ماينفعش أبقي بقالي ١٣ سنة بحذر من التاشيرات الحره وعمري ما أشتغلت في التاشيرات الحره وإن شاء الله عمري ما هشتغل في التاشيرات الحرة وتيجي إنت تروح تشتري تاشيرة حره وتتسوح هناك وما تسمعش الكلام وبدل ما تروح تزن علي اللي ضحك عليك وواخد منك فوق ال ١٠٠ الف جنيه تيجي تقعد تبعتلي أنا وتقولي ببعتلك وما ساعدتنيش مهو انا مفيش إجبار عليا خالص ولا التزام عليا إن أنا لازم أساعدك علي فكره أنا أه بساعدكو في الموضوع ده إن أنا بنزل تفاصيلكو لو متاح قدام الشباب اللي يعرفونا هناك في الاماكن بتاعتهم شغل إنهم يكلموكو ساعات كتير ربنا بيفرجها علي اللي بنزله تفاصيله ويكون حد محتاجه ويكلمه وساعات كتير جدا جدا مش بيلاقي حاجه في جميع الاحوال الشباب اللي هناك كتر خيرهم هما برضو مش مجبرين بدال حد جاب تاشيره حره انهم لازم يشوفولو حاجه لان في الاول والاخر دي حاجة مخالفه ومش رسميه لان انت المفروض تكون طالع من هنا علي عقد عمل وشغل وعارف انت طالع علي راتب كام ودنيتك ايه لكن هقولهالك تاني لو واحد بيروح تاشيره حره وبيلاقي شغل في ١٠٠٠ واحد قدامه بيروحو تاشيره حره ويتبهدلو وفي بيتخرب بيتهم حرفيا فأنا بقيس دايما علي الالف مش علي الواحد كان ممكن أقيس علي الواحد ده واقول اشتغل فيها واقنعك انك كده بتسعي وده نصيب وهعمل ملايين من وراها لاني ساعتها هبيع الاف التاشيرات بس أنا عارف اللي فيها الغالبيه بيبقي بايع اللي وراه واللي قدامه علي امل انه هيشتري حره ويعوضهم ويسد ديون ويروح هناك يتفأجي إن في الاف زيه مش لاقيين شغل وتقعد تدعي علي اللي اقنعك تستلف وتشتريها