لو الطفل الصغير كل ما يقع وهو بيحاول يمشي، قرر يبطّل يحاول علشان فشل كتير… كان عمره ما هيمشي! وكذلك احنا، كل واحد فينا عنده هدف نفسه يوصله، بس ساعات بنكسل أو بنخاف نحاول علشان الطريق صعب، أو علشان جرّبنا قبل كده وفشلنا. بس الحقيقة؟ اللي بيقف عشان الفشل، عمره ما هيوصل! النجاح عمره ما بييجي بالساهل، ولو كان كده، كان زمان كل الناس ناجحين. كل خطوة فشل، بتعلّمك حاجة… بتجهزك للخطوة اللي بعدها، ومفيش حد نجح إلا لما تعب، واتوجع، واتخانق مع نفسه علشان يكمّل الطريق. الفرق الوحيد بينك وبين اللي نجح؟ إنه كمل… وإنك ممكن تكون وقفت بدري. عمر بن عبد العزيز قال : *"لو أن الناسَ كلَّما استصعبوا أمرًا تركوه؛ ما قامَ للناسِ دنيا ولا دين."* يعني باختصار، لو كل حاجة صعبة خلّتنا ننسحب، كنا هنفشل في دُنيتنا وديننا. فـ عادي تتعب وتغلط وتفشل وتزعل بس أوعى تقف، وأوعى تنسى إن كل ما الحاجة كانت أغلى… تستاهل التعب أكتر 💎 "كُلَّما عزَّ المُراد، ارتفع ثمنُه." 💛