في لحظة صدق مع نفسك… مش بتستغرب إنك لسه بتسمع حاجة ربنا قالك تبعد عنها؟ عارف إنها حرام، وشايف إنها بتسحبك بعيد، وبرضه بتنزلها… وتنشرها… وتضحك، وكأنك مش سامع الآذان جواك بيقول: "كفاية." كل ما تنزّل أغنية، في واحد بيشوفها ويسمع… ويمكن يتعلق بيها، وإنت تاخد على ذنبه وانت مش داري. مش كفاية ذنبك؟ ليه تشيل كمان من غيرك؟ ربنا قال: "لِيَحْمِلُوا أَوْزَارَهُمْ كَامِلَةً... وَمِنْ أَوْزَارِ الَّذِينَ يُضِلُّونَهُم" [النحل: 25] يعني في ذنوب مش بتبقى ذنبك لوحدك… بتتوزع، وتبقى سلسلة في رقبتك. مش عيب إنك وقعت… العيب إنك ترتاح في الغلط وتفرشله سجاد. امسح، ابطل، ارجع… مافيش أغنية هتجبّر قلبك، بس آية واحدة ممكن تنوّره كله.