تفتكر في يوم ممكن يقلب حالك كله؟ يوم يغيّر ميزانك عند ربنا من الذنوب للحسنات؟ يوم السما كلها بتتفتح فيه، وربنا بينزل للسماء الدنيا، ويباهي بيك الملائكة؟ أيوه... يوم زي ده موجود، وبييجي مرّة واحدة في السنة، اسمه: يوم عرفة. يوم مفيش زيه، النبي ﷺ قال: "ما من يومٍ أكثرَ من أن يُعتقَ اللهُ فيه عبدًا من النار من يومِ عرفة" يعني تخيل... اسمك ممكن يِكتب في صحائف المعتوقين من النار وأنت قاعد في بيتك، صايم، رافع إيدك، بتقول يا رب. مش بس كده… النبي ﷺ قال: "خير الدعاء دعاء يوم عرفة" يعني أي دعوة هتطلع منك يومها، ليها وزن تاني ليها طريق مباشر للسماء. يوم عرفة مش يوم عادي، ده يوم الفرصة، يوم الغسيل، يوم القرب، يوم المغفرة، يوم الدعاء اللي بيشق السما. أنا مش شيخ، ومليش في الكلام الكبير… بس قلبي حاسس إن اليوم ده مش عادي، وإن لازم أجهزله كأني رايح أقابل ربنا وعشان اليوم ده ميتعوضش، أنا خططت له كده: خطة يوم عرفة: "عايز أخرج من اليوم ده إنسان تاني" الفجر: صلي الفجر في جماعة اقعد في مصلاك لحد الشروق اقرا ورد قرآن، وابدأ بأذكار الصباح من بعد الشروق: صيام نية خالصة لوجه الله "صيام يوم عرفة يُكفّر السنة اللي فاتت والسنة اللي جاية" (رواه مسلم) صلاة الضحى سبّح، استغفر، كبّر، وهلّل "لا إله إلا الله وحده لا شريك له، له الملك وله الحمد وهو على كل شيء قدير" (100 مرة) قبل وبعد الظهر: صلي الظهر في أول وقتها اقعد ساعة لوحدك مع ورقة وقلم اكتبل ربنا ذنوبك، واطلب منه يمسحها ادعي... ادعي كتير، لكل اللي نفسك فيه، ولباب الجنة اللي بتتمنى تدخله اقرا قرآن، وعيش معاه من العصر لحد المغرب: ده وقت الدعاء، ده وقت الفوز الحقيقي اقفل موبايلك اقعد في سكينة ابكي، ناجي ربنا، قُل له: مش عايز أطلع من يوم عرفة زي ما دخلت كرّر: اللهم إنك عفو كريم تحب العفو فاعف عني اللهم اعتق رقبتي من النار اللهم بلغني رضاك والجنة يا رب لا تخرجني من اليوم ده إلا مغفور الذنب، مرفوع القدر، مكتوب من أهل الفردوس بعد المغرب: افطر وادعي دعاء الإفطار بخشوع صلي المغرب والعشاء في جماعة اقرا قرآن أو صلي ركعتين شكر نام وانت ناوي تبدأ العشر الباقيين بقلب جديد وروح أنضف لو فيه يوم يستحق تعيشه بكلك، فهو يوم عرفة لو فيه يوم ممكن يقلب كل موازين حياتك، فهو يوم عرفة لو فيه لحظة ممكن تغيّر مصيرك كله، فهي لحظة دعاء خالص في يوم عرفة استعد ومتضيعش الفرصة دي تاني