لو مش مرتاح اسمع القصه دي 🟢 الراجل ده اسمه جوارديولا ..يعتبر احسن مدير فني لكره القدم في التاريخ ، له مدرسه متخصصه في التدريب واي حد لعب تحت ايده يبقي شخص محظوظ، اي فريق بيمسكه بيعمل معاه بطولات واحلي نتائج لكن فجاه ومن كام شهر الفريق اللي ماسكه ( مانشيستر سيتي واللي بالمناسبه بيلعب فيه عمر مرموش المصري ) بيحقق اسوأ نتائج علي الاطلاق هزائم متكرره ..وبارقام حتي أن اخر مباراه له خسر بخمس اهداف كأكبر خساره في تاريخ هذا المدرب ياتري ايه السبب...لا يمكن تتخيلو❗️ هل استغنى فريقه عن النجوم مثلا؟؟!! ابدا بالعكس..مانشستر سيتي صرف فى الشهر اللى فات فى الانتقالات الشتوية ١٥٠ مليون دولار بس عشان يجيب لاعيبه جديده الظروف هي هي ماتغيرتش بل بالعكس الادارة جددت له العقد لمدة ٥ سنوات قادمة بأعلى سعر مدرب فى العالم!!! ❌حاجه واحده بس اللي حصلت ❌ مشكلة اسرية كبيرة جدا مع زوجته انتهت بالطلاق و خسارته نصف ثروته.. المشكله دي أثرت عليه نفسيا لدرجه انها جعلته متذبب ومش مركز ومش عارف يشتغل انت متخيل، ( واحد عالمي بيلعب في افضل أجواء ومعاه فلوس متتعدش) 🔵مشكله في البيت دمرت أداءه في عمله وممكن تدمر حياته المهنيه وتاريخه كله 📣 طيب انا بقول الكلام ده ليه!؟ عشان اوضح حقيقه مهمه جدا 🔔أن الحاله النفسيه لاي إنسان هي المحور الرئيسي في حياته ، الأساس في نجاحه في عمله ،وحياته الاسريه ،وتفكيره الإيجابي أو السلبي ، وصحته وحتي ،اختياراته في اكله ،وقراراته في حياته 🔵اوعي تكون فاكر أن المرض جالك بس من الاكل الغلط ،ولا من السهر ،ولا من اي حاجه من اللي احنا كدكاتره دايت بنهري فيها ليل نهار ( طبعا ليها تأثير مافيش كلام) صدقني مزاجك ونفسيتك اهم حاجه لو عايز تنجح في اي حاجه او تعالج أي مرض 🔵والسبيل الأمثل للسكينه والطمأنينة هو التقرب من الله عز وجل فقد قال تعالى🤲🏼 : { الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ألا بذكر اللَّه تطمئن القلوب } صدق الله العظيم 🔵وفي اشد الفزع قالها رسولنا الكريم لصاحبه (لا تحزن إن الله معنا )❤️ فمن كان في معيه الله آمن الله روعته وأهداه السكينه التى هي أساس علاج كل الامراض ✅ بحبكم في الله بحبكم كلكم في الله …