باعود ‫تقولي لي ف كل مره:‬ ‫باعود لحبي الأول‬ ‫وانا اقول الزمن مره‬ ‫محال يرجع مثل أول‬ ‫سلامة قلبك وعينك‬ ‫إذا باقي معاك عيون‬ ‫دموع وربنا يعينك‬ ‫على مد الجبال عيون‬ ‫ ‬ ‫تعب جف الحبر يكتب‬ ‫بقايا احلام ورديه‬ ‫نشيل وذا القدر يكتب‬ ‫لكل انسان ورديه‬ ‫تبين الضيم وبيوته‬ ‫وذاك الشارع المسكون‬ ‫او الشعر اللي ببيوته‬ ‫غدى السكان والمسكون‬ ‫ ‬ ‫نقول الصدق لكنه‬ ‫ف سلم الناس مايصلح‬ ‫ولا بوحه ولا كنّه‬ ‫يفي وشأن العرب يصلح‬ ‫تبينه يا الامل روحي‬ ‫تبيني كم انا اعزك‬ ‫قسم بالله في روحي‬ ‫غرامك وابشري بعزك‬ ‫ ‬ ‫الشاعر احمد بن ادريس