*"VAIPHEI PEOPLES' COUNCIL KEK NIH KISUA A NGAILELE IKISUA MAI UH NGAI TANA"* — _Mr. Henlianthang the Dictator_ Amah san Vaiphei te tuni tiang a hinna le damna ei pe tu i lalpa Jesu chungin pak in um hen la, Chuleh Vaiphei sunga Puitu masa te chung inle kipak thu i gen uh ahi. Kum 4/5 dan in VPC GHQ. Election i nei sek uh, chuleh President dinga tel dawh aum ten, Vaiphei Nampi Constitution dungzui in Oat taking mipi mai in i nei sak sek uh, chuleh VPC GHQ. vaipua thak ten le Vaiphei Nampi Constitution tawh kituak in Vaiphei Mipi te ei mapui zing ui. Vaiphei kiti hih Kuki inle ala ki um kha pua, chuleh Kua mah Nomenclature nuai in le ila um kha pua, eima hithei na tiang a ki ding zing ziang ahi. Himahle VNO hunlai in Kuki ten Vaiphei Puitu te ei kidnapped piak uh banah i tha piak naklai uh ahi tikha a kuakua in hiat ding a poimawh ahi. Zia gual a genthei haksa Kuki Supremacy nuai a i tuak tou zing ziak uh, Lawi upa masa ten Tribe chuamchuam te tawh kihou tuak in Manipur a Zomi Movement ala um sa _(Pu Thangkhangin le Pu Gougin in ala pat dawh uh kha)_ zui ding a phasak na tawh Zomi Nomenclature hi hung ki pawm a hung ki chiapi ahidan alian aneu in ihiat sau ei ti kha le i vak taklang ut ahi. Chun Zomi Nomenclature official tak a tribe 5 le 6 in hung pawm zou phat in, 97 gal ahung piang hi, Zia hun achun Vaiphei cha bang zat hem Kuki ten kilawm lo tak mai in ei tha piak uh, i khua i tui uleh chutpha in aum a, Nu nau chapang te genthei tak le Haksa tak in aum hi. Zia hun a kua te ziak a i khua i tui uh nung lak aum thei ahem ti kha le a lian a neu in hiat ding a poimawh ahi. Tunia Zomi ti i dem dem teu hi umlo hile 97 lai in Vaiphei khua le Tui bangzat hem ki chan ding ahi ti kha ala he un. 2023 May 3rd nia dawi umlo tak mai Meitei te tawh gal ahung kinei a, Kuki area aum Vaiphei khua le tui tamtak hal thak in ahung um a, ah Area nei ten le ei limsak lo banah i khua i tui uh vengbit ding le ngaitua lo a ei kihiat mawh sak te kha Kangpokpi area a Thingnuaimi umte kha ahiu. Churachandpur district lam a Vaiphei khua Meitei te tawh kinai a cheng um te kha Kua te ahem ei vengbit piak te kha ? tuni a la demdem Zomi Nam sipaih te hilo ahem? Henlianthang in S. Kawtlian khel a Vaiphei khua le tui Frontline um ahi ti kha ala ki hiat in. Malcha mu le Malcha sit umlo kei a tuni tianga ei umpih zing, Volunteer te nek le chak ding nasan le ei buaipi piak uh, la demdem teu khan, Meitei gal kipat apat Churachandpur district sunga Vaiphei khua frontline adiak a Kangvai area, Lailoiphai area le mun dang dang Frontline zousia huap in pan ala zing ziang ui, himaleh KNA te lungthim phat lo ziak in Sangaikot frontline nusia ding in Army te kiang in report abawl uh force in a pawtdoh sak ui. Henlianthang VPC GHQ. President candidate ahi lai khan, USRA/KNO le KNF P te toh kithua in kangpokpi le Henglep Area a Vaiphei khua hausa le lawi upa te cu Henlianthang vote a piak na ding un, Signature campaign a bawl sak hih, himaleh hun hung chia tou zel in, Henlianthang Cabinet sunga a lawi upa bngzat hem Vice President pa mapui na in, Resignation lekha pia uh tuhi VPC Henlianthang group a Henlianthang le Lamtinlian bep um ahidan hiat dawh in aum hi. Amau gel hin Vaiphei Nampi a nawp nawp dan uh a pai chavai ziang uhi Vaiphei Mipi a tam zawh ten a kingai khawk mama ziang hi. ZOMI COUNCIL Nuai a VPC GHQ. um te chu President apat Members tiang Department portfolio kitup tak hawp piak in aum hi. Chule Vaiphei Nampi hi Zomi Council nuai aum zing ziang ding ahi ti kha Mipi ten ala he un. Henlianthang KZC Chairman tuk ziak a Vaiphei chu Zomi apat pawt na di thu him² umlo, a nawp le Henlianthang toh Lamtinlian in KZC min in Election Politics kisai ule hi ziang, adang gen di umlo. Chuleh Vaiphei Nampi Peace Comittee a Organisation um te kha ahitheile Henlianthang Group VPC hi ala zathuap ta lo ding a hiatsak la hiu. _"Team thisa te kha, ala um hithit un."_ *With Public Interest* By - Kh. Malsawm Vaiphei.