*للمجـــــــــــاراه الثـــــــلاثاء👇* *٢٠٢٥/٥/٢٠م* ♕♕♕♕♕♕♕♕♕♕ يا عـــــازم اتوكــــل الليله مــــن البندر من خور مكسر ومن قمة جبل شمسان اجــزع بردفان والضـــــالـع وبالمعبــــر واجـــــزع نقاط المليشيــــاء تبع ايران ون عرقلوك المليشيـــــات والعسـكــــر اعمل رســــاله علی ذاء الرقم والعنوان بيجيك صـــــالــــح علي بالبدله معصر بيخــارجــك منهم واسرو في التوسان وسلمـه بن علي نسخة من المحضـــــر ونسختيــن احتفظ فيهم ل اهل الشان ذياب سلـم لـه الثانيــــــه واتخــــبــــر كيفـه وكيف اخوته والآل والجيـــــران وبعدها نحـو ابو شيــــــــخ الفتی تعبر سلم له الثالثـه مـــن نسخـــت القيفـان وقلهم ان ابنــــــاء الجـــنـــوب الحــــر قد فجــرو في عــدن ثوره كما البركان وثورة الشـعــب ثورة عـارمـــه تدحـــر من كان سارق وفاســـــد كان منما كان الشعب بادر الی الســـاحـــات واتجمهر بالصوت يهتف كفاء يا زمرت الشيطان نريد عيشة كــريـمــه يا رؤوس الشـــر مالم رحيل الحكومــة من وطنا حـــان وكل فاســــد وســـارق صـــار بالمجهر شـعــبــــاً عزيزاً اباء الاذلال بعـــد الان شعباً من الظلـم والـبــاطـــل بيتنهجــر عن كل فاسد وســـارق بلطجي سكران وبـعـد يا مــرسـلـــي تسئـــل وتتخبـــر هل حان عيش الكرامـه ايها الاخـــوان هل حان شـعــب الشمـال الان يتفجــر او كل من في شمـــالك يا يمن عجمان الی مـتــی يحـــمــلـون الظلـم والمنكـر الی مـتــی يقبـلــون الظلم والطغيـــان هـــل تقبلون ان وحـــــدة شعبنا تقبــر بسبـاب عــبــدالملك واذنابه الحيتـــان ارادة الشـعـــب قـــوه دوم لـن تقــهـــر ماعـاش من ذل شـعـبــك يا يمن ليمان هذي نصيحة محــب يا ايهــا المعشــر من اجل وحدة يمنـا كنسهـــم قد آااان في حرب اهل اليمن كل اليمن يخــسر محد دخل حرب اهليه خـرج كسبـــان مش خوف قد قلتها لا والنبـــي مضطر يكفي كفی يا عـرب تدمــيـــر للاوطان نشتي اليمن يزدهـر والشـعـب يتحــرر نشتي المحبة تسود الارض والانســـان اخترت اسهــل قوافي لجــل من يشعر غــيــر الثـلاثة يشــــاركنا من الشبـــان والختم اصلي واسلــم عا النبـــي لطهر المصطفی ذي ختــــم به ربنـــاء لديان ـــــــــــــــــــ الشاعــــر✍️ فكري الشطيري اليافعـــــــــــــــي يافع ـــ يهـــر ـــ جبل الجعشاني ◾◾◾◾◾◾◾◾◾ يامرحبا عد ما هـــــــــلل وماكبـــــــر وماشعار المسيرة يتـــــــــــــبع القران ماكل مخلص يجاهد ضد من حــــذر رب السماوات وبوجبريل في الميدان كسر انوف السكارى عيش واتخبــــــر يبن الشطيري وشوف ماشي عليك خسران شوف اليمن حر لا تغلط وتتمشـــــطر لا اشتيك تسافر تفضل بس لا تخـتان وانا ألقفك وادعمك بلادرع والمـــــازر واعطيك رقم الثقافه ترقيت انســـان ذي ترفع الراس واين ماسرت تتمشقر في كل دوله وتتحدا بها الغويــــــــان الا الحسد والاناني ذي عيتحســــــــر والامريض نفس من قواتنا غيــــــران لا عتفكر تغالطـــــــــــــني بقو ت شر قواتنا تابعه للخير فييـــــــــــن ماكان ما