💔ඔබ මෑතකදී තනිකඩ බවට පත්වුණා නම්, මෙය ඔබේ ජීවිතයේ අවසානය විය යුතු නැහැ. ඔබ සහ ඔබේ හිටපු සහකරු හෝ සහකාරිය වෙන්වුණු විට, ඔබ දෙදෙනාගෙන් එක් අයෙකු එකම තැන හිඳිනවා හෝ ඊටත් වඩා මානසිකව පහළට ඇද වැටෙනවා විය හැකියි. නමුත් ඔබ, අනිත් අතට, ඔබේ හොඳම, දක්ෂම, ලස්සනම, බුද්ධිමත්ම අනුවාදය බවට පත්වෙන්න පුළුවන්. මෙය ඔබේ ජීවිතය ඉහළ නංවා ගැනීමටත්, වඩා හොඳින් ජීවිතය විඳීමටත් ඇති අවස්ථාවයි. මම ඔබට ඒ ගැන කියන්නම්. ඔබ මාව නොදන්නවා නම්, මගේ නම නිති. මම ඔබේ වැඩිමහල් සහෝදරිය වගේ. ආදරය, ආත්ම විශ්වාසය, මානසික සෞඛ්‍යය, සහ ආදර සම්බන්ධතා ගැන පර්යේෂණ සහ අත්දැකීම් මත පදනම් වූ උපදෙස් මම ලබා දෙනවා. මමත් එවැනි තත්වයකට මුහුණ දීලා තියෙනවා. ආදර සබඳතාවක් බිඳවැටෙන විට, ඔබේ මුළු ලෝකයම අවසන් වනවා වගේ හැඟෙනවා. ඔබ යම් කෙනෙකු සමඟ සිටීමට පුරුදු වෙලා ඉන්නවා, ඔවුන් නැතිව ඔබ ගැන හෝ ජීවිතය ගැන හිතන්නේ කොහොමද කියලවත් ඔබට තේරෙන්නේ නැහැ. ඒත් මම ජීවත්ව සිටින සාක්ෂියක්. මම දිගුකාලීන සම්බන්ධතාවයක් අවසන් කරලා වසර දෙකක් ගතවුණා. මගේ ජීවිතය සම්පූර්ණයෙන්ම වෙනස් වුණා. මම ඔබට කියන්නම්, මම මගේ ජීවිතයේ තිබුණු අඳුරුම, දුෂ්කරම කාලයෙන් එළියට ආවේ කොහොමද කියලා, ඒ වගේම මම දැන් සතුටින්, සෞඛ්‍ය සම්පන්නව, ඉතා තෘප්තිමත් ජීවිතයක් ගත කරන හැටි. *🌸පළමුවැනි පියවර :* ඔබේ තීරණය ගැන පැහැදිලි විය යුතුයි. ඔබේ ආදර සබඳතාව නැවැත්වීමට තීරණය කර ඇත්නම්, ඒ ගැන 100% විශ්වාසයෙන් ඉන්න ඕනේ. ඔබ ආපසු ඒ පුද්ගලයා වෙත යන්න යනවා නම්, මේ කිසිවක් වැඩ කරන්නේ නැහැ. ඔබ තරහකින් ඉන්නවා නම්, ඒ මොහොතේ තීරණ ගන්න එපා. ඔබේ තීරණයේ ස්ථිරව සිටින බව තහවුරු වූ පසු, ඔබට සුවය ලැබීමට සහ ඔබේ හොඳම අනුවාදය වීමට පටන් ගන්න පුළුවන්. ඔබේ ආදර සබඳතාව බිඳවැටුණු හේතු හයියෙන් කියන්න, ඒවා ලියන්න, ඒ තීරණය ඔබට හරි බව තහවුරු කරගන්න. *🌸දෙවැනි පියවර:* ඔබ දුකින් ඉන්නවා ඇති. ඒක සාමාන්‍යයි. ඔබට දුක හිතෙනවා නම්, ඒ දුක හිතෙන්න ඉඩ දෙන්න ඕනේ. සම්බන්ධතාවයක බිඳවැටීම යනු ඔබේ ජීවිතයේ එක් පරිච්ඡේදයක අවසානයක්. ඒ දුක ගනන් ගන්න ඕනෙ නෑ කියලා හිතන්න එපා. ඒත් ඒ දුකත් එක්ක ඉදිරියට යන්න ඕනේ. *🌸තුන්වැනි පියවර:* මනසේ රැවටීම. ආදර සබඳතාව බිඳවැටීමකින් පසු, ඔබේ මනස ඔබව රවටනවා. ඔබට ඒ පුද්ගලයා එක්ක තිබුණු සතුටු මතක ගලා එනවා. ඒක මනෝවිද්‍යාත්මක දෙයක්. ඔබේ මනස ඔබව සනසන්න හදනවා. ඒත් ඒ මතක ඔබට ඉදිරියට යන්න බාධා කරනවා. ඒ මතක එන හැම වෙලාවකම, ඒවා නවත්තලා, ඒ ආදර සබඳතාව බිඳවැටුණු හේතු ගැන හිතන්න. “ඒ සම්බන්ධය බිඳවැටුණේ මෙන්න මේ හේතු නිසා” කියලා හිතන්න. *🌸සිව්වැනි පියවර:* ඔබේ ආධාරක පද්ධතිය. ඔබට මිතුරන්, පවුලේ අය ඕනේ. ඔවුන් ඔබට සතුට ගෙන එනවා විතරක් නෙවෙයි, ඔබේ නව ජීවිතය ගොඩනඟන්නත් උදවු කරනවා. විවිධ පුද්ගලයින් එක්ක ගැවසෙන්න. එයාලා ඔබට විවිධ දේවල් ගෙන එනවා. එක මිතුරෙක් එක්ක එළියට යන්න, තව කෙනෙක් එක්ක ආදර සබඳතාව බිඳවැටීම ගැන කතා කරන්න. ඔබට විවිධ උදව් ලැබෙනවා. ඔබ සමඟ තවත් අය සිටින බව ඔබට දැනෙන්නට ඕනෙ. එය ඔබට ලොකු උපකාරයක් වේවි. *🌸පස්වැනි පියවර:* ඔබේ ආස දෙයක් සොය ගන්න. ආදර සබඳතාව බිඳවැටීමකින් පසු, ඔබ ඒ පුද්ගලයා ගැන විතරයි හිතන්නේ. ඒ ශක්තිය (අවධානය) වෙන යමකට යොමු කරන්න. ඔබ ආදරය කරන, ඔබව උද්දීපනය කරන දෙයක් සොයා ගන්න. ඒක ඔබේ ජීවිතය ඉහළ නංවනවා. මම උදාහරණයක් දෙන්නම්. මගේ ආදර සබඳතාව බිඳවැටුණු විට, මට තිබුණු අතිරික්ත කාලයත් ශක්තියත් යොදවලා, මම TikTok හරහා content creator කෙනෙක් බවට පත්වුණා. ඒක දැන් මගේ වෘත්තියක්. ඒක මට තෘප්තියක් ගෙනාවා. ඔබත් ඔබේ ආශාව සොයා ගන්න. ඒක නිසා ඔබට ඉදිරි ගමනක් හැඟෙනවා. *🌸හයවැනි පියවර:* ව්‍යායාම. ආදර සම්බන්ධය බිඳවැටීමෙන් පසු, මම හොඳින් පේන්න ඉන්න ඕනේ කියලා හිතුවා. මම ව්‍යායාම කරන්න ගත්තා, ඒක මගේ අනන්‍යතාවයේ කොටසක් බවට පත්වුණා. ඔබත් ඔබේ අනන්‍යතාවය ගොඩනඟන්න. ඔබ තනිකඩව ඉන්න අවස්ථාව ඔබේ අනන්‍යතාව සොයා ගන්න එකක් බවට පත් කරගන්න. 🍃අවසාන වශයෙන්: කාලය සුව කරනවා. ඔබට මේ බිඳවැටීම ගැන දුක් වෙන්න කාලය ඕනේ. ඒත් වසරකින් ඔබට හැම දෙයක්ම ලේසි වෙනවා. එවිට ඔබ ඒ පුද්ගලයාව හැම දෙයක් එක්කම සම්බන්ධ කරන්නේ නැහැ. ඔබ ඔබට ආදරය කරන්න, ඔබට ආදරය කරන අය එක්ක ඉන්න. කාලය ඔබව සුවපත් කරනවා. මේ බිඳවැටීම ඔබේ ජීවිතයේ නව ආරම්භයක්. ඔබට ඔබේ කාලය ඔබේ ආශාවන්, ඔබේ මිතුරන්, පවුල එක්ක ආයෝජනය කරන්න පුළුවන්. ඔබට නිදහස තියෙනවා. ඔබට ඔබේ ජීවිතය ගැන තීරණ ගන්න පුළුවන්. මේක ඔබට ඔබව සොයා ගන්න, ඔබව ආදරය කරන්න, ඔබේ ජීවිතය ඉහළ නංවන්න ලැබුණු අවස්ථාවක්.✨ මම බලාපොරොත්තු වෙනවා මේ පෝස්ට් එක ඔබට බලාපොරොත්තුවක් ගෙන එයි කියලා. ඔබ ආපසු සතුටින් ඉන්න කෙනෙක් බවට පත්වෙයි. මට විශ්වාසයි, ඔබත් එක දවසක මේ තැනට එයි, ඔබ ගිය මේ ගමන ගැන ස්තුතිවන්ත වෙයි.💐❤️ > උපුටා ගැනීමකි.