدبرلك كل تفصيلة في حياتك بحُب 💙