اناو ربعي من لي مثلكم يغتـــــــــر ولامفلت فلسطين واشتغل فالـــــدان شغلي مكافح ومتحدي كما عنتــــــــر ذي مات مسنب على ضهرالفرس خيران اقاتل المعــــــــتدي في بحرنا والبــــر ما انامن الي يصفق له معاالعـــــدوان ويفش غيضه على اصحابه ويتمضهر ويقلب الحرخاين ينصر السفــــــــهان ذي هومضحي على دينه وقرن اعصر يخرجو له ميت خله معا العـــــــوران والحمدلله على ماربنــــــــــــــــا قــدر النصر منه يثبـــــــــــــتنا على الايمان والخـــــــتم صلوعلى المختارذي عبر ووضح الوحي والتفسير بالبـــــــرهان الشاعــــر ✍️ابوعبدالمجيد صالــــــح بن علي العستوت ذمار ـــ ميفعة عنس ـــ ورقه ◾◾◾◾◾◾◾◾◾ يقول ابوشيخ ذي له صيت ساع هتلر و في العلوم و الثقافه مثل( ماجلان) انا الا مير و الوزير و العاهل القيصر و (الامبراطور )و انا حضرة السلطان و لا امرؤ القيس و لا طرفه و لاعنتر يوصل لشعري و لاعبدة و لد بيضان و لا الفرزدق و لا عمرؤ و لا الاشــتر ولا ابن تمام و الشبثي و شعر الجان و في الادب قلدوني جايزة (اوسكار ) شا عر محنك فصيح القول و اللسان انظم ابيات مثل الشــــهد و السكر و احلى من التوت و الليمون والرمان و اطيب من المسك والكافور و العنبر واغلى من الماس والياقوت والمرجان بل ( مونليزا ) عرضها متحف اللوفر و فن شعري.و لاقد جســــدة فنان يا د اخل البحر ماعنده ثقه و ابحـــر احذر عن البحرغدار و احذر الحيتان و الصقر معروف ما يلعب مع العصفر ولا يجاري صغار البــوم و الغـربان من بعد يامرحبا شاعر وقرن اعصر من( يافع )الجود ذي هي تابعه سلمان مر حب ملا عنس ذي هي ديرتي واكثر لا حد (قيفه ) ويوصل لا بني ظبيان و املا الكرب ياصديق الحال والصيعر لا مفرق الجوف لا الفرضه ولا الجدعان شاعر( جنوبي )يحاورني و. نتحاور واوضاع عندة و عندي ماضيه والان نعلن تراحيب في التيك توك و (ماسينجر) بضيف واصل ب اخبار عاجلة واعلان ترحيب ( مليار ) يتربع و. يتعشر بالميل و المتر و الهكتار و. الفدان بابن( الشطيري) عميد الشعر والجوكر ير حب على قاته النزي و لحم الضان لا(ميفعه عنس )ذي بالعرف موت احمر ولا(اللسي) ذي شموخه مثل ماعيبان منارة العرف. بالبــاروت يتبــــــــــخر و لا يهزة سقوط صاروخ او طيــران قد ثار شعب الشمال في شهر سبتمبر اوما سمعتوا رصاص الموت والدخان احذر تغالط بشعرك ياخبير احـذر و لا تحاول معي ب اللف و الدوران لا الان لازال ( جنوبك )شبه مستعمر شعبك ملانة قصص مأسآويه واحزان قلي بكم سعر كيس البر و السكر و الفول والبيض والبسكوت والكمران عاد انت بتاكل ( البيزا و همبر جر ) هل عاد بتاكل العسلان مثل زمــان هل عاد بتبني الفلات ابو.منظــــر وتركب الشاص(با زرعه )وابو شكمان قلي عن اخبار (سقطرة)وخور مكسر وعن(عدن )ذي(لصنعاء)النبض والشريان وجامع(الحقب)ذي كان مثلما الازهـر هل عاد(عرهل)وهل عادحقها البستان و قلعه ( القارة ) مهدالملك ( حمير ) واخبار( الألعُبوس )ذي هي مثلما لبنان الوضع منهار عندك و الذنوب اكــــبر عندي. ترجح. عليكم كفه المــيزان و عيدروس الزبيدي خ...خ...الخ.... مثل الشُُفير ياشطيري ماسك السكان و. الانتقالي نقلكم نقلة البربــــــــر يشتي يطبع مع صيهون و الامريكان لا تلحق الشر يا (فكري). وتتكبـر احذر تلاعب(( ابوشيخ )) لعبة الثعبان صححت و ضعك تعال بعدين نتخابر فكفك قيودك و حاول تقتل السجان قالوا لي ان الامارات. عندك أستـثمر لاشتيك تسافر ضروري تذكرة وضمان هذا الامارات مثل الكارثه و اخطر من الجذم والصرع و السل والسرطان فعلت ساع ذي يعير صاحبه يا اعور يا ابن الشطيري وهو واحد من العميان وان كان فيك ياشطيري صدق ضعف نظر لا بد ادا ويك من عندي و (بالمجان ) لا ما تفرق و تعرف من يهود خيبر و(تدمن) الشعرحقي والحروف ادمان عاد بايقع طعن (بالنصلة وبا لخنجر) من كل مغوار ذي هو للعدا طعـــــان وعاد ( ذياب ) بايجاوب وانته اتعــبر و(احمد حزام )بايقلك من هوالغـلطان يقول( ابو شيخ ) ببو ناظور وابو ليزر با و اجه الشر حلف البغي والعـدوان الشاعــــر ✍️ ابوشيـــــــــخ ناصـــــــر مقبل الواصــــــــــــــــــل ذمار ـــ ميفعة عنس ـــ اللســــي ◾◾◾◾◾◾◾◾◾ يقـــول ابوصقـر بالمدفـع وبالهـــــوزر والكاتيوشا (وبـي إم بــي) و بالفـلكان وبالصـواريـخ والميـج (وأف ستعشر) ادق وكــر العمالــــه ذي تبـع طــــهران واحاسب الفسل ابوجبريل ذي دمــــر وزعزع الامـــن واقلـق كامل السكـان باحـوط البحــر والأجـواء عليه والبــر لا عـــاد يحلم برجعه لا كهــوف مران الليل ياهاجسي من حـقك أتأمــــــًـــر لأنك اميـــر القوافـي داخــل الميـدان وانـت الاديب الثقافـي وانتـه الجوكـر والـُــّـدر واللـول والياقـوت والمرجـان وهاجسي بحـر لا قد هــاج واستـنفـر يشكــل اعصار وهسه داخل الطوفـان شاعـرحكيم مايصل لا مستواي عنـتـر ولا جريــر والفرزدق لو يكن من كــان وبعــد حيــا بشاعــــر كالأســــد يزئــر ترحيب وازا جبـل ضركام لا ثوبــان بفكــري الهيـم ذي قد عاش بكـريتــر بنــدر عــــدن ذي تعلاها جبل شمسان انا اشهـد انه قبيـلي بــل وقـرن اعصر والمعرفه والشهامه والكـرم عنــــوان عنبـل معك ياشطيـري بحــر والا بــــر نحارب الظلم واهـــــل الزور والبهـتان امثـال حامـس وابوهاشم دعـُاة الشـر والغـّـر صالح علي والمعصبي سلطـان ماشفت واحدشجب منهم ولا استنكر أعوذ بــــاالله هـولاء زمـُـرة الشيطـان لاشك ما هـم بقـايا من يهــود خيـبـــر أتناســـو الجمـل والمعروف والاحسان قولو لبو شيخ في ذا الصنـف لا يغـتر ولا يصدق ملازمهـم ونغـــــم الــــدان انا اعرف المقبلـي مثــل الملك شمـّـــر شامخ شموخ اللسي واسبيل وحيدعطان والجيد تلقاه طـول الوقـت ما أتـغيـر مثل الذهب خامته تبقى مدى الازمان والهاشمــــي تاليتــها يـارجـال يأســّر مادام شعب اليمـن من باطله جيــعان ماقد فعـل مثله الحجــــاج ولا هتلــر وابو دجانـه ولا فرعـون ولاهامــــــان لا ديــن ومّـله و لا مذهـب معه يذكر دخــل بكـــفره على بـوابــة الايمــــان هذا وبوصيـك يابو شيـخ وانت اخبـر يميـن ماينفعك زعطـــــــان ولافلــتان شعب اليمــن بالمـثل لو ثـار وأتحــّـرر في التاليه باتصبــــّــح انته الخـسران هذا وما ابـغـى الغلــط ياشيـخ يتكـرر ارجوك حسـّن سلوكك وانته الكسبان والختم صلوا عـدد مايتـلـو الكوثـــــر والطــور والجاثيـه والرعـد والدخان على النبـي يوم يشفــع ساعة المحشر ذكره يجلــــي همـوم القلب والاحـزان الشاعــــر✍️ صالــــــح بن عنبــــــــــل ذمـار ـــ الحـداء ــ الشعمـلي ◾◾◾◾◾◾◾◾◾ يقول ابو شيخ هذا اليوم وعد اغــــبر لابد ما ابقى على الدنيا ولا قرصــــان والحمد لله ربي هاجسي سيطــــــــــر هنجم على الكل في الغابه تقل طرزان اقبل مكـــــــــــــشر لنابه كالاسد يزئر ويفترس من سباع الغاب والغـــــزلان اقبل وعيــــــــنه بتقذفها حمم وشررر ويفر من كان يتحلى بقلب جــــــــبان والحمد لله مايوم هاجسي قصـــــــــر ولانقص حرف من ذي داخل المخزان يحق له يارجال يشمخ ويتعصـــــــور مادام عندة قوافي حاكها بتقـــــــــان يترابط الحرف كالذرات يتبـــــــــــلور ويبني الشعر تلقاة كامل الاركــــــــان بالفولت والاوم والهرتز وب الريخـــتر والباروالانش والليمـــــــــان والديكان في كود مرمــــــز على بصمات يتشفر تعجز فرنـــــــــسا بفك الكود والالمان حتى الولايات عجزت تكشف المصدر واخطر من الروس ذي هي عند باكستان من فوق عقــــــــل الذي بالعقل يصور واسرع من الغاز والفسفور والايثـــان احللة في جهـــــــــازات داخل المخبر وارد اصفيه وافرز حقــــــــــه الالوان ماهوش تطبيــــــــق نزلته من المتجر ولاصناعه مثل الشيبــــس واللـــــبان هذا وراثه ورثــــــــــــــته مبتدا وخبر حقي معي فصل لاعند النبــــي لقمان يامرحبا من شمال بيروت لا النيـــجر ترحيب يبقى طوال الجحر والعـــلان حيا بعنــــــــــبل من الدمام لا عرعـــر ومن حدود المنامة لا ورى الشيشـــان وعد ما كل من غصن الثمـــــــــار اثمر ومايغني على الرغدودة الكــــــــروان واهدة من العطر والريحان يتعطــــــر وجبه الفل والكــاذي مع الريحــــــــان اقبل يحذر ومـــــــدري ليش لي حذر ومصربالقول جالس مثل ابو سفيـــان مناش حوثي ولاعقلي بيوم فكــــــــر ولاسلالي ولانا شي من الاخــــــــوان وطالب الله انا فوق حقــــــــي الموتر على عيالي طريق البيـــــت لا الدكان ويوم نربح ويوم ياصاحبي نخســــــر رايي حيادي وكلماتي لها استبــــــيان لابد ما اعلمك يا اخي حروف الجـــــر واعملك درس في المعروف والايـمان اما من الوضـــع غني لك عراض ادور الوضع خربان يااصحاب الحدا خربان الوضـــــــــع تابع مسلسل زنبقه شوتر لا اشتيك عروبه ف تابع رافت الهجان قلي فين انت جالس كر و لافـــــــر في مارب الان ولا انته وســـط ثوبان وابن البخيتي ليش قالوا لحد وكفــــر وليش ينزل لنا في كل يوم ببيـــــــان اما من الوضع وضع الكل يتدهــــــور نشتي نصفي الخيانه مثلما عثمـــــان يقول ابو شخ هذا اليوم وعد اغبـــــر لابد ما ابقي على الدنيا ولا قرصــــان الشاعــــر ✍️ ابوشيـــــــــخ ناصـــــــر مقبل الواصــــــــــــــــــل ذمار ـــ ميفعة عنس ـــ اللســــي ◾◾◾◾◾◾◾◾◾