*مجــــــــــــــــــاراة قــــــوووه* *وقافيه فريده من نوعها*👇 ♕♕♕♕♕♕♕♕♕♕ اقرضوني حــرف مضمونه يبيّض وجهي عند من ربي رفع قدره وبَـيّــض وجهـــه لا يُقُـل (فَـتَاح)يا ذيب انْـقَـدَك ونْـقَـدْهـي قــافــياتك طــيّبات الرايـحـــة والنّكــهه هاجسي عن خدمـتي لاهِـي وعقلي مَـلْهي في شُغَل تطفي شَرَه كل النفوس الشّرهَـه ماعِِثر من قبل في(صِنْعي)ولا في(جُـبْهي) يـــــوم كانت مفـــرداته صــاحيه منتبـــهه وانت يا (فَتّـاح) تعرفني وتحفظ فِـقْـهـي مثلما تعرف ليش بانـط مِـن (هِي) لا(هَـه) للظروف احكام ـ قالوا ـ والدّواهي تدهــي والملامه يوم في الحِتْرَه ويوم في الجبهه السّكوت في مثل هذا اليوم حُكمه منـهي كل شاعر بالحروف العال يفــتح جبــــهه واقرضوني حـرف مضمونه يبيّض وجهي عند مَن ربي رفــع قدره وبَـيّــض وجهــه الشاعــــر ✍️ صالــــــح الخلقــــــــــــي ذمار ـــ عنس ـــ الخلقه ◾◾◾◾◾◾◾◾◾ عاد انا في الحرف حقّك ياضيا مستـنهـي ما دريت اين ارْجِـلَه واين ايْــدِيَــه متجهه إن قُــلنا منطــقه (دِلْـهِـــي) فما هو دلــهي وان قُـلنا منطـقه ( سَبْهِي) فِيَيْني (سَبْهَه) ما يجــد له حل تحريــــري ولا له شَـفْهِـي حرف ما شي له شَــبه ذِكره ونظمه شُــبْهه لا سَـهَـيْـنا فـيه سبـحان الذي لا يَسْـــــهي دامنا دَوْم الشـعير واحنا وياك في سَكْهَـه الشاعــــر ✍️ عبدالله الحبيشـــــــــــــــي ◾◾◾◾◾◾◾◾◾ يا شمـــوس القافيـه فــّذي علينا وابْـهِـي نِلْـمَه الحــرف الذي ما حد من اول لِـمْـهَه ما درينا ياكُلــوه الناس نَــــي أو مطهــــي الكَــمِه ما يـفــرح الا بالحـــروف الكَمْـــــهَه أوهت الزاجي حروفك والحروف ذي تُوهي مــا يغـــطي عــيبــها إلا حظّـها والوِجْــهَـه ما عليا لـــــوم لا فَـلّت بابــــــــــه مَـجْهِــي قد كــرهت المفـردات الشعريه من كُــرهَه الشاعــــر ✍️ علي الراعـــــــــــــــي ذمار ـــ عنس ◾◾◾◾◾◾◾◾◾ يا حروف الشعر جـنبي سَنّــبي وانتــبهي لا حدا يعرف طريقــش والهدف والوجهه لا امرتش لا تقــــــولي ليش بامر وانهـــي ما فقيه الا من افتى هاجسه من فــــقهه با يشلــــوش الطواهش قبلما تـــتجهــي عند رُفُــقه نفــتقـدهم لا تُــواروا. بُرهــه واحذري في غير بيت الزرغمي تشتبهي النزاهة ثوبهم ... والقُرب منهـــــم نزهـه الشاعــــر ✍️ بشير المنيــــــــــــــفي ذمار ـــ جرشة عنس ــــ الحسول ◾◾◾◾◾◾◾◾◾ ارحبــــوا يامعـــشر الشُعّــــار لا مُنـــتزهي ماالضيا عــقّــد حروف الشعر في منتزهـه ضاع عقلي في حروفك ياضيا من شرهي قلت بااتــولّه معاكم يافطاحـــــــل ولِهــــه كم خلق ربي من اهل الشعرما حد شَبَهـي لن انا شاعـــــر ولكـن ما لشعري وجــــهه للمنيفـي والحبيـشي وجـه مشرق وبهـي بس ابو عامر علي شاعر رفاهــي فـُكـهه الشاعــــر ✍️ عبدالقوي الاشرم العلانـــــــــــــي ذمار ـــ ميفعة عنس ـــ العلانه ◾◾◾◾◾◾◾◾◾