(نقطـــــــــــــة فاصلــــــــــة) قال الذي جفــت ينابعــيه بــنظم القافيـــــــه واستنفد أوراقـه وحبـره والقوافي والحـــروف كانت محيطاتي تطـــم الرقعــه الجغـــرافيــــه واليوم في كيلو مربع منحصر ثابت وقـــــــوف مابين خط الموت نقطـة فاصلة بالعافيــــــــه فيـــروس مستفحل حصد مـنا مـلايين الألـــوف واسمي تنزل والمرتب من كشـــــــــــوف المافيه والجوع ينـخرني وانا لجل الإباء صايم عطــوف كانت حروفي بلسم اجراحي وجرعة شافيــــه لكن تحاشتـــني مع كثر المــــــنايا والحتـــوف وبيـــن لا الجـــزم (عزرائــيل )لا النافيــــــــه مكشــر انيـــابة عليا والمنـيّـة ذي تطــــــــوف وأسنانه الطــــولى على صيد الطرايـد ضافيه بريقها لامع ويشبه طعنــــها طــعن السيـــــوف ويدي اليمنى من اثقــال المعيـشة سافيـــــــه والفقر ينهشني وانا مثل الجبل شم الانـــــــوف وشعر راسي بيــض شعطت بالمأسي صافــيه والقلب يقطر دم..وامواج المخاطر ذي تــزوف بقلم ابوهمــــــام الطاهـش *********************** وهذه مشاركتي مع الاخ العزيز ابو همام الطاهش 🤏 صارت قافله 🤏 يقول ذي عينه بآهاته وهمه غافيه ولوعت الحرمان ملفوفه على حلمه لفوف حيا ببو همام ذي لفضه بلاسم كافيه تضمد المجروح ذي ينزف من انياب الضروف يالكوكب الدُري ومشكات الحياه الطافيه اقطف من احلام السعاده ما دنا لك للقطوف لك بالهوى والعشق صفحه بالغزل اسرافيه ينبوعها الصافي ملاحم يالاديب الفيلسوف والوقت يابو نوف بينه كل شينه جافيه جعلت عزيز النفس حاسر في خسوفه والكسوف اقدام ابو مشعل على جمر المعاناه حافيه واليئس ينبض بالتفائل والأمل قلباً شغوف اضحك امام الناس واحزاني بجوفي خافيه ودمعتي تهطل مثيل الواطله خد السقوف المردمه تفرق وتردم ذي سماها صافيه والقل يذبحنا بسكينه كما ذبح الخروف ما نسهن اهل البخل واصحاب العلوم الهافيه عشنا على عهد القناعه في مقاديم الصفوف من بندقه بالشعر زاكي قارحه غزلافيه توجد به النخوه كريم النفس بكرام الضيوف محنا من اهل الحظ واصحاب الجيوب الدافيه ذي يغرفو عذب السعاده في مداليهم غروف والعافيه ميزان بين الناقصه والوافيه والصبر عين الحُر ذي في داجي الضلما تشوف عيحلها الباري علينا اجمع بنظره شافيه ذي رحمته والكف ممتده لها كل الكفوف 🖋️ ابو مشعل الجيلاني