دا سپېڅلې لار د حقیقي مینې راز دی؛ یو داسې راز چې هر زړونه یې درک کولی نه شي. دا لار د هغه پاک احساس نښه ده چې په کې ریا نشته، توقع نشته، یوازې صداقت، وفاداري او قرباني ده. په دې لار کې مینه د دنیايي غوښتنو نه اوچته وي؛ دا مینه د روح اتصال وي، نه د جسد غوښتنه. دا راز هغه څوک درک کولی شي چې زړه یې صفا، نیت یې پاک، او روح یې د رښتینې مینې تږی وي. داسې خلک کم وي چې د دې مینې د راز ژور سمندر ته ورننوځي، ځکه دا لار یوازې د زړونو، نه د سترګو لید ده. `دتروږمۍ مسافر